(غضب وأنفعال يليه وعد بالأنتقام)
بعد ان انتهت محاضرتهم ركب اياد مع تيم في السياره ليوصله
داخل السياره
إياد: تيم انا كنت عايز اكلمك في موضوع كده بس كل مره كنت بأجله بس بما ان دي آخر سنه لينا في كلية الهندسه فده شجعني عشان افاتحك فيه....
تيم بمزاح: إيه عايز تتجوزني ولا إيه..
اياد بغيظ : بطل رخامه ..انا بتكلم جد علي فكره..
تيم وهو يركز بصره في الطريق: طب قول انا سامعك...
اياد: أركن بينا علي اي كافيه علشان مش هينفع نتكلم في العربيه...
تيم ينظر له ثم يعيد بصره مره آخري للطريق وهو يقول: حاضر اما أشوف آخرتها معاك..
اياد بمشاكسه: آخرتها مسك وريحان وورد ابيض...
بعد ان جلسوا علي احدي الطاولات وطلبوا مشروبات قهوه ونسكافيه..
وضع تيم كوب النسكافيه علي الطاوله بعد ان ارتشف منه عدة مرات ونظر ل إياد الذي ينظر لفنجان القهوه امامه ويمرر طرف أصبعه علي حافة الفنجان بتردد...
قاطع تيم صمته: هاااا...موضوع إيه اللي عايز تكلمني فيه..
رفع اياد له بصره وتحدث بثقه: عايز أتجوز نرجس بنت عمك....
...................................
كانت عينه تشتعل بغضب عندما أتت علي بعض الاخبار الذي قرأها في احد المواقع علي النت والسوشيل ميديا....فصوره وتلك الفتاه تصفعه منشوره علي مواقع النت والسوشيل ميديا..
والخبر هو كالتالي(كاشيره في كافيه تهين حوت السوق راكان الشافعي وهو يقف امامها عاجز)
وآخر( الجنيه التي سحرت الملياردير راكان الشافعي بصفعه جعتله عاجز عن الرد عليها)
بل ومازاد الطين بله ان الواقعه نُشِرت في الجرائد وهناك صفحه بالكامل تتحدث عن المجهوله التي اهانت الحوت...
أصبحت سيرته تتردد علي السنة الناس بأنه عجز عن ردع تلك الفتاه بعد ان كانوا يرددونها عندما يكسب اكبر الصفقات ويقضي علي جميع منافسيه بالسوق....
رمي الجرائد بعنف علي الأرض بل وأخذ يكسر كل ماكان موضوع علي المكتب
حتي ان السكرتيره دخلت علي صوت تكسر الاشياء ليطردها بصوته الجهوري قائلا: أطلبيلي عادل وبعدها لا انتي ولا اي حد يدخل علينا..يلااا بسرعه مستنيه إيه..
لتبتلع ريقها وتجيبه: حاضر يافندم ..ثم تهرول بسرعه لتنفذ ماقاله...
راكان وهو يلهث بعنف :ماشي اقسم بالله لوريها ايام أسود من السواد والضلمه نفسهم ..مبقاش ابن الشافعي اما خليتها تدفع التمن وتدفعه غالي اووي كمان... انهكه ضربه للحائط بقبضة يده وتكسيره للمكتب والكراسي وما فوقهم ..
ليدخل بعدها عادل وهو يري كل ما في المكتب حطام ولكنه لم يتوقع ان يثور بتلك الطريقه هو يعرف بل متأكد بأنه قرأ الاخبار علي النت وفي الجرايد....ويتوقع ثورته وغضبه لكن ليس بتلك الطريقه...
اقترب منه ليهمس: راكان انت كويس..
راكان بحزم: هكون كويس لما تجبيلي كل المعلومات عن البنت دي..عايز كل تفصيله كبيره وصغيره في حياتها عايزك تشوف حد يراقبها يعرف هي بتروح فين وبتيجي منين مش عايزاها تغفل عن عينه لحظه واحده.عايز ملف عنها يكون علي مكتبي النهارده قبل بكره...مفهوم ياعادل..
عادل بهدوء: مفهوم بس اهدي انت دلوقتي تعالي نروح الكافتريا عشان تشرب حاجه تهدي اعصابك ...ثم اكمل وهو ينظر لما حوله: وكمان عقبال ما العمال ينضفوا كل اللي انت كسرته ده.....
اومئ له بالموافقه وسار معه بهدوء فهو حقا يحتاج لأن يهدئ أعصابه.....فعادل صديقه ومساعده الايمن في الشركه...
..........................
رنيم وهي تجلس علي الرصيف بتعب: انا تعبت ورجليا تعبت من كتر اللف علي الشركات والكافيهات من الصبح ...ثم اكملت بيأس: انا قولتلك صعب اننا نلاقي شغل بس مسمعتيش كلامي وصممتي اننا نلف ....
ندي الواقفه بجوارها: يا بنتي بطلي تشاؤم ..خلي عندك ثقه بربنا انه مش هيخذلنا ابدا..
اكملت رنيم وكأنها لم تسمعها: كان فيها إيه يعني لو استنينا يمكن المدير كان يطلب مننا نعتذر للي اسمه راكان ده وبعدها كان هيسامحنا ونفضل في شغلنا عادي..
ندي بغيظ: صدقي انتي تستاهلي اللي كان الزفت ده هيعمله فيكي انا غلطانه اني دافعت عن كرامتك وهزأته علشانك...بقي تدوسي علي كرامتك عشان خاطر مرتب تقبضيه كل آخر شهر....
رنيم وهي تزفر في ضيق: لو كنتي مكاني وفي ظروفي كان هان عليكي كل حاجه...
ندي: لا يا رنيم ده مش مبرر عشان تبعيي كرامتك..يا حبيبتي كل إلا الكرامه وعزة النفس دول ميتقدروش بتمن....
رنيم بدموع: انا تعبت والله تعبت من نفسي ومن حياتي نفسي ربنا ياخدني عشان ارتاح..
لتجلس ندي بجوارها وتحتضنها وتقبل رأسها : بعد الشر عليكي متقوليش كده ان شاء الله كل حاجه تتعدل بس انت ادعي وقولي يااارب..
رنيم وهي تزيد من احتضان صديقتها: ياااارب
لتهمس لها ندي بمزاح بعد رات الماره ينظرون لهم بريبه: طب يلا نمشي بدل ما يمسكونا..بتهمة وضع مخل بالآداب في الطريق العام.....
لتضحك رنيم بسعاد قائله: يلا..........
رنيم فتاه جميله محجبه ذات قوام متناسق لكن جسدها هزيل بعض الشئ تبلغ عشرون
ربيعا من عمرها معها فقط شهادة الاعداديه لم تكمل تعليمها بسبب ظروف حياتها الصعبه فوالدتها حبيسة كرسي متحرك ومريضه تحتاج لأدويه تقدر بالآلاف هذا بالأضافه الي جلسات علاج كل اسبوع منذ عامها العاشر وهي تعمل لتكفي مصاريف علاج والدتها..هذا بالاضافه الي والدها الذي يشرب ويسكر ويأتي في آخر الليل ليسلب منها اموال عملها وان لم تعطيه يضربها ثم يأخذ منها المال بعد ان يترك آثار الضرب المبرح علي جسدها لولا مساعدة بعض فاعلي الخير لما أستطاعت تأمين مصاريف العلاج لوالدتها المسكينه...
.......................‘‘‘‘‘‘‘‘‘‘‘
ينفث سيجاره بغضب وهو يقف وراء زجاج النافذه المطله علي الطبيعه من الخارج فتأتي بجانبه وتربت كتفه سائله: مالك يا راكان شكلك مضايق من حاجه..فضفضلي يمكن اعرف اهون عليك..
ينظر لها بغضب هادرا:وانتي مالك بيا اصلا وبعدين مش مهمتك انتهت يلا اتكلي علي الله مش هتقعدي تحكي معايا..وبعدين وانتي بتتكلمي معايا تقوليلي يا راكان بيه..
ياللهول انه يعاملها بحقاره لكنها تستحق فهي من رخصت نفسها له ولكنها بذات الوقت تحبه بل تذوب عشقا فيه..
هي بدموع: حاضر يا راكان بيه تحت امرك ..انا همشي زي ما امرت ..عن اذنك..
تدخل الحمام وترتدي ملابسها ثم تخرج وتجده في نفس مكانه لم يتحرك قيد انمله..فتأخذ حقيبتها وتخرج من الشقه كلها..
ليزفر بعد خروجها بضيق وهو يدهس السيجاره بعنف بعد ان رماها تحت قدميه..
قلبه يغلي من وقت قرائته للاخبار بالصحف..
حسنا سيريها من هو راكان احمد الشافعي نقطه وانتهي السطر..وستعض اصبعها ندما علي ذلك..
أنت تقرأ
جنيه غزت قلبي(الجزء الاول كامل) للكاتبه/آيه سيد قرني
Fiksi Umumاعتاد ان يأخذ كل شئ مهما كان.. هو قاسي متجبر حد النخاع متكبر.. لتواجهه هي بجبروته وتتصدي له.. فيقسم ألا يدعها إلا وهو بين براثن انتقامه... سيذيقها من العذاب الوان فهل ستخضع له بعد ان تخلي عنها الجميع وبقيت وحدها في مواجهة الذئب
