Սենյակում ճնշող լռություն էր, իսկ իմ մտքերը կարծես պատերազմի ելած լինեին։ Ես իսկապես ի զորու չէի հավատալ դրան։ Ինչպե՞ս կարող էր Քեյթ Դեվիզը՝ մարդը, ով ինձ համար ամեն ինչ էր, լինել Ջոնի առաջին սերը, այն օրիորդը, ով կոտրել էր նրա սիրտը և ատելության ու վրեժի ծիլեր դրել նրա հոգում։ Ինչպե՞ս այդ երկուսը կարող էին մեկ մարդ լինել։ Ես այդ աղջկան այլ կերպ էի պատկերացնում՝ նախանձ, չար, անսիրտ ու ինքնահավան, իսկ Քեյթը... Ես կարծում էի, թե նա իդեալական է...
֊Այսպիսով,֊ինձ Երկիր մոլորակ հրավիրեց Ուիլի ձայնը,֊հանկարծ չասես նրան այդ մասին։ Բավական չէ այդ վհուկը մերժեց Ջոնին մի հիմարի պատճառով, մի բան էլ բաժանվում է այդ հիմարից՝ հենց նրա պատճառով։
֊Դու որևէ բա՞ն գիտես դրա մասին։
֊Դրա մասին ամեն ինչ գիտեմ, բայց չէի ցանկանա օրիորդ լրագրողին ասել,֊ժպտաց նա,֊ներիր։
֊Լավ, մի՛ ասա. միևնույնն է ինքնուրույն կիմանամ։ Ի դեպ՝ ասածդ նույնպես շատ օգնեց։ Հմ... Փաստորին կռիվը Ֆրեդի պատճառո՞վ է։
֊Աիշ... Երկար լեզուս...
֊Գիտեմ, որ մտածված էր։ Շնորհակալ եմ,֊ժպտացի և դուրս եկա։
Դիմացս ելավ Ջոնը.
֊Որևէ տե՞ղ ես գնում։
֊Այո, Ջո՛ն, ներիր, շուտ պետք է գնամ։
֊Իսկ ու՞ր։
֊Աշխատանքի համար։ Ավարտելուց հետո կրկին կգամ։
֊Ուրեմն շուտ կգաս։ Կսպասեմ։
֊Լավ, անպայման։
֊Զգույշ կլինես։
Դուրս եկա և սկսեցի քայլել գտածս հասցեով, որտեղ պետք է որ Քեյթի տունը գտնվեր։ Արգելակի ձայն լսեցի և շրջվելով տեսա Ուիլի մեքենան։ Մոտեցա բացված պատուհանին և գլուխս մոտեցրի.
֊Ուի՞լ...
֊Նստի՛ր, ես կտանեմ քեզ այդ կախարդի տուն։ Բայց զգույշ կլինես, որ իր կախարդանքի փորձերը քեզ վրա չանի,֊ծիծաղեց նա։
Նստեցի մեքենան՝ երջանիկ ժպիտով։
֊Առաջին անգամ ես չէ՞ մեքենայիս մեջ։
֊Այո, պարզվում է զգույշ վարորդ ես։
֊Ինչպե՞ս կարող եմ զգույշ չլինել, երբ քո պես գանձ եմ տանում։
Թեթևակի կարմրեցի, քանի որ չէի սպասում այդպիսի հաճոյախոսության։
֊Հասանք։ Զգույշ և ուշադիր կլինես այդ վհուկի հետ։
֊Լավ, շնորհակալ եմ։
Դիմացս մի շքեղ տուն էր՝ պատսպարված փայտե բարձր դարպասներով։ Ցանկացա մոտենալ զանգին, սակայն դարպասները սկսվեցին բացվել, և ես արագ թաքնվեցի։ Դուրս եկան Քեյթն ու Ֆրեդը.
ŞİMDİ OKUDUĞUN
Վրեժ 2
RomantizmՀիմա վերադառնում ենք այն ժամանակներ, երբ Ջոնը դեռ չէր գործել ոչ մի սպանություն։ Ինչպե՞ս կդասավորվի հերոսի ճակատագիրը, եթե վերջինիս դռները թակի սերը...
