آيات...علي شيخنا واللي راح يصير زوجج...
ملاك...قصدج الشايب اللي راح ياخذني؟؟...شو حجيت هيج وكلها طكوها ضحكة...حتى ريم المعبسة ابتسمت وتضحك سكتاوي...شنو كلت شي غريب؟؟
آيات...لو يعرف علي بروحه شايب ...هسة يكسر رجله الثانية من وراج...لا ولج علي عمره 26 سنة شاب بعده..
ملاك...بس گالولي الشيخ يتزوجني..؟؟؟!!!
آيات....اي مو كتلج هو شيخنا...بس مو شايب هههههه ...واحنا نحجي اجا احمد يريد ملاك...
بالمضيف مسافة عن البيت...
علي...شو ورا ما راح الشيخ رجلي المكسورة گامت تحكني والحكة تزود وما تقل...احمد دز البنية ورجع..ولك احمد تعال حكلي رجلي المكسورة كتلتني كتل...
احمد...شلون احكها وهي كلها مصبوبة؟؟..
علي...ولك ما اعرف حتى لو تحك الصبة بس كون اخلص منها...ما اعرف منو كام يگرض بيا...
احمد...بگلبي بس لا من حجيت عليه...گامت رجله تحكه...شنو هذا ما يفوته شي حتى لو مو يمه ... الله يستر منه والله يخوف...واني احك بصبة علي اجا المومن...ورحت صحت البنية...وجبتها...اجت وياها انوار بس ما خليت آيات تجي ولو هي رادت تجي...
علي...اجت البنية شفت وجها .. شكلها حلو بس تعبانة مبين عليها من عيونها...بس واضح ما باجية...استغربت عليها...هذا التعب مو جديد... ومستحيل خلال يوم هيج يصير حالها...بگلبي اكول هاي وراها قصة ولازم اعرفها...بس واحنا نعقد انتبهت على شي بمعصمها...
ملاك...ورا ما اخذني الولد..احمد..ووصلني للمضيف دخلت وشفت ناس كاعده وهذا ابو الكرسي المتحرك كاعد بنصهم بالنهاية ...والمومن يمه حاجاه المومن ...وكاله شيخ علي عرفته هذا علي...شكله حلو وجسمه طبيعي ما مبين عليه معضل مثل اخوه الصغير...بس عيونه وكلامه بطريقة باردة تخوف...كلت هذا راح يأذيني...اذا سويت شي...كملنا وعقدنا... راحو ناس عرفتهم اعمامه لعلي...ورجعنا للبيت ...جبت وياي بس جنطة وحدة ملابس...صعدتها ويا آيات ودلتني على غرفتها كلتلي انتي تنامين وياي...ودلتني غرفة احمد...ومن نزلنا دلتني على غرف علي ومحمد وامهم جوة...وعرفت امير ينام ويا امه بنفس الغرفة...واني راح اكون ويا آيات بغرفتها...واكو غرفة لانوار وريم من يجن عدهم...بعد ما دلتني وراوتني البيت...صاحتلنا انوار على العشا...وعرفتني آيات على محمد ومنى زوجة محمد وبنته رقية ...بس اني ما احجي هواي ...لان اخاف وما اعرف طبعهم...كنت مقررة اذا عاملوني بسوء انتحر...
كعدنا على العشا وعلي خلو عشاه على منضدة وبالگوة يحرك ايده وياكل وظليت اباوع لتصرفاته...لان خايفة منه...ظلو يحجون ويتشاقون على العشا...بس علي ساكت وياكل...ومحد يتقربله كلت بگلبي اذا اهله يخافون منه...اني شلون بيه... وقاطع ضحكهم محمد بسؤال لعلي...
محمد... شبيك علوش شو صافن...وين وصلت... بس لا شي يوجعك...
علي...لا والله ابو رقية ماكو شي يوجعني...بس رجلي تحكني من العصر لسا وما اگدر احكها..
ملاك...من گال هيج الكل ضحكو عليه واني هم ابتسمت بعد فارة طويلة ابتسامة عفوية...
آيات...علوش هاي انوار كرضتك العصر...واحمد هم بگلبه كرضك...
احمد...ولج منو گالج وشلون دريتي اني كرضته..😨😨
آيات...والله ما ادري بس عليك يالله كلتها...😂😂
انوار...ولج تويتة هو بس اني كرضت مو انتي وياي هم كرضتيه...
علي...واني اكول الحكة تزيد وما ترضا تروح... تالي الجماعة مستغليني بالسره...
ملاك...من شفته هيج يحجي تغيرت شوية نظرتي اله...بس بعده يخوف لان ما اعرف كلشي عنه...بس قراري نفسه اقل شي يأذوني انتحر واخلص... بعد ما خلصنا العشا آيات صاحتلي اغسل وياها الماعين...ونسولف حجتلي عن حياتهم وعن علي...وشلون يعز اهله واخواته...ولسانه الحاد مثل السجينة...بداخلي اتمنى ما يأذيني او يسويلي شي...بس بعدني ما مأمنه بيهم لان يمكن باي لحظة يگلبون عليه مثل اهلي...
آيات...اكلج ملاك سولفيلي على اهلج شوية...من سألتها شفت عيونها دمعت ...سكتت وما حجيت بعد گلت يمكن اشتاقت لاهلها..
ملاك...من سألتني تذكرت ظلمهم اللي...وعيني دمعت هي انتبهت اللي وسكتت وشوية غيرت الموضوع...حتى تنسيني...بعدنا نسولف اجت انوار كلتلي علي يصيحج بغرفته يريدج...اني خفت وارتبكت هاي اول مرة راح احجي وياه...والخوف كاتلني كلت راح انتحر ورا ما يأذيني...
علي...دزيت على ملاك...كنت شاك بشي...هاي البنية قصتها مو خالية...وصار عندي فضول اعرفها...شوية واجت للغرفة بس وجها ينطي الوان...عرفتها خايفة مني... جسمها كله يرجف...كسرت خاطري...وردت اطمنها...اول شي جيبي الكرسي من يم المكتب وتعالي كعدي مقابيلي...جابته وهي ساكته...وكعدت...سألتها...شكد عمرج...
ملاك...عمري 19
علي... يعني بعمر آيات...زين شنو مكملة دراسة؟
ملاك...بالسادس احيائي ..و..و..وتركت...
علي...ملاك لا تخافين احجي براحتج ما راح اكلج...اني ما احب العظام...
ملاك...هااا ...ان شاء الله..من حجه هيج...ما اعرف يقلد على ضعفي لو عنده قصد ثاني...
علي... ملاك طلعي ايدج اليسره اريد اشوفها...
ملاك...هااا ...ل..ل.ليش ؟؟
علي...طلعيها وبعدين اسألي...سوي اللي اكلج عليه...
ملاك...من گالي هيج خفت منه... وطلعت ايدي بسرعة...
علي...ملاك نزعي الدشداشة اللابستها بسرعة...
ملاك...من كالي نزعي كلت راح يغتصبني...عرفته راح يأذيني...وبدت دموعي تنزل...وكلتله...الله عليك لا تأذيني...
علي...انتي تشوفيني گاعد على كرسي متحرك وايديه بالكوه احركهن...بله ما تعلميني شلون أأذيج...نزعي دشتاشتج...وبعدين افهمج...
ملاك...نزعت دشتاشتي واني مستحية وخايفة... وقررت بس اطلع من يمه انتحر...
علي...من شفت جسمها تأكدت ظنوني...من عقدنا شفت جرح بمعصمها...وقريب عليه كدمة جديدة...واللي خلاني اشك اكثر حالة جسمها...وما باجية من اجت...يعني طلعت بارادتها رادت تخلص من شي...ومن شفت جروح بمعصمها وكدمات على جسمها عرفت انها كانت يضربون بيها...وحتى اكو كدمات جديد بجسمها...وهي محاولة تنتحر اكثر من مرة...كسرت خاطري كلش ...لبسي ملابسج وكعدي...لبست ملابسها وكعدت...ملاك اول شي اسمعيني انتي حالج من حال آيات وبقية البنات...اللي يمس شعره منج وانتي عندي ما يلوم الا نفسه... واذا احد اذاج بكلمة بس كوليلي...وآخر اريدج تسولفيلي قصتج كلها...من البداية لليوم...
ملاك...من سمعته هيج يحجي امنت شوية..ومن گالي انتي حالج حال آيات ...اطمنت اكثر وخلاني اغير بالي بالانتحار هسة... بس ما اعرف بعدين شنو راح يصير... وسألني على قصتي...كلتله امني ما تسويلي شي واحجيلك...انطاني الامان...وحجيتله كل اللي صار وياي من حادثة السكاره لهل اليوم وشلون ظلموني على شي اني مسويته...وحتى محاولات انتحاري كلتله عليهن...لان گالي انتي محاولة الانتحار اكثر من مرة...بس من حجيت قصتي احس بالثقل على صدري قل...طبعا اني احجي وابجي وعلي هم عيونه دمعت شوية...
علي...ما توقعت هيج كانت قصتها... كل اللي ببالي انو هي حبت واحد واهلها عرفو واذوها...ما توقعت قصتها هالكد بيها ظلم...حتى اني ابو گلب ميت ما ابجي بسهولة عيوني دمعت...سمعيني ملاك...اني راح اوعدج بشي بس انتي هم وعديني بالمقابل بشي...موافقة؟؟
ملاك...موافقة...وهزيت راسي بالموافقة..
علي...اوعدج انو اخذلج حقج...وما اخلي احد بعد يمسج او يأذيج بكلمة.....وتوعديني بعد ما تأذين نفسج ولا تفكرين بأذية نفسج...وعد؟؟
ملاك...وعد ...شيخ علي
علي...صيحيلي بس علي...كتلج حالج من حال آيات...
ملاك...ان شاء الله..
علي...يلا روحي نامي انتي ما انتبهت للوقت الساعة بال1 بنص الليل...واخذي وياج هاي اللي تتصنت بالباب وغفت..
ملاك...هاا؟؟...فتحت الباب ولگيت آيات نايمة يم الباب...كعدتها ورحنا للغرفة ونمنا.....
