لعيونكم اليوم بارتين
بيت ابو حسين...
ابو حسين...بعد ما راحت ملاك فصلية...البيت تغير وام حسين 24 ساعة تبجي...وبنتي الصغيرة حتى ما تباوعلي...البيت كآبة...اكضي وقتي كله بالشغل...بس بعد فترة ام حسين بدت تضحك وتغيرت ملامحها...يمكن المرة خفت...وخاصة بعد ما راحت للزيارة...رجعت كلش فرحانه...وحتى رجعت تكلمني وتغير جو البيت...بس هذا كله ما فاجئني...الفاجئني حسين راواني فيديو للسكاره اللي اعتدو على ملاك...وسمعت كلامهم...مثل الصاعقة نزلت علية...ظلمت بنتي علمود كلام الناس...ليش ما فكرت اسوي هيج وابرأ بنتي...وهم بنات الناس اللي خافو من الفضيحة...ليش ظلمتها علمود شي لا ينفعني ولا يضرني...اخذت سيارتي مباشرة وطلعت لمكان بعيد...بقيت ابجي لوحدي متندم على السويته... اتمنى يرجع الوقت واصلح اكبر غلطة بعمري...بس بعد شنو بعد ما انطيت بنتي فصلية...وما اعرف شنو مصيرها...حتى اتصال ما اتصلت بيهم حتى يطمنوني عن بنتي...بقيت هيج الوم بنفسي واكثر من مرة حاولت اروح لشيخ علي...بس باي وجه اروح...بوجه الاب اللي ظلمها...لو بوجه الاب اللي تخلى عنها وتبرا منها...بقيت هيج مكسور لحد ما فد يوم صارت مشكلة...
حسين...بعد ما جبت الفيديو لابوي...حسيت بيه بدا يتندم...وعلى شنو على ملاك الساقطة...اصلا هو غلطان بهل شي(قصده الندم)...هو ما سوا شي غلط...بس بديت اشك بامي تعرف شي عن ملاك...والاكثر جاي تتصل بيها...لان اسمعها هي وفاطمة يحجن عنها...بس اول خليني اتأكد واني اعلمهم...
بيت الشيخ علي...
ملاك...اتفقت ويا علي نروح زيارة لاحمد الغريفي وناخذ امي ام محمد والبنات ويانا...وهم التقي امي وفاطمة...اريد اعرف امي ام محمد بامي وفاطمة... حاليا كلش فرحانه لان راح اطلع ويا علي وهم اشوف امي..
علي...اتفقت ويا ملاك نروح زيارة يوم الجمعة الصبح ونبقى للعصر...من اشوفها فرحانة اني افرح وياها...لو اكبر الهموم على گلبي راح يختفي من اشوف ابتسامته... ملاك نعمة ربي دزها اللي... وايامي وياها تحلى يوم بعد يوم...ما اعتقد بعد اگدر ابعد عنها...واجا يوم الجمعة حضرنا انفسنا وطلعنا بالسيارة ...امي كعدت بالصدر وملاك كعدت ورا بالنص...
آيات...اي علي ملاك صارت بالنص... حتى تظل عينك عليها..مو...
علي...انتي شنو حارگ فلمج...حبيبتي وما اريدها تغيب عني...
آيات...علي واني وين صرت...شو ملاك دخلت گلبك وانطتني دفرة وطلعتني منه...
علي...ولج انتي الكبد مالتي...ماكو احد يگدر ياخذ مكانج...
ملاك...ها آيات گمتي تغارين مني؟...
آيات...آني آيات اغار؟...بالعكس مكاني عد علي ماكو احد ياخذه وهسة گالها...بس انتي انتبهي لزوجج البنات عيونهم عليه...وحتى لو متزوج يريدوه بعد ما يهتمن لهذا الشي...
ملاك...علي صدك تحجي آيات؟...البنات يجوك ويباوعولك...بعد ما تطلع لوحدك...رجلي على رجلك...
علي... ولج آيات شسويتي...بعد شيخلصني من غيرتها...اليوم تاكل گلبي من نرجع...
ملاك...علي اني آكل گلبك...اعلمك من نرجع...
آيات...يمة... ملاك صايرة خطيرة كلش...حتى علي يخاف منها...ذاك علي اليخوف الشيوخ يخاف من مرته...
علي...ولج انتي شتحجين؟...اني اخاف من ملاك؟...
ملاك... حبيبي علي...
علي...لا جذب اخاف...واخاف كلش منها...من گلت هيج امي و البنات ضحكو علية...الله يديم هالضحكة...واخيرا وصلنا للامام...نزلنا وخليت السيارة بالكراج ولگينا المفاجئة...
