البيت....
ام محمد...ولج يمة آيات اخوتج صارت ال11 ولسا ما اجو وأحمد طلع من ال8 وگال سيارة علي عطلانة...ولج خابريهم اخاف صار شي وگلبي ينغزني عليهم...
آيات...مرحبا اني آيات اخت علي الصغيرة اصغر من احمد طالبة بالجامعة مرحلة اولى تربية اساسية..يعني معلمة رياض الاطفال...اني بيضة وحلوة وشوية مدبدبة ... وعلي اكثر واحد باخوتي مدللني لان بس اني ظليت بالبيت الهم من البنات..ثنين تزوجن والرابعة اصغر مني... ماراح اسولفلكم على الرابعة اخلي علي هو يسولف عليها بعدين..
يمة هسة اخابر علي واشوفه...اتصلت على علي ما يرد...
رجعت اتصلت بمحمد...مرتين يلا رد...
الو محمد وينكم وين صرتو... امي كتلت نفسها عليكم تگول اتصلي بيهم ....
محمد...هلا ايوتة ...من نرجع نسولفلكم هسة اني ويا علي وباقي اخوتي...مشغولين شوية... بس نكمل اني اتصل..يلا اترخص منج
آيات...براحتك خوية ابو رقية...يمة هاي اتصلت بمحمد ويگول ماكو شي ومشغولين شوية ونرجع...
ام محمد...ان شاء الله ماكو شي يمة بس گلبي يلعب وما مرتاحة ....
بالمستشفى.....
محمد...اتصلت علية آيات وعلى ما طلعت لبرا انقطع الاتصال انتظرت شوية اتصلت مرة ثانية ورديت...بعد ما غلقت الخط...سمعت ثنين واگفين قريب علية يحجون بيناتهم بس صوتهم واضح ومفهوم..
الرجل الاول...شفت ابن عمك الساقط مسوي حادث مرة ثانية...وهل المرة بالحادث اكو شيخ...يعني ما تفيد فلوسهم بعد ...اذا مات احد منهم وداعتك كلنا يكتلونا ...هذا الشيخ معروف ورغم هو شاب بس زلم شياب تخاف منه..
الرجل الثاني...اووف ياربي ...هذا بيا مصيبة خلانه راح يهجم بيوتنا ...ما كفاه ذاك الحادث من دعم المرة وصگطها...وبالگوة سديناها بفلوس...هل المرة يريد يموتنا وياه....
الرجل الاول ...غير هذا عمك مدلله وانطاه مجال حتى اخلاقه زفت...واستحي من يسألوني عنه...
الرجل الثاني...اي والله حتى استحي من وراه وعمايله...من خرب بهيج قرابة...
محمد...من سمعت الزلم هيج يسولفون صعد الدم براسي كلت الا اكتله واشرب من دمه...ورجعت للداخل..
احمد...صارت الساعة 1 بنص الليل...ومحمد اصر عليه ارجع للبيت يم النسوان محد ظل يمهن...ورجعت ولگيت امي منتظرة وكاعدة...السلام عليكم يمة...
ام محمد...هلا يمة وعليكم السلام...وين صرتو يمة ظل بالي يمكم انت واخوتك....وليش رجعت وحدك..وين اخوتك..
احمد...يمة السيارة عطلانة بنص الطريق وبقو محمد وعلي يصلحون بيها...يخافون تنباك...
ام محمد...جا وامير ليش ما جبته وياك..
احمد...يمه امير لزك بيهم يگول ارجع وياهم...يلا نامي يبعد روحي ...يتأخرون يلا يجون..
ام محمد... ولك يمة ما جاي تقنعني بحجيك...بس اني امنتهم عد ام الزهرة الحسن...وما راح تخيب ظني...
تسريع للاحداث....ثاني يوم الصبح الساعة 6
علي ...كعدت وصحيت من النوم...والالم بعده بيا...لگيت محمد نايم يمي...على سدية مجاورة الي ...بس ما اكدر اركز او افكر بشي من گد الالم ...ولك محمد ...ولك محمد اكعد ما اكدر اتحمل بعد اريد اموت ولك...
محمد...سمعت علي يصيحلي ولسانه الحاد نفسيته ولا تگول مكسر...كعدت...ها خوية علاوي...گلي شنو يوجعك؟
علي...هو هذا سؤال شنو يوجعك...حتى سؤال متعرف..گلي شنو ما يوجعك جسمي كله الم حتى ما اعرف بعد منين يجيني الالم...
محمد...انتظر هسة اصيح الدكتور...رحت للدكتور وبطريقي مريت بامير ...حالته مستقرة بس بعده فاقد للوعي..والولد اللي سوا الحادث طلعوه ما عنده شي بس كدمات ورضوض ...كون الله رض عظامه 😡😡😡...
المهم امي درت بالحادث واجت للمستشفى هي والبنات ...
وظلن يبجن وعلي مثل كل مرة بس يذب حجي عليهن
علي...ولجن ليش تبجن مو زين راح آخذ عطلة وابقى على گلوبجن...
خلصت 3 ايام تگول سنين ...واخيرا سمحلي الدكتور بالخروج من المستشفى...وامير صحا من الاغماء بس عنده مشكلة برجليه ويبجي من الالم...واني اخرت گعدة العشائر حتى اطلع من المستشفى وأحضر بيها...
بمضيف عشيرة علي...والناس كلها موجودة
علي...قبل لا تحجون باي شي ابنكم العايل...والحگ النا...
البارت قصير ...بس هو تحضير للبداية الحقيقية
أنت تقرأ
من أكون؟
Roman d'amourقصة خيالية مع احداث من الواقع...تتبع البطل وحياته للكاتب // علي الديواني
