ملاحظة الكاتب...بهذا البارت علي يحجي ماضيه من وجهة نظره لهذا راح يكون اكثره سرد من علي...وقراءة ممتعة...
علي...كعدت الصبح وجان نايم يمي ملاك...ما اعرف ليش جنت اعمى عنه...هاي البنية اريد اضمها بنص ضلوعي...اخاف عليها من الهوا...اوووف...ما اعرف شلون افارقها بعد...بس هي صارت اللي واني الها...صحيح وعدتها احميها...بس هم راح اسعدها ...وما راح ابد أأذيها ولو بكلمة... سحبت ايدي منها...لان الليل كله نايمة بحضني...وطلعت من الغرفة غسلت وصليت...شوية اجت ملاك وراي...مبتسمة بوجهي واعتقد اذا متت هسة فاموت فرحان وراضي عن دنيتي بسببها...صباح الخير...
ملاك... صباح النور...ما مصدكة نفسي صرت مرته من صدك...واخيرا علي صار الي...ما اخلي بنت تتقربلة ولا اخليه يباوع على غيري...صح اني اغار هواي...بس لان احبه هواي...بس امس بالليل فزيت على علي يحلم ويصيح باسم بنية اسمها زهور...كعدته وانتبه اللي...بس ما سألته عن هاي الزهور...الا اخليك تنساها وتحلم بس بيا...سويتله ريوك... وحضرت ملابسه لان صار كل اموره مسؤليتي بعد ما صرت مرته...وقبل لا يطلع كالي....
علي...ملاك حضري نفسج بالعشرة اجي اخذج للمحكمة حتى نعقد ...وحضري مستمسكاتج...
ملاك...ان شاء الله...بس نسيت شي...
علي...هاا...شنو نسيت...
ملاك...بگلبي...يلا ملاك صيري جريئة واحجيها...علي نسيت تنطيني بوسة...
علي...هااا... صايرة ام لسان...بس يلا ولا يهمج...تعالي...بستها على شفايفها...صار وجها احمر...اذا تخجلين ليش تطلبين بوسة...
ملاك...غير مرتك...وهذا حقي...
علي...هههههه...يلا اني اترخص ...
ملاك... الله وياك حياتي...تروح وترد بالسلامة...يمكن اني اعيش حلم وما اتمنى اصحى منه...بعد كل اللي صار الله رحمني وانطاني علي...كملت شغل البيت...وكعدت امي ام محمد وآيات ومنى...محمد طلع لشغله... وامير واحمد بعدهم نايمين...
ام محمد... شلونج يمة ملاك...
ملاك... الحمدلله يمة...
آيات...اي اليوم ذيج البنية صارت مرة...ولج حتى حليانه هيج الزواج يغير...
ملاك...ولج عابتلج...ما تستحين ولا تخجلين...ثگلي شوية ترا ما يزوجج علي...
آيات...هسة شنو حجيت...وكمتي تهدديني بعلي...ترا بعدكم اول يوم ولج...
منى...ههههه كافي ولجن ...تتعاركن گدام عمتي...وانتي آيات شوية مستحة...
ام محمد...الله يديم هاي الفرحة...بحق محمد وآل محمد...
الكل...آمين...
ملاك...حضرت نفسي ولبست...وانتظرت علي...صدك صارت ال10 اجا علي...طلعتله للباب...وظل صافن عليه...خيرك علي اكو شي بيا محلو...
علي...لا بالعكس طالعة تخبلين...بس والله اخاف من عيون الناس عليج...مو مرة عندي...عندي الگمر واسمه ملاك...
ملاك...😮😮😮...خلاني ساكته ...هسة وقت تتغزل بيا...يبووو اني احب يتغزل بيا...بس هم اخجل حيل...صعدت السيارة ورحنا للمحكمة...عقدنا وصارت شغلتنا سهلة...لان عم علي قاضي بالمحكمة...يعني ساعة ورجعنا للبيت...بس گلبي طاير من الفرح...هسة رسميا اني زوجته...الله يتممها على خير...بعد اسبوعين علنو نتائج التمهيدي ...واني ناجحة...فرحت كلش وعلي هم فرح...اصلا كمت اشوف ملامح لعلي اول مرة اشوفها من يوم تزوجنا... المهم ما نسيت موضوع زهور قررت اسأل آيات عنها...رحت لغرفة آيات ودخلت...ولج آيات عندي سؤال صغير الج...
آيات...اي اسألي...سؤالج الصغير...
ملاك...قبل اسبوعين علي حلم بالليل وبقى يصيح باسم بنية...والبنية اسمها زهو تعرفيها... هاي حبيبة علي؟..مو؟..
آيات...اوووف...لا مو حبيبة علي...بس ما اگدر اكلج كلشي...بس راح اجاوبج اللي اگدر عليه...زهور هي اختنا الصغير الله يرحمها...بعمر مسر ماتت وعمرها 16...اذا تعتبريني مدللة عند علي...فعلي مدللها اكثر مني ومنج...اصلا علي رباها وهو سماها...بس من ماتت صارت مشاكل ومات ابويا وراها بكم اسبوع...وهذا بس اللي اگدر اجاوبج بيه...
ملاك...صحيح اعرف عند علي اخت صغيرة متوفية...بس ما عرفت هيج علاقة علي وياها...وصلتني فكرة سبب تغير تصرفات علي حسب آيات...يعني طبعه تغير بعد وفاة اخته وابوه...حقه يتغير...بس ما فهمت شنو المشاكل اللي تسولف عنها آيات...ما اگدر اتدخل اكثر...يمكن هذا شي ما يريدون احد يعرفه...عدت الايام واني اقرا للامتحانات ومدرسين خصوصيين...حتى ما اعرف رجليه من راسي...بقى بس شهرين لامتحان الوزاري...عدت الشهرين بس خلال الشهرين ...علي كل فترة تجي كوابيس عن زهور...ويگعد من النوم مرعوب...زاد خوفي عليه اكثر واكثر...واخيرا بدت الامتحانات وبدا القلق يبين علية وعلى علي...يومية علي ياخذني ويرجعني من الامتحان... واخيرا خلصت...بقت بس النتائج...بس اني سويت اللي علية بقت يم رب العالمين...يوفقني وينجحني بمعدل عالي...بس احلام علي بدت تزود اكثر واكثر... شنو اللي صار ويا علي وخلاه هيج تجيه كوابيس...يوم من الايام گعد بالليل مرعوب ...استجمعت شجاعتي وسألت علي...علي بداعتي اذا انت تحبني...كلي شنو قصتك ويا زهور ليش هيج صاير بحالك بسببها...
علي...(يبجي)...شنتريدين اكلج ملاك...هي ماتت بسببي...ما كدرت أنقذها...ولا انتبهت الها...
ملاك...شفت علي لاول مرة يبجي...شنو هذا الشي اللي خله علي يبجي...شنو الهم الشايله...هذا علي ابو دموع غالية... حتى من صار بيه حادث وذاك الالم ما بجه...علي منو ما كدرت تنقذها...سولفلي اني مرتك وحبيبتك...
علي...اسولفلج بس ما اريد اي احد يعرف...
ملاك...ان شاء الله... والله ما احجي بس طلع اللي بگلبك... بدا علي يسولف عن اخته...
