من أكون؟

ملحق شرح للشخصيات

توضيح وشرح الشخصيات

اعمام الشيخ علي
ابو شيخ علي عنده 3 اخوة وكلهم اصغر منه ... من مات كان المفروض الشيخة تروح لفاروق او محمد...بس كلهم تخلو عنها وخلوها براس علي...لان كان دوم ويا والده وماخذ طبع ابوه...وهم بسبب مشاغلهم وعملهم اللي يعتبروه اهم من الشيخة...نجي نشرح شخصياتهم وعملهم..

فاروق/// عم علي.. الاكبر باخوته حاليا...يشتغل تاجر ومستورد مواد غذائية...ما متخرج بس واصل اعدادية وتارك علمود الشغل...ما عنده اولاد بس عنده 7 بنات...وعنده بناته اهم شي بالدنيا

محمود/// عم علي ...الثاني وهو مهندس نفط... حاليا مدير عام بشركة نفط الجنوب...متزوج وعنده ولد اسمه مصطفى..و2 بنات ريان ومروة..

عمران/// اصغر واحد باخوته...واعز واحد عند علي بعد ابوه...والسبب هو ربا علي وهو صغير... منا وجاي راح تسمعون علي يصيحله( بوية ) ...متزوج وعنده 2 اولاد وبنية... وطبعا عمله قاضي بالمحكمة..

حسين/// يمكن ما عرفتوه...هو الولد اللي سوا الحادث بعلي واخوه...ما متزوج...ومدلل ابوه واخلاقه مو زينة...وصاحب مشاكل...وبسبب شكله وجسمه وفلوس ابوه يلعب على بنات الناس...منا وجاي راح تشوفون شلون علي يتعامل وياه

ابو حسين/// رجال جبير بالعمر عنده ولد و2 بنات... دلل ابنه الوحيد اكثر من اللازم وانحرف عن الطريق الصحيح ...وبعد ما يگدر يتحكم بأبنه...رغم سمعته الطيبة بس ابنه دائما يسببله مشاكل وينزل راسه گدام الناس...بس ظلم انسان واحد بحياته...وبعدين تعرفون منو..

باقي الشخصيات اعرفكم عليهم بالقصة واحداثها...وكل فترة انزل توضيح وشرح عن الشخصيات حتى تفهمون القصة اكثر