ملاك...ولج والله اخاف من عماتج...راح يسولي شي...ذيج بس دفعتني كدام الناس...ولو مو علي الله اعلم شنو راح تسوي بيا بعد...
آيات...ولج سكتي ولا تقارنين عمتي ام عباس بعمتي الجبيرة...هاي ذهب صافي...بس تعرفيها راح تحبيها صدكيني...
ملاك...راح اصدكج...بس اذا صار شي مسؤوليتج...
آيات...اي مسؤوليتي...بس كومي غسلي وصلي راح تطلع الشمس...
ملاك... أن شاء الله...راح اكوم...كمت غسلت وصليت ونزلت...سلمت عليهم وتريكت...وعرفت علي اليوم ما يطلع علمود عمته...يريد يشوفها...اني فرحت بگلبي اليوم يبقى هنا...ولج عليمن تفرحين بعده يخوف ...بس مو مثل قبل...هسة اريد اتعرف عليه واعرف كلشي عنه...حب؟؟...لا لا.. بس اريد اعرف الانسان اللي انقذني من الظلم...حقي مو؟😉😉... المهم اجت عمته واجو وياها بنت و2 اولاد...عباس الجبير عمره 21 سنة والثاني اسمه مؤمل بعمري 19 سنة والبنت الصغير اسمها مسر وعمرها 17 سنة...سلمت عليهم وعلى عمته...صدك طلعت مرة طيبة وحبابة...جايبة هدايا وياها للبنات واني هم ما نستني...وكعدنا نسولف اجا علي سلم على عمته واولادها واخذ الولد وياه...كملنا سوالفنا وتغدينا وصار العصر ...كعدنا بالحديقة بس صار شي...
مسر...اني مسر بنت عمة علي عمري 17 سنة...حنطاوية بس ملامحي تخبل... طبعا علاقتي ويا علي غير عن الناس...من آني وصغيرة كلما اجي اظل ويا علي وما اعوفه...احبه بس مو ذاك الحب البالكم...اني اعز علي اكثر من اخوتي لان واني صغيرة هو يحميني منهم لا يتعاركون وياي...من عرفت علي مسوي حادث ظليت ابجي واريد اجي اشوفه...بس ابوي جان عنده شغل ومسافر وامي ما تكدر تعوف البيت...بس وعدتني نصف السنة نظل عدهم... بعدين عرفت علي تزوج ضجت حيل...لان تمنيت اكون حاضرة بعرسه...وحيل كرهت الفصلية رغم اني مشايفتها...وبالي هي جكمة وعقلوها براس علي غصب...بس من شفتها كل اللي بكلبي من كره وضوجة اختفت...طلعت آية من الجمال تخبل...خفت احسدها... حتى كلامها وحركتها نازكة...بقينا عدهم للعصر وانتبهت لشي...سألت آيات...(بهمس)..ولج آيات ليش ملاك متكعد يم علي ولا تحجي وياه...شنو متزاعلين اكو مشكلة؟؟...
آيات...(بهمس)...لا ولج بس زواجهم بس شكل علي ابد ما تقربلها...ولا اكو اي حب بيناتهم...
مسر...معقولة؟...كل هذا الجمال وعلي ما ينتبه الها...
آيات...ولج حتى ميحجي وياها...بس بالضروريات...واني كلش ضايجة منهم...ثنينهم روسهم يابسة...ويكولون ماكو حب بيناتهم...
مسر...خليها علية اني اشوفها اذا تحب علي لو لا...كلت هيج واني افكر شنو راح اسوي... اجا العصر وكعدنا بالحديقة...صدك صايرة حلوة من سيجوها...كعدو كلهم وعلي هم...وملاك كاعدة للجهة الثانية ...واشوفها كل شوية تباوع لعلي... وعلي بس يسولف ويا الولد حتى ميباوعلها...كلت هاي فرصتي...كمت شبكت علي من وراه وبسته بخدة...اي لهل الدرجة ميانتي ويا علي...يعتبرني حالي من حال آيات والمرحومة...المهم انتبهت لملاك فتحت كل عيونها علية...
ملاك...احنا كاعدين كامت مسر وراحت لعلي شبگته...هاي شنو جاي تسوي ما تستحي...شو خفت البنية...لا وعلي ساكت حتى ما حجة شي...شنووو؟.؟؟😨😨😨...باسته باسته...ولك علي شلون تخليها تبوسك...هاي خفيفة البنية ...كرصت آيات وكمت...شوية واجت وراي...
آيات...شبيج ولج وجهج انگلب .... شكو؟؟؟...
ملاك...شنو شكو ...هاي بنت عمتج ما شفتي شنو سوت...
آيات...كلشي ما سوت...بس باست علي...وليش حارگ گلبج...
ملاك...ما حارگ گلبي ولج بس ما تستحي تسوي هيج...
آيات...اكلج بطلي هذا الحجي وگولي اغار على علي...
ملاك...هاااا؟...اني اغار ؟؟...لا ما اغار بس ما ارضا بالغلط...
آيات...اذا ما تغارين...تركيها براحتها...البنية تحب علي...
ملاك...شنو ولج تحب علي...ما تستحي تحب واحد متزوج...وتبوسه كدام مرته...
آيات...سمعيني ملاك اذا تغارين على علي كوليلي حتى اتصرف...واذا لا تركيها براحتها...البنية ما مسوية شي غلط...
ملاك...اوووف منج آيات...اي اغار عجبج هيج... صحيح ماكو شي بيناتنا بس يظل زوجي وما ارضا وحدة ثانية تتقربله...
آيات...يعني تحبيه لعلي 😉😉؟؟؟...
ملاك...هااا؟؟...لا....ولج ما ادري لا تسأليني هيج سؤال...والله اخجل...
آيات...فديتها الخجلانة 😍😍😍...لا تخافين راح امنع مسر تتقرب لعلي مرة ثانية...يلا تعالي طلعي وياي للحديقة...
ملاك...طلعنا ولگيتها بعدها مجلبة بعلي...ما تروح لاخوته...احمد يعني الا علي...راحت آيات الها وهمست باذنها ...ضحكت مسر وابتعدت عن علي...واخيرا تركته...
آيات...تقربت لمسر وهمستلها...ولج نجحت خطتج طلعت تحبه...عفية عليج 😁😁😁...والله ما اعرف شسوي بدونج...
مسر...صدك؟...هههه شي حلو...بس ولج هسة تكرهني وتغار مني شلون اراضيها...
آيات...ما عليج بالليل تعالي نامي يمنا بغرفتنا...وافقت مسر واجت بالليل يمنا...بس ملاك ساكته ومتكظمة...اعرف بيها كامت تضوج من مسر...اكلج ملاك مسر تريد تحجي وياج شوية...
ملاك...اي عادي شكو بيها...بگلبي لا مو عادي هاي تريد تاخذ علي شلون ارتاحلها...
مسر...اريد اكلج بس كلمتين...اني احب علي...
ملاك...😨😨😨😨😨😨😨
مسر...لا تفكين حلكج ... احبه مثل اخوية مو اكثر...واعتذر عن العصر...
آيات...واني هم اعتذر وياها...اتفقنا اني وياها نخليج تغارين على علي...
ملاك...😐😐😐...انتو شنو تحجن...يعني هذا كله تمثيل؟؟...زين وعلي هم يدري؟؟...
آيات...لا ميدري...ليش؟...
ملاك...مو علي خلاها تبوسه...وما حجة...
مسر...مو يعتبرني اخته الصغيرة...واني صغيرة متعودة اشبگه وابوسه بخده...بس بعد ما راح اسويها ما دام اكو بنية تحبه 😉😉...صار وجه ملاك احمر وگامت تضرب بينا بالمخاد...وظلينا نضحك ونسولف حتى نمنا...
