علي...شفته هيج انقهرت عليه...صعبة على الرجال يبجي من شي...واذا نزلت دمعته معناها واصل بيه القهر حيفه...بس اكو شخص واگف يم الباب...قبل لا يطلع احمد وصيته... كول لملاك تنتظر يم باب الاستقبال...ولا تحجي ولا كلمة...بس تنتظر وبعدين افهمها...اني اعرف ملاك ما راح تقتنع ولا تقبل اذا اخليها تواجه ابوها مباشرة...مو بس هيج... حتى ما تزعل مني او تخاف من ابوها من تواجهة غصب...طيب ابو ملاك...اذا اجيب ملاك هسة...يعني تعتذر؟...
ابو ملاك...كلتلك ابوس رجلها بس تسامحني...
علي...انتظرني هسة اجيك... رحت لباب الاستقبال اشوفها اذا موجودة او لا...
ملاك...اني كاعدة بغرفتي ويا امي واختي واجاني احمد...گالي علي يريدج تنتظرينه بباب الاستقبال عنده شي مهم يحجيه وياج...ويگول حتى لو تأخرت لا تترك الباب لحد ما اطلع...شيريد علي مني وشنو الشي المهم...سمعت كلامه وانتظرت بباب الاستقبال...اسمع علي يسأل ابوية علية...صحيح صوتهم مو عالي بس واضح ومفهوم...بقيت اسمع كلام علي...بعدين ابوي جاوبه وبدا يبجي...اول مرة اسمع ابوي يبجي...ما گدرت احبس دمعتي وگمت ابجي بس بسكته...ما اريد علي يسمعني خاف يرزلني لا اتصنت عليهم...سمعت جواب ابوية كله...وبگلبي اذا هيج...ليش تبريت مني وأذيتني وظلمتني...سمعت علي يگول لابوية...راح اجيب ملاك...ردت ارجع للغرفة حتى ما التقي بابوية...بس علي شافني وصاحلي...
علي...طلعت اشوف ملاك...شفتها تريد تروح...عرفتها ما تريد تلتقي بابوها ...بس لازم احاول وصلت لهل المرحلة... ما راح اخلي عنادها يخرب كلشي... تعالي ملاك...
ملاك...ها علي رايد مني شي...
علي...شفت عيون ملاك حمر...يعني سمعت كلشي وبجت...ملاك سمعتي الحجي كله؟...
ملاك...اي سمعته...
علي...وشنو رأيج هسة؟...
ملاك...ما اريد التقي بيه...
علي... ملاك هاي آخر فرصة علمود تتصالحون...وابوج رجال جبير ومريض...ويوم بعد يوم يتغير حاله... ما شفتي الشيب تارس راسه من آخر مرة التقينا بيه...وهو هسة يتمنى الكلمة منج...ولا تخلين عنادج يضيع فرصتج هاي...اعرف انتي انظلمتي...بس بسبب اللي صار آني التقيت بيج وصرتي حلالي...ورب العالمين اذا احب عبد ابتلاه...وابتلاج وابتلاني...بس عوضني بيج... وعوضج بيا...هذا كله تدبير عزيز حكيم...وانتي ما عندج غير هذا الاب...وما احب اشوفج بدون حنان ابوج...وحتى اخوج اذا صارت الفرصة هم اصالحج وياه...هسة شتگولين؟؟...
ملاك...(تبجي)...والله بعد ما اعرف علي...ما اعرف شي...صعبة علية اشوف ابوية هيج...
علي... ملاك تثقين بيا؟...وتخلينها علية...من بجت حضنتها وخليتها على صدري...
ملاك...هي كل ثقتي بيك...ما عندي غيرك اثق بيه بهل الدنيا...بس انت اماني وسكني واطمئناني...انت بعد الله خليتك...شنو التشوفه اني وياك...
علي...يلا مسحي دموعج... خلينا ندخل على ابوج...
ملاك...اي ان شاء الله...
علي...اخذت ملاك ودخلنا...شافها ابوها گام على حيله ونزلت دموعه...اجا تلگاها ونزل يريد يبوس رجلها...هي بسرعة دنگت لزمتها وباسته براسه... ملاك گلبها طيب...بسرعة نست ظلم ابوها الها...سحبت ايده وباستها...گام حضنها ويتعذر منها وهي بس تبجي...وهو هم يبجي... ولا تگول كبار يبجون مثل الاطفال...دموع ضاميها هواي وحابسيها...ما اعرف اذا دموع فرحة لو دموع ندم...بس اللي ادري بيه...وراها ضحكات فرح...كعدت ملاك وابوها وبقو يحجون...وصيت على ام ملاك وفاطمة يجون للاستقبال...دخلت ام ملاك وشافت بنتها بحضن ابوها...ما لزمت دموعها وگامت تبجي...واجت حضنتهم...ما مصدگة عيونها...شي يأست منه يصير...بعدين دارت علية وتشكرتني وتتحمد رب العالمين...گلتلهم كم يوم تطلع نتائج ملاك وادزها الكم تبات يمكم...
ملاك...اللي سواه علي وياي ويا ابوية...الاخو ما يسويه لاخوه...علي يكبر بعيني يوم بعد يوم... وتأكدت قراري اصير فصلية احسن شي سويته بحياتي...ولو همة ابد ما عملوني كفصلية ولا فكرو هيج شي... صحيح زواجي مو مثل باقي البنات...بس حصلت زوج احسن من باقي البنات...عقل وطبع وشكل...كلهن موجودات بعلي...عمري ما حلمت بهيج شخص... بس رب العالمين عوضني عن الايام الصعبة اللي مرت بيا...خلص اليوم ونمت فرحانة وراضية عن حياتي...الصبح فزيت على دكت الباب... جاية جاية ....ليش كل هذا الدگ...
آيات... ولج گعدي النتائج نشروهن بالليل ...گعدي علي خلي يطلع نتيجتج...
ملاك...صدك؟...علي علي... اكعد النتائج طلعت...
علي...كولو لاحمد يطلعهن...اريد انام شوية بعد امس تعبت...
ملاك...شنو تنام...اريدك انت تطلع نتيجتي...
آيات...اي علي گوم...احمد هسة لو نضرب قنبلة يمة ما يگعد بيوم عطلة...
علي... امري لله...جيبي لابتوبي وتعالي...
ملاك...رحت جبت اللابتوب من الكنتور واجيته...هاك بس علي فدوة بسرعة طلعهن....
علي...خليني الگاهن اول...اي طلعن...شنو اسمج الرباعي...
ملاك...اسمي ملاك سرمد عبد الحسين محمد...
علي...ها يعني اخوج اسمه على جدج...
ملاك...هسة مو وقت اخوي...استعجل وگلي شكد نتيجتي...
علي...ملاك ملاك ملاك... اي لگيت اسمج... المعدل.....
ملاك...كول علي شلعت گلبي...
علي...مبروك معدلج 93.8...
ملاك...شنو 93 بس...بديت ابجي لان تعبي راح ومعدلي ما يسمح ادخل طبية لو صيدلة...
علي...ليش تبجين معدلج عالي...
ملاك...بس أني اريد طبية لو صيدلة...والله تعبت ودرست...وتاليها هيج يطلع معدلي...
علي...اي روحي طبية او صيدلة منو مانعج...
ملاك...علي انت ما تشوف معدلي...اگلك ما يقبلوه...انت تگلي روحي منو مانعج...
علي...اي مو شرط تروحين حكومية...اقدملج على كلية اهلية باللي تعجبج...
ملاك...هااا؟..بس ذولة يريدون فلوس هواي...
علي...ولج غير انتي مرتي واني حالتي زينة والحمدلله...بس ينفتح التقديم اخذج اقدملج...
ملاك...ههههه ان شاء الله...
علي...ضحكتها ترد الروح...قسم راح ابذل كل اللي بنفسي وبروحي حتى اشوف ضحكتج هاي... طبعا احجي بگلبي...اجا التقديم وقدمتلها صيدلة كلية اهلية...لان تخاف من الدم والتشريح...وعن قريب راح يبدي الدوام...هسة صارلي ويا ملاك تقريبا 10 اشهر... تغيرت حياتي هواي بيها...صارت احسن واحسن...المغرب رجعت للبيت لگيت اهلي مخبوصين وقلق عدهم...آيات خير شنو صاير...
آيات... علي ملاك تخربطت وگامت تتقيأ...واخذها احمد للمستشفى...
علي...من سمعت ملاك تخربطت بعد ما اسيطر على نفسي ركضت لسيارتي شغلت وطلعت...وبالطريق اتصلت على احمد يطمني....
ملاك...كاعد اسوي العشا ...حسيت فجأة برغبة اتقيأ ركضت للحمام وتقيأت... خفت وصحت لآيات... على ما اجتني آيات صارت عندي دوخة...بس وصلت يمي تخربطت ووگعت...گامت تصيح آيات اجاني احمد...لبسوني حجابي وعبايتي ...وشالني للسيارة...واخذني للمستشفى...
علي...وصلت للمستشفى لگيت احمد واگف برة...ها احمد شبيها ملاك...سولفلي...
احمد...والله ما ادري علي...سمعت آيات تصرخ...ركضت عليها لگيتها يم ملاك تبجي وملاك وجها مصوفر... جبتها للمستشفى وهسة انتظر الدكتورة...
علي...وينها الدكتورة اني اروحلها...
احمد...بهاي الغرفة...
علي...دخلت على الدكتورة...السلام عليكم...
الدكتورة...وعليكم السلام...تفضل اخي...
دكتورة...قبل شوية اجت بنية اسمها ملاك...شنو حالتها؟...
الدكتورة...ها عرفتها...البنية المنخفض ضغطها...عدها انخفاض دم...ومنظرين التحاليل حتى نعرف سبب التقيئ...وان شاء الله خير...
علي...ان شاء الله دكتورة...رحت للغرفة اللي بيها ملاك دخلت ولگيتهم شاديلها مغذي...ها حياتي شلونج... خيرج گلبي شنو تحسين...
ملاك... الحمدلله حبيبي...ما عندي شي عدت ان شاء الله...
علي...ولج قسم اموت اذا صار بيج شي...
ملاك....اسم الله عليك حبيبي... لا تحجي هيج...هي وعكة وتروح...
علي...ان شاء الله حبيبتي ماكو شي... لزمت ايدها وبستها...وبقيت يمها لحد ما اجت الدكتورة...وگف على حيلي...ها دكتورة بشري...
الدكتورة...لا ماكو شي الفحوص سليمة كلها...بس هاي اعراض الحمل... وعادي كلش...
علي...حمل؟...يعني ملاك حامل؟...
الدكتورة...اي حامل...ومتوقع بالشهر الثالث...يبقى بس نأكد مدة الحمل بالسونار...
علي...من سمعت ملاك حامل...الدنيا كلها بعد ما تحتوي فرحتي...درت وجهي الها والابتسامة مالية وجهي...دنكت عليها وبستها براسها...مبروك حبيبتي...طلعتي حامل...
ملاك...اسمع اني حامل وما مصدكة...الحمدلله رب العالمين...فرحة بعد فرحة...عيوني دمعت وبديت ابجي من الفرح...شافني علي وحضني...كملنا كلشي بالمستشفى... وطلعنا صعدت ويا علي بالسيارة...وكال لاحمد ارجع قبلي للبيت...اخذني لمكان على الشط يخبل...طبعا الدنيا ليل وبس اضوية بس المنظر ياخذ العقل...بقينا فد ساعة بس نسولف اني وعلي...وبعدها رجعنا للبيت...اول ما نزلت تلگتني آيات...
آيات...مبروووك ملوكة ...راح يصير عندج طفل يطلع على عمته...يخبل ويجنن...
ملاك...انتي تباركيلي على الطفل لو على شبه عمته؟...
آيات...لا اباركلج لان يشبه عمته...
ملاك...ما اريده اذا يشبهج...اتنازل عنه الج...
آيات...اي احسن بعد...يصير الي وبعد ما ارده الج...
ملاك...عشتو اني انطي طفلي لوحدة خبلة مثلج...
علي...ولجن كافي ويلا دخلو للبيت ...دخلنا البيت بعد المناكر مال المخابيل...تلكتني امي باركتلي وباركت لملاك...والبيت كله فرحة...ملاك اتصلت بامها وبشرتها...بيومها بقيت اني وملاك للفجر بس نخطط شنو راح نسوي اذا اجا الطفل...ونتعارك اني اريد بنية وهي تريد ولد...نمنا وكعدت الصبح قبلها...وهي نايمة بحضني سحبت ايدي بهدوء حتى ما تفز من النوم...ؤحت غسلت وصليت شوية اجت وراي ملاك...
ملاك...صباح الخير حبيبي..
علي... صباح النور حياتي...
ملاك...علي ليش ما كعدتني اسويلك ريوك...
علي...مو شفتج تعبانه ردت ترتاحين شوية اليوم...
ملاك...والله ما عندي شي...والصار امس شي طبيعي لان حامل...
علي...ان شاء الله ماكو شي...بس اليوم اخذي امي وروحي للسونار... حتى نتطمن على حالة الطفل...
ملاك...ان شاء الله حبيبي...
علي...سوتلي ملاك ريوك... وطلعت لشغلي وبيومها اجو اهلها...حتى حسين اجا وياهم واعتذر مني ومن ملاك...بالنسبة اللي اذا سامحته ملاك فآني مسامحه...وايامنا حلوة وفرح...عدت شهرين وملاك داومت بالكلية...و آيات مرحلة ثانية واحمد و علاء مرحلة ثالثة... وحبيبتي صار عمرها 20 سنة...سويت حفلة بيوم عيد ميلادها ولبستها بدلت العرس وعزمت بس اهلي واهلها...واليوم ملاك راحت للسونار يحددون جنس الطفل ووضعه...اني انتظرهم بالبيت وعندي قلق...اخيرا اجيتو شو تأخرتو...
ام محمد...يمة ازدحام على السونار واحنا طلعنا متأخرين...
علي...زين ملاك شبيج ضايجة...بس لا الطفل بيه شي...
ام محمد...ههههه لا ما بيه شي بس ضايجة لشي ثاني...
علي...شي ثاني؟...شنو...
ملاك...(بضوجة)...مبروك طلعت بنت...
علي...ههههههه صدك ولج؟... واخيرا راح تصير عندي بنت...
ملاك...ليش فرحان...الناس تريد ولد...
علي...وشنو علاقتي بالناس...اني احب البنية...واذا تطلع على امها هم ملاك فهذا يوم سعادتي وفرحتي...
ملاك...ههههه والله انت غريب علي...
علي...الغريب هذا ملك گلبج وعقلج وكلج...
ملاك...من يحجي هيج...يخليني اخجل...بس الصدك اني فرحانة ومضايجة...بس ادلع على علي 😁😁...شنو يجي من الله خير...
علي...بيومها صليت صلاة الشكر لرب العالمين...وتمنيت تضل فرحتنا دوم ......
بس مو كل اللي نتمناه يصير...وماكو شي يدوم على حاله...
بعد كم يوم ببيت علي...
احمد...العصر كعدت من النوم على اتصال عمي...الو ...هلا عمي..
عمران...(يصرخ)..ولك يا هلا بهاي المصيبة...گلي علي وين؟...
احمد... عدلت نفسي...خير عمي شصاير...
عمران...يا خير يجي من اخوك...كلي هسة وينه...هذا العار..
