ملاك...اخذني علي لمكان منتظرين ناس ما اعرف منو...شوية وسمعت صوت بنية تصيح ملاك...هذا الصوت مو غريب علية التفتت ولگيت فطوم وامي...ظليت فاكه حلگي...لا هذا حلم اي حلم...اجت امي وشبگتني وبجت واني هم شبگتها وبجيت وفطوم هم شابگتني وتبجي...
نرجع قبل كم يوم....
ام حسين...اتصل علية شيخ علي...استغربت منه...لان ملاك تتصل من رقمها دائما...يمكن خلص رصيدها واتصلت من الشيخ...الو ملاك...
علي...لا خالة اني علي مو ملاك....شلونج...
ام حسين...هلا يمة شلونك وشلونها مرتك...
علي... الحمدلله...زينة وجاي تمتحن هسة...بس عندي طلب منج...
ام حسين...كول يمة ...انت الغالي وتدلل...على راسي...
علي...ربي يحفظلي راسج خاله...بس اني اريد ملاك تشوفج وتشوفينها...
ام حسين...صدك يمة؟؟...يا ريت والله مشتاقتله ومن زمان ما شفتها بس اسمع صوتها...
علي...تدللين خالة...بس اريدج تروحين انتي وفاطمة للزيارة لكربلاء بيوم اتصل مرة ثانية واكلج عليه...بس لا تگولين لملاك اي شي...
ام حسين... إن شاء الله يمة...والله فرحتني هواي... الله يخلي دنياك كلها افراح...رحم الله والديك يمة...
علي...ووالديج بالرحمة... إن شاء الله باللي اكدر عليه افرحج وافرحها... يلا في امان الله خالة..
ام حسين... الله وياك يمة...بعد كم يوم اتصل وگال بعد يومين لازم تروحين لكربلاء...قنعت ابو حسين ورحت للزيارة...هناك اتصل الشيخ وگالي راح ننتظرج بهيج مكان...واني رجلية ما تشيلهن الگاع بس اريد اطير لبنتي...وصلت ولگيت شاب وبنية واگفين بالمكان ...اني ما شايفة شيخ علي...والبنية وجها للجهة الثانية...كلت لفاطمة تقربي الهم وصيحي ملاك...رحت فاطمة صاحت ملاك والبنية دارت وجها...هاي بنيتي اي والله بنيتي...ركضت الها شبگتها وابجي بحرگة ...ظلت صافنة علية اول شي بس بعدين بجت وياي وشبگتني بكل قوتها...متغير شكلها صايرة حلوة ورادة عافيتها ...يمكن الله خله خلاصها ورحمتها تكون فصلية...وخلة حسين يسوي حادث ويا علي...كله هذا تدبير عزيز حكيم... الحمدلله...بقينا حاضنين بعض ونبجي بدون كلمة...حتى الناس تباوع علينة...يمة ملوكة كافي عيونج نشفن من الدمع...يلا يمة سكتي خليني اشوف وجهج وضحكتج... والله مشتاقتلج واحس روحي ردت من شفتج...
ملاك...امي تحجي وياي واني ابجي... حتى كلمة ما حجيت بس اهز براسي... سحبت فطوم وحضنتها وابوس بيها... احس سنين ما شايفتهم مو 4 اشهر...امي متغيرة وضعفانة وعيونها صايرة سود من البجي...ادري بيها كله من وراي...بس اذا ظليت راح تتأذه اكثر مني...بعد ما بطلت بجي اخذنا علي نزور...هو دخل ويا الرجال واحنا رحنا لجهة النساء...ولج فطوم شلونج والله متغيرة...ومشتاقتلج..
فاطمة...واني هم مشتاقتلج حيل...البيت فارغ بدونج ونبقى بس اني وامي نبجي بغرفتج...
ملاك...من حجت هيج ...دمعت عيني...بس امي سكتتها...
فاطمة...اكلج ملاك سؤال..
ملاك...جواب..بس على شنو؟...
فاطمة...هذا الصاك الواگف وياج زوجج مو؟...
ملاك...اي زوجي...بس لا انتي هم حاطة عينج عليه...عوفي زوجي بحاله...
فاطمة...يمة الغيرة...قابل شنو هو فد شي...لو دكتور شنو سويتي...
ملاك...يعني انتي ما دريتي...علي دكتور وشيخ هم...
فاطمة...صدك؟...ولج اذا ما تريديه اني اخذه...هم حلو هم دكتو وهم شيخ...اصلا كل ما اطلع اخذه وياي واكشخ بيه...
ملاك... انجبي ولج...تحجين وتتغزلين بزوجي كدامي...مو عيب وانتي بعدج طفلة...
ام حسين...ملاك وفاطمة يسولفن واشوف ضحكة ملاك رجعت...فرحت من كل گلبي...من زمان ما شايفة هل الضحكة...جنت ادعي ربي يرحمها... ورحمها برحمته...يمة ملاك ماكو شي ويا علي؟...
ملاك...هااا...خجلت حيل من سألتني هذا السؤال...واستحيت اكللها ما تقرب مني ابد ولا حتى لمسني...لا يمة بعدنا...ما مفكرين بالطفل...اوووف...كمت اجذب على امي... كلها من وراك علي... خلصنا زيارة وطلعنا...اجا علي وكعدنا برا بالصحن...نسولف اوووف منج فطوم...فاكة حلكها على علي...كرصتها انتبهت لنفسها...علي انتبه وضحك ضحكة خفيفة...يمة يخبل بس لو يباوعلي شوية...واحنا نسولف ذبت امي سؤال قنبلة بنصنا...
ام حسين...يمة علي...ليش ما تريد طفل هسة...ملاك تگول انت ما تريده... يمة الطفل يترس البيت فرحة...توكل على الله وسوو طفل...
ملاك...هاي..هاي شتحجي...بعد ما اعرف شسولف...لا يمة مو هسة وقته...ليش حجيتي...طبعا هذا كله بگلبي...مستحيل اكدر احجي كدام علي بعد اللي كالته امي...دنكت راسي واني ميتة من الخجل...
علي...ان شاء الله خالة... اني بس منتظر ملاك تخلص امتحاناتها الوزارية...ونفكر بالطفل...سؤال ام ملاك كان مفاجئ علية...بصعوبة حافظت على هدوئي...ما توقعت احد يسألني هذا السؤال...باوعت على ملاك لگيتها صايرة طماطة من الخجل...بس ام ملاك خلتني افكر بجدية بملاك...راح اشوف الفرصة واسألها ان تكون زوجتي ونعقد محكمة...
ملاك...بعد ما خلصنا تغدينا بمطعم...واخذنا علي للسوگ...اشتريت هدايا لآيات ومنى وام محمد ...اعرف آيات راح تاكل گلبي...لان ما خبرتها على الزيارة...اشتريتلها هدايا هواي حتى اسد حلگها وكثرت من الحلويات حتى تاكل وما تحجي كلمة...هاي ام بطن واعرفها...خلصت الزيارة ...وعلي وصل امي وفطوم للكراج...وصعدهم السيارات... ما قبلت ترجع ويانا تخاف احد يشوفها ويگول لابوي او اخوي...رجعنا وبالطريقة علي سألني سؤال...
علي...ظل ببالي سؤال ام ملاك...وردت اعرف رأي ملاك قبل لا اسوي شي... ملاك اريد اسألج سؤال...بس جاوبيني بصراحة وكليلي اللي بگلبج ... لان على جوابج راح اسألج سؤال ثاني...
ملاك...ان شاء الله...اسأل...استغربت من كلام علي...وشنو يريد مني...
علي...ملاك تريدين ترجعين لاهلج لو تشوفين نفسج مرتاحة ويانا...
ملاك...سؤال علي فاجئني كلش...سكتت شوية افكر...الرجعة لاهلي مستحيلة...وهم اني ما اريد افترق عن علي... حتى لو ما يباوعلي يمكن فد يوم گلبه يحن علية...وهو ما مقصر وياي...شنو اريد يسويه اللي...بصراحة علي ما اريد ارجع ...بس اذا تشوفني ثقل عليكم عادي رجعني ما راح اعترض...
علي...انتي شنو تحجين...اذا الشغلة بيدي ما ارجعج خسرت فلوس هواي عليج وسمنتج وتعبت عليج...هسة تريديني ارجعج...المهم خلينا من هالحجي...سؤالي الثاني...تصيرين مرتي من صدك؟؟...
ملاك...هااا...هاااا...العفو شنو سؤالك...سمعت سؤال علي بس يمكن اني اسمع بالمگلوب ...خل اتأكد بالاول...
علي... ولج ما اعرف طرشة لو تحبين تضوجيني...اكلج تتزوجيني ...مو بس حجي يعني تصيرين حلالي...الي وبس تصيرين...
ملاك...دموعي تجري واضحك...اي موافقة... موافقة...
علي...شفت دموعها وتضحك ...كلت بس لا تخبلت علية بالطريق... وكامت تصيح موافقة ...موافقة...عرفت هاي دموع فرح...وضحكت من كل گلبي...صدك فطيرة هل البنية... وصلنا للبيت ونزلت تركض بعبايتها للداخل...مو بس فطيرة وهم طفلة...الله يعيني عليها...بس اني فرحان من وافقت...ومن عرفت هي رايدتني مو غصب عليها فرحت اكثر...الله يتممها بالخير...
ملاك...من الفرحة ما مصدكة نفسي...اريد اطير...بس نزلت من السيارة ركضت بسرعة لآيات لگيتها بالغرفة... دخلت عليها بس اضحك واطفر....
آيات...اي عفية ضحكي ضحكي...شكو عليج متونسة بكربلاء ...واني حظي يخليني هنا...اني الك علوش كمت تفرق بيناتنا من هسة...ولج ثبتي شبيج تطفرين وتضحكين..
ملاك...ولج علي...ولج علي...
آيات...شبيه علي؟؟...راح يتزوج عليج؟..بيها الخير اني اخطبله...
ملاك...كالت هيج طيرت الفرحة...لا ولج شكد غثيثة...خربتي فرحتي...ولج علي يريدني اصير مرته من صدك...
آيات...جا انتي جنتي من جذب؟...
ملاك...لا ولج يريد يعقد محكمة...ويگلي انتي حلالي تصيرين... وطلب موافقتي ووافقت...
آيات...صدك ولج...عااااا...ظلينا نصيح اني وملاك...اجا احمد يركض علينا...
احمد...سمعت صياح البنات...ركضت عليهن عبالي صار شي...وصلت لگيتهن يكمزن...ولجن شبيجن تخبلتن ...عبالي صار شي گلبي طاح مني من وراجن...خبلات...
آيات...ولك احمد تعال..علي يريد ملاك تصير حلاله...
احمد...صدك ولج...وظليت اكمز وياهن...بس اوكفن اوكفن...يعني علي مو عنين... والله عبالي عنين...لان ولا مرة شفته يباوع لبنية...وابد ما يحجي على البنات...
آيات...عابت ولك...شلون تحجي على اخوك هيج...الا اگله عليك...يگول علي عنين...
(توضيح...العنين الشخص اللي ما عنده رغبة جنسية للجنس الثاني... وعلى الاغلب عقيم)
احمد...ولج والله غلطة وما تنعاد...بس اسكتي شتريدين اشتريلج...
ملاك...من اجه احمد...وسولفتله هاي الشيطانة...الما تخجل من شي... خجلت ودنكت شو هذا كام يطفر ويا آيات...شوية سمعت علي يصيحلنا اني وآيات...
احمد...يلا ملاك روحي الحب يصيحلج...
آيات...احمد لا تتحارش بينا ...ترا علي حزام ظهرنا 😉😉...خجلت ملاك وشردت من الغرفة...نزلت وراها ووصلنا لغرفة علي...ها علي محتاج شي...
علي...لا بس اريد منكم تنزلون غراض ملاك وملابسها بغرفتي...
آيات وملاك...😶😶😶😶...
علي...شبيكم يلا بسرعة تحركو...
آيات...بس علي مو لازم اول تكملون عقد محكمة...
علي...مو شرط...اني ملجت عليها وهي من البداية مرتي وحلالي...بس ما اريد اتقربلها غصب...او تعتقد ما عدها اي اختيار ثاني غير تسوي هيج وياي...ردتها برغبتها وبرضاها...
آيات... سمعت حجي علي...كبر اخوي بعيني اكثر...اعتقد جنت ظالمته لان اخذ ملاك من اهلها...علي ميخالف بس خليها لباجر لان ملاك بنية ولازم تحضر روحها...علمود زوجها...
علي... موافق خليها اليوم يمج...بس نقلي غراضها لغرفتي...
آيات...ان شاء الله...اخذت ملاك ورجعنا لغرفتنا...ولج شبيج تخورستي...بس مبتسمة والحلك وصل لاذانج...يلا خلينا نحضر غراضج وملابسج ...ننقلها لغرفة علي...
ملاك...اي...ان شاء الله...
آيات...كملنا كلشي...وسولفتلي شلون علي وعدها بمفاجئة... وعبالها الزيارة هي المفاجئة...بس طلعت شوفة امها واختها...بعد 4 اشهر من الفراق...طلع صدك علي مهتم بيها ومن زمان بس ما يبين شي...وسولفتلي شلون امها سألتها وجذبت عليها...وبعدين فشلتها كدام علي... واخر شي سولفتلي بطلب على الزواج منها...صدك فرحتلها تستاهل ملاك...بس بگلبي هذا الفاهي علاء...شو طول غير يفضها ويخطبني من اخوتي...المهم نمنا بالليل وكعدنا الصبح... رحت خبرت امي على الصار...طلعت الحجية تعرف كلشي وعلي مخبرها قبل لا يروحون للزيارة...وهي الخططت ويا علي لكلشي...اني عائلتي طلع بيهم رس من شارلوك هولمز...واني مثل الطلي...كلشي ما اعرف...المهم اتفقت ويا امي ناخذ ملاك للصالون ...وللعصر اخذناها ورجعنا قبل المغرب...شوية واجا علي...سأل على ملاك...
علي...رجعت للبيت بعد صلاة المغرب...كعدت شوية وشفت ملاك مموجودة سألت عليها گالولي بغرفة آيات...ادري بيها راحت للصالون...بس مو معناها تخجل مني هسة... صحتها بصوت عالي...اجت ملاك...مو بس بالاسم ملاك صدك ملاك ويمشي بالگاع...ظليت فاك حلگي عليها...حمحمت شوية...انتبهت لروحي...كلتلها شلونج خوية...جنت كلش فاقد...شو اخوتي كلهم يضحكون علية...والله فشلة ...اريد اضم راسي جوا الكاع...سويت روحي ما مهتم ورحت لغرفتي...سودة بوجهك علي...شنو الصار بيك...
ملاك...من كملنا من الصالون رجعت ولبست ملابس حلوة وصعدت كعدت بغرفة آيات...اخجل من علي واهله...ظليت ساعة ويا آيات...سمعت علي يصيحلي...غصبتني آيات ونزلتني...شافني علي ظل صافن علية...كحيت انتبه لنفسه...وكالي شلونج خوية...صدك ضحكت من گلبي اول مرة اشوفه متردد ومرتبك...بس هم فرحت لان يشوفني من الجنس الثاني هسة...وما يعتبرني بعد مثل اخته...صار الليل ودخلت اني وعلي الغرفة وصار اللي صار...وتصبحون على خير....
ملاحظة الكاتب... ما راح انشر بارت ثاني اليوم...راح احضر للبارت الجاي اللي راح يكون طويل نوعا ما..
