من أكون؟

البارت الرابع...استعجال مبهم

فاروق... والله حقك تشك اكو شي ...منو ينطي بنته فصلية بهل السرعة ...وحتى بالمشية هو ما اعترض بس الشيخ اعترض...بيها انه السالفة...
عمران...بوية علاوي وصي جماعتك يعرفون كل شي عن ابو حسين واهله يمكن ضامين شغله علينه...
علي...ان شاء الله بوية...وظلينا نحجي فد ساعة وبعدين كلمن راح لبيته...اجو محمد واحمد اخذوني للغرفة وخلوني على جربايتي...وسألوني اذا محتاج شي او اصيحلهم اذا ردت شي...ورا شوية اجت امي نامت وياي بالغرفة...تكول ما اعوفك وحدك...مو بيدها كلبها حنين..
محمد...كعدنا الصبح ورحت لغرفه علي لگيت فراش على الارض احد جان نايم عليه...گعدت علي وسألته كالي امي جانت هنا... انطيته علاجاته...وبدلت ملابسه واخذته للصالة حتى يتريگ...وبيومها ما طلعت للشغل اتصلت بجاسم وهو يلزم الشغل مكاني...وشوية واجا احمد وآيات عيونهم مغمضة ويمشون امي گعدتهم غصب...هاا ولكم مو وراكم دوام...يلا احمد استعجل واخذ اختك وياك وصلها..
احمد...ما تخلون الواحد يتهنا بحياته ....
آيات.. صدك والله ...عود ليش ما يخلون الدوام الساعة 10 ...نومة الصبح زينة الحياة الدنيا...
علي... انجبو ولكم ويلا تريگو وطلعو للدوام...
احمد...(يحجي بهمس)...هذا وصل الموت وما تغيير ما تگلي شنو يغيرك...
علي...ما يغيرني شي .. لا تخاف حمودي 🙂🙂...
احمد...هااا سمعتني...😨😨😨
علي...ولك رجلي مكسورة ..مو اذني...يلا گوم بدل بسرعة...
احمد...(مرتبك)...اي والله كايم...
الكل...يضحكون على احمد...😁😁😁
علي....شوية واتصل شيخ سالم...واستغربت من اتصاله
ام محمد...ها يمة منو اتصل بيك شو تغير وجهك...
علي...لا يمة هذا شيخ سالم...بس نصي صوتكم ارد عليه...الو...شيخنا العزيز
شيخ سالم...السلام عليكم...شيخ علي..
علي...وعليكم السلام...تفضل شيخ..
شيخ سالم...شيخ علي البنية اليوم العصر يمكم...ان شاء الله
علي...هاا...بس احنا انطيناكم مجال بعد يومين...شنو الصار..
شيخ سالم...ما صار شي سلامتك شيخ...بس هي نفس الشي اليوم او بعد يومين...اجا ابو البنت وكال اليوم ندزها الكم البنية...العصر اجيبها الكم..
علي...كل الهلا بيكم شيخ...العصر ان شاء الله..
شيخ سالم... يلا في امان الله شيخ علي...
علي...الله وياك شيخنا...في امان الله..
محمد... خيرك علي شنو الصار وشنو گلك شيخ سالم؟؟..
علي...البنية اليوم العصر يجيبوها...
محمد...(متفاجىء)..شنوو...بس ليش مستعجلين ينطون بتهم فصلية...شنو ذولة الناس...
علي...هذا اللي اريد اعرفه...اشك اجتهم سالفة الفصلية ماي بارد على گلوبهم... ويريدون يتخلصون من بتهم...بس اني اعلمهم...مو علي اليضحكون عليه...
ام محمد...يمة علي بس لا راح تأذي البنية...خطية يمة هي ما الها ذنب باللي صار..
علي...يمة لا تخافين...ما الي علاقة بالبنية...بس اريد اعرف ليش ما يريدون البنية..؟؟
محمد...(يصيح لزوجته)..منى تعالي اخذي الماعين خلصنا...
منى... جاية جاية...هاك بنتك الزمها اروح اغسل الماعين...يمة هم تريدين شي مني..
ام محمد...لا يمة.. روحي كملي شغلج... هسة اجي اعينج..
منى...لا كعدي ارتاحي انتي...ما عندي شي هسة اكمل كلشي وحدي..
علي...كعدنا نسولف شوية..محمد يلا اخذني للمستشفى اريد اشوف امير...گلبي يمه...ما شفته ...من صحه قبل يومين...والله اشتاقيتله..
محمد..هسة اخذك انت وامي...اني امس يمه..ورجعت رحتله مرة ثانية ورا المشية..وولد عمك هم ما عافوه لوحدة واختك انوار يمة..لا تخاف عليه..
علي...هاي انوار عايفة رجلها وضالة بالمستشفى؟...على ساعة يطلگها...
محمد...ههههه...غير رجلها ابن خالتك...وهو جابها واجا...وگاللها تظل يمنا ... واخذ جهالة وراح...
علي...اذا هيج ميخالف...يلا اخذني لغرفتي ابدل ملابسي حتى نطلع...
محمد...يلا طفلي الصغير..اذا تريد حتى اسبحك واجلفك جلف 😁😁😁..
علي...ولك يا ريت كتلني الوصخ..بس الطبيب مانعني 10 ايام..ما اتقرب من الماي..وبدلت واخذني محمد للمستشفى..ولگيت امير يبجي عنده الم قوي...من شفته هيج گلبي يتگطع عليه...وحلفت الا اندمه هذا حسين على اليوم اللي انولد بيه...وبقينا يم أمير للظهر ورجعنا للبيت ورا الغدا..
محمد...علي ساعة بيش يجي شيخ سالم ما كال؟..
علي...ما اعرف بس گالي العصر يجي...اذا اجا يتصل على الاغلب..صارت ساعة 3 اتصل الشيخ وكال شوية وجايينكم..
انتظرناهم بالمضيف..نص ساعة واجت السيارات ...نزلو منها ابو حسين واخوته والشيخ سالم...وبنية ناعمة بس مدنگة راسها فما شفت وجها..
الشيخ سالم... السلام عليكم شيخ علي..
علي...وعليكم السلام شيخنا...بس اعذرني ما گمت الك انت ادرى بالحال..
شيخ سالم...لا شيخ ما يحتاج تعتذر كلك طيب وجود..احنا جبنا البنية وهي امانة الله ورسوله عندك..توعدني البنية ما تتأذى وانطيني كلمة..
علي...اوعدك البنية بالحفظ والصون... وما كو احد يمس شعره منها..
شيخ سالم ...اذا هيج احنا نترخص منكم...
علي...وين شيخ عشاكم جاهز..على الاقل تشرلون جاي..ما تروحون هيج..
شيخ سالم...ابن جواد وكريم شيخ علي...بس هم عدنا مشاغل بعد ورانا...والصار إن شاء الله ما يغير خوتنا..
علي...لا شيخ انت مهما يصير تظل فوگ الراس... وكل الاحترام الك بگلبي وما راح يتغير..
شيخ سالم ... يسلملي راسك شيخ...يلا نترخص شيخ..
علي..مرخوصين شيخ.. الله وياكم..
ورا ما راح الشيخ...خابرت على مومن يجي يعقدلي على البنية...بالبداية گلت اعقدها لاحمد...بس گلت اني اقترحت الفصلية هو شعليه بيها...فراح اعقد اني عليها...ولو كاره هذا الزواج الغصب...بس بعد ما اگدر ارجع بكلمتي..البنية دخلت يم امي واخواتي...وعلى ما اجا الشيخ.. صحتلهم واجو وعقدت على البنية ..اللي عرفته بس اسم البنية.....

انتظروني بالفصل القادم... قصة البطلة