علي...اتصل شخص يهمج ويريد يعرف اخبارج...
ملاك...من كلي هيج...ردت اعرف منو الشخص هذا...(بصوت عالي شوية)...منو كلي؟؟...
علي...قبل لا اكلج...اريد اسألج...انتي عندج موبايل؟..
ملاك...علي ما يقبل يكلي منو اتصل...لا ما عندي... حتى قبل ما عندي موبايل امي ما تقبل الزم موبايل.... تخاف التهي عن دراستي....
علي...اذا هيج...راح اخلي احمد باجر يجيبلج موبايل وخط...
ملاك...صدك؟...فرحتمن گال رتح يجيبلي موبايل ...هاي اول مرة راح يجيبلي أحد موبايل... يمكن ظلمته ...
علي...اضحك بگلبي واكول شكد فطيرة هالبنت...موبايل خلاها هيج تفرح...يلا براحتج روحي ارتاحي....كامت وصلت الباب وحاجيتها...هاا صدك ملاك... امج اليوم اتصلت تسأل عليج...ما اعرف منين حصلت رقمي...
ملاك...من گالي امج اتصلت...رجعت اله وكتله...صدك تحجي علي...ليش ما كتلي...شلونها وشلونها فطومة والله مشتاقتلهم...كلي علي امي كالتلك شي...احجي وابجي من گلبي...
علي... ولج شبيج فضحتيني...اليسمعج هسة عباله مسويلج شي لو مأذيج...يلا كعدي خل افهمج واسولفلج...
نرجع مرة ثانية لوقت الاتصال...
ام حسين(ام ملاك)...الوو شيخ علي؟..
علي...اي..تفضل..
ام حسين...اني امها لملاك...
علي...هااا ام ملاك؟...(بانفعال شوية)...هلا خالة ام ملاك...شلونج وشلون صحتج؟...
ام حسين...اني الحمدلله خالة...بس گلبي وعقلي يم ملاك لا اكلي ولا شربي مثل الناس من يوم راحت ملاك بنيتي....كلي يخالة شلونها ملاك...تاكل تشرب؟؟..اريد اسمع صوتها بنيتي...
علي...خالة ملاك بالحفظ والصون...وشنو تريده يجرالها...ومحد يتقربلها او يأذيها...فلا تخافين عليها...
ام حسين...خوش خالة...بس عتبي عليك انت...ليش اخذت بنتي مني؟؟...وخليتني مثل طير مكصوص جنحانه...والله يخالة مرمرتني وعذبتني ببنيتي...
علي...خالة اول شي اني اعتذر منج...لان صار بيج هيج بسببي...صحيح بالبداية ما كان عندي قناعة وصار عندي شك بقراري...بس من عرفت ملاك مظلومة...هسة احمد ربي لان هداني واخذتها منكم...خليني اسألج...انتي مقتنعة بحياة ملاك وياكم...تشوفيها تتحسن للافضل ...تصير للاسوء...طيب انتي تگدرين تحمينها من ابوها واخوها...لو بس تظلين تباوعيلها من يضربوها ويهينونها...جاوبيني خالة...اني كلت هيج ...شو هاي گامت تبجي...
ام حسين...اي والله خالة كل اللي گلته صح...بس شسوي بنتي اريدها كدام عيني...
علي...خالة اذا تحبيها المفروض تفرحيلها ...طلعت من ذيج الغرفة المشؤومة...مو تريدينها تبقى بيها بس علمود تشوفيها...لازم الواحد يضحي علمود الشخص العزيز عليه...وبالمناسبة خالة تكدرين باي وقت تتصلين او تحبين تجين لبيتنا تشوفيها محد يمنعج...وبيتنا مفتوح الج باي وقت...
ام حسين...شسوي يخالة هذا گلب ام تريد اولادها گدامها طول اليوم وتكحل عينها بشوفتهم...بس يخالة اكدر اسمع صوت بنيتي؟؟...
علي...لا خاله هسة ما تكدرين...
ام حسين...ليش بنيتي بيها شي...لا تضم عليه خالة...
علي...والله خاله ملاك ما بيها شي...بس هسة هي بالزيارة من ترجع اخليها تتصل بيج أن شاء الله...
ام حسين...اي والله خالة...الله يحفظلك شبابك ويحفظك لاهلك...اريدك تدير بالك على بنيتي...هاي امانة يمك...
علي... ويحفظج ربي خالة...لا توصيني...ملاك معزتها بمعزة اخواتي واحطها بنص عيني...
ام حسين...ان شاء الله خالة ما تقصر ابن اصول..يلا خالة مع السلامة...
علي...مع السلامة...
