اني ملاك الفصلية... وراح احجي قصتي ومعاناتي والظلم الصار عليه...
الاحداث قبل اكثر من سنة...
كدام صف بالمدرسة
سحر...يلا ملاك راح نعوفج ونروح ...اخرتينا..
ملاك...روحن..روحن...اكمل نقل المادة من البنات يلا اطلع..
سحر...يلا احنا نروح...بس لا تتعطلين...طلعي بسرعة صار الظهر والشارع فارغ.. ديري بالج على نفسج ولج...
ملاك... اي اي افتهمت روحي خلي اكمل نقل ولج ...
سحر... عابتلج واني القلقة عليج..رايحين...يلا بنات..
ملاك...ظليت انقل المواد من سجلات بنات طالبتهن...تعرفون طلاب سادس وطايح حظنا... يعني بس خلصت الخامس...دخلت دورات تقوية بمجرد ما خلصت امتحانات حتى درجات النهائي مال الخامس بعدها مطالعة...وداومت بالدورات والخصوصي وبعدين بدا دوام السادس...بعد ما اعرف راسي من رجليه...
واخيرا خلصت... وطلعت من المدرسة...ارجع آكل وانام...
خلوني شوية احجي عن نفسي قبل لا اكمل القصة...يمكن تشوقتو تعرفوني...مثل ما عرفتو اسمي ملاك... وصديقاتي يكللي انتي اسم على مسمسى...بشرتي بيضة وشعري اسود ووجهي مدبدب.. طولي طبيعي وسط عمري ما حبيت او سويت هيج سوالف ما الي شغل بيهن اهم شي دراستي اريد اصير دكتورة...لهذا اذب نفسي واتعب بدراستي... عند اهلي ما اگللكم مدللة بس عايشة بكرامتي وشنو اريد اطلبه من امي وهي تجيبلي...اني ما اهتم للمكياج وموديلات الملابس...حتى حواجبي صايرات حاجب واحد متصل 😁😁...المهم بعائلتنا الولد هو المفضل...واني عندي اخو واحد ابويا مدلله بكلشي وهو اكبر مني عمره 23 سنة مرحلة ثالثة إدارة واقتصاد...واخت اصغر مني بالمتوسطة...ابوي عنده فنادق ومطاعم...يعني حالتنا كلش زينة...يعني اختصرلكم الكلام بنية بيضة ومدبدبة طولها وسط وفطيرة كلشي ما تعرف غير الدراسة...وشوية طبخ..
نرجع لقصتنا...بعد ما خلصت طلعت من المدرسة...اكو فرع يصير خلف دوائر حكومية يعني ما بيه بيوت ارجع دائما عليه...واني امشي بسرعة وخايفة لان وحدي بالشارع...طلعو ثنين كدامي بس ما ارتاحيت الهم...كمت امشي من الجهة الثانية من الشارع...حركتهم كانت غريبة ويتمايلون...ولج يمة ذولة سكاره شلون بيه خلي امشي بسرعة...بس وصلت يمهم وعبرتهم...ما احس الا واحد جر عباتي وطحت بالشارع...اجا الثاني لزمني واني بالكاع...كمت اصيح بس محد يسمعني...سحلو شالي مني وشككو صدريتي...واني ادفر واضرب بيهم...بهل الاثناء واحد سحب الثاني حتى يتقربلي اول فطاحو ثنينهم بالكاع...اني من الخوف كمت اركض واصيح ما اعرف شلون كان شكلي ...متهسترة من الخوف مثل الخبلة اركض حافي ختى حذائي ما اعرف وين صارت...وملابسي مشگكة وشعري طالع...طلعت الناس تباوعلي ومستغربين عليه الطريق كله...عبالهم مخبلة...حتى وصلت شارعنا اني على نفس الحالة...اصيح واركض...دخلت البيت وابجي تلگتني امي وتهدأ بيا وتبجي هي هم...سمع ابويا صوتي وطلع وشافني هيج...اجا ركض عليه وسألني منو سوا بيج هيج...واني بس ابجي وما اكدر احجي ولا كلمة...لمن هدأت حجيتلهم الصار ودموعي عشرة عشرة يصبن...ابويا اخابر حسين اجا وراحو لمركز الشرطة قدمو شكوا..وظليت يومين ما اداوم...بعدها اتصلو بابويا كلولة لزمنا 2 مثل الوصف اللي انطيتوه بنفس الشارع سكاره...وهسة بالسجن..
