علي...يمة انتي مو تطلبين...انتي تأمرين واني انفذ...
ام محمد... الله يحفظك يمة...بس ردت اكلك...ملاك خوش بنية وبنت اصول وحلوة وما تتعيب...وبعد ما يصير تخليها هيج معلگة...سويها مرتك على سنة الله ورسوله...وكمل واعقد بالمحكمة...
علي...يمة اني فكرت قبلج بهذا الشي...بس ما اريد تتزوجني لان ما عدها اي اختيار ثاني...ولا اريد اصير غصب عليها...انطيني مجال افكر وان شاء الله خير...
ام محمد...اي عفية يمة...فكر يمة هاي البنية ما تتعوض...والله يوفقكم وتصيرون سوا...
علي...ان شاء الله يمة...ربج ما يهدي بس للخير...
ام محمد...والنعم بالله يمة...
علي...يلا يمة اترخص منج...كمت من يم امي وصاحولي على العشا ...كعدنا كلنا وملاك هم... العشا كله ظليت بس اباوع عليها ...ما اعرف شنو صار بيا...حتى اني مستغرب من نفسي...ليش اسوي هيج...
ملاك...من كعدنا على العشا...عين علي ظلت علية...ما اعرف شسوي بقيت مدنكة راسي...بس ارفع راسي تصير عيني بعينه واخجل...وهاي آيات منتبها النا ظلت بس تغامز وتلامز...خجلت اكثر من وراها...وفوكها كل شوية تكرصني وتخليني ارفع راسي...يبووو شكد خجلت من وراها...ولج آيات بطلي والله عيب...
آيات...شبيج باوعي الحب عينه عليج وما يرضا يشيلها عنج...
ملاك...ولج سكتي راح تفضحيني...هسة شيكولون علية اهلج...
آيات...ما يگولون شي بالعكس يفرحون واولهم اني...سكتت ملاك وما حجت كلت لازم اسوي شي اخلي علي يحبها ويريدها...بس شنو...بس شنو...اي لگيتها...ولج ملاك باجر راح اخلي عيون علي بس عليج وحتى حجي ما اخليه يعرف يحجي...
ملاك... الله اليستر منج...اشوفج تسويلي مصيبة انتي...
آيات...عابت اي والله...اني اسوي مصايب؟...خططي كلها ناجحة... وما اريد رأيج حتى انفذ خطتي...راح اسويها غصب عليج...
ملاك...يلا كملي عشا حتى نغسل مواعين...ام بطن...كملنا اكل وشغل البيت وصعدنا نمنا...بس ما اعرف هاي شنو محضرتلي...وامتحاناتي قربت كلش...بعدلها اقل الاسبوع واني خايفة لان بديت متأخرة بالدراسة...لو مو المدرسين الخصوصيين ما كان كملت شي... اني افكر بالدراسة والامتحان وعلي...اي علي...شاغل بالي هالايام وما اعرف شلون اتخلص منه من راسي...ولج ملاك هيج كمت تحبيه ...شكد صارلج وياهم هية بس 3 اشهر حبيتيه بهل السرعة...محسيت بنفسي والا الصبح صار كعدت على المنبه غسلت وصليت ونزلت اسوي ريوك...لگيت علي كاعد هو وامه ولابس ملابس بنطلون وقميص...وردن القميص مصرفنها للعضد...طالع يخبل...طبعا يخبل دكتور وشيخ بعد...سويتله ريوك واكلنا سوا هل المرة بقت عيني عليه ....وما منتبهة على امي ام محمد هي تباوعلي وتباوع لعلي...ضحكت وگالت الله يجمعكم بالخير...اني انتبهت على روحي وخجلج ودنكت راسي...شلون موقف...بس فرحت من گالت هيج...تأكدت هي رايدتني لعلي...بس بقى علي ما اعرف شنو مشاعره اللي يريدني لو لا....
علي...كعدت من الفجر لان عندي شغل بالعيادة ...شوية وكعدت ملاك...سوت النا ريوك وكعدنا ناكل...عينها بس علية سويت نفسي ما منتبه...اذا هي فاتحة عيونها على آخر شي...طبعا حتى امي انتبهتلها وحاجته وخجلت ودنكت راسها...اليوم طلعت للعيادة وبالعيادة اتصلت علمود مفاجئة ملاك...ما بقى شي لامتحانها بس يومين وهي جاي تتعب بالدراسة...واني متأكد من نجاحها... لذلك من هسة احضر اني... بدت الامتحانات وملاك يومية اخذها واجيبها من الامتحان...ما نحجي الا قليل بالطريق ...وبس عن الامتحان ما اعرف ليش واني وياها تختفي كل المواضيع والافكار من راسي...معقولة ما ارتاحلها او اكرها...لو هيج الحجي من زمان رجعتها لاهلها...بس ما اعرف شنو اجاني...المهم خلصت الامتحانات...ورا ما رجعت من العيادة المغرب صحتلها...شوية واجتني...
ملاك...ها علي محتاج شي مني...
علي...لا بس گلت راح اسويلج المفاجئة قبل النتائج...
ملاك...ليش مو ما تعرف اذا نجحت او لا..
علي...لا تخافين ادري بيج تنجحين...فحضري نفسج لباجر من الفجر نروح لكربلاء...
ملاك...ههههه صدك تحجي علي؟؟...
علي...شو ما تعرفين تحجين... جذبت عليج قبل...يلا روحي نامي من وقت ختى نطلع من الفجر بس لا اگولين لآيات...
ملاك...حاضر تدلل...وطلعت من يمة طبعا تعودت عل كلامه هيج ...كمت اعرف متى يشاقة ومتى يحجي جد...من تتعود على طبعه تگوم تحبه ...بس فرحانة لان راح اروح اني وياه مثل اي زوجين...ما مصدكة روحي وبس اضحك ههههه...
علي...الخبلة ما مصدكة اخذها للزيارة...طلعت من يمي بس تضحك ومبتسمة ... اخاف تكشفها آيات وتخرب مفاجئتي الها...نمت وكعدت من الفجر وكملت وطلعت من الغرفة...لگيتها لابسة ملابسها ومحضرة نفسها... بس اول مرة انتبهت على جمالها هيج...استغفر الله...طلع هالافكار من راسك البنية اجت غصب...مو معناها اغصبها تصير مرتي بعد...لبست عبايتها وطلعنا ركبت بالسيارة بالصدر يمي...
ملاك...كعدت من الفجر اصلا النوم ما اجاني...مثل الطفل المنتظر شي...كملت كلشي ونزلت انتظر علي بالصالة...شوية وطلع...يمة يخبل طالع اخاف عليه من عيون البنات...بس ما اكدر اگله اغار عليك غير ملابسك...علي نازك بشكل وما يلبس شي بالاسبوع مرتين...كلش مهتم لمظهره...بس اخاف من بنات الحرام...هو ما يلبس حلقة بس اني البس ... حتى من يجون اقاربه من يتقربولي او يتحارش بيا احد بالشارع...بالطريق سألته...علي عندي سؤال الك...
علي... جواب...سألي...
ملاك...علي ليش ما تلبس حلقة؟؟...
علي...اممم ...يمكن انتظر بنية تلبسنياها...ليش؟؟...
ملاك...لا ماكو شي...بس انت تعرف اكو بنات حرام هواي ويحاولن يستغلنك...تعرف انت دكتور وشيخ وعندك خير من الله...طبعا اي بنية تريدك...
علي...لا تخافين اني ما اللي شغل بهيج اشياء ولا احبها...بگلبي بس لا تغار علية...اي تغار بس اني ليش فرحان...ولك انتبه للطريق واترك هاي الافكار...بعد هذا الحجي صار الطريق سكته... واخيرا وصلنا...شفت الفرحة على وجها فرحت وياها... اريد اسوي كلشي يفرحها...ما اريد اشوف دموعها مثل اول ليلة اجت...بس كون الله يوفقني واصيرلها سند...يلا ملاك وصلنا خلينا ننزل...اكو جماعة منتظرين...
ملاك...جماعة منو...
علي...بعدين اكلج ... خلينا نتريك اول ...واتصل بيهم ونروح نشوفهم...
ملاك...ان شاء الله...خلصنا ريوك وكام علي يغسل...شوية ورجع گال يلا الجماعة وصلو ومنتظرينه...
علي... اخذت ملاك للمكان المتفق عليه ووكفنا شوية واجو ..........
