من أكون؟

البارت العاشر...زيارة واتصال ومجهول

علي...اووف..يعني ناويات تقطني...يلا باجر من تطلعن انطيجن فلوس...المخبلة آيات ظلت تگمز وتصيح فرحانه...خلتني اضحك عليها...ههههه من زمان ما ضحكت..
ملاك...هااا هذا هم يضحك😦؟؟؟...بگلبي طبعا احجي...زين طلع يضحك عبالي وجهة بس قالب واحد...بس من ضحك يتغير الجو حوله...يخليك تحس بأمان...بس لشكد هذا الامان...اووف التفكير ما يفيد بعد...ادعي ربي بكل صلاة يبعد عني الشر ويرحمني...اذا صار شي بعد ما اعتقد اتحمل اعيش بعد...
علي...خلص اليوم ...وصار الليل اتصلت على محمد...وعرفت حددو يوم العملية بعد 3أيام بس تكمل اخر فحوصات...ونمت...ثاني يوم كعدنا والبنات من الصبح كاعدات يردن يروحن للزيارة طبعا منى وبتها وياهن...واتفقن تجي انوار تبقى يمي...يعني مخططات لكلشي...ماكو احد يگدر يغلبهن اذا رادن شي...
آيات...يلا ولج ملاك شكد بطيئة... صدكيني اذا تأخرنا على احمد يبطل وما ياخذنا...بس همزين علي موجود ما يگدر يحجي شي 😁😁...
ملاك...ولج غير اعدل نفسي قابل اطلع مبهذلة...والشال ما يرضى يصير عدل...تعالي ساعديني...
آيات...اووف يلا تعالي اعدله الج...وين الدنابيس؟؟ انطينياهن...كملنا وخليت شوية اساس لوجه ملاك...طلعت تخبل ...حتى تغيرت مو مثل اول ما اجتنا ...صار ماي شوية بوجها...بس المستغرب منه ليش علي ما يباوعلها وهي عدها كل الجمال...ولا يوم شفته عينه عليها...كأنما ما مهتم لوجودها...حتى كلامه وياها قليل...لو بس...قاطعت تفكيرها ملاك
ملاك...شبيج صفنتي آيات ...يلا ننزل لأحمد..
آيات... صدك تأخرنا من وراج ...يلا بسرعة هسة يحجي احمد علينا ويرزلنا...
علي...نزلن البنات مبدلات ومعدلات...طالعات حلوات ...بگلبي اخاف عليهن من عيون الناس...آيات .. ملاك..تعالو ...لزمن هاي 100الف لآيات...وهاي 100الف لملاك..
ملاك...هااا بس هاي هواي ... واحنا رايحين بس زيارة...
علي...لا اصلا قليل... باقي الفلوس خليتهن عند احمد اذا احتاجيتن بعد طلبن من عنده...
آيات... ولج ملاك اذا ما تريدن الفلوس اني اخذهن...
ملاك...سكتي ولج اريدهن... مشكور علي ورحم الله والديك..
علي...ووالديج بالرحمة...بس ما يحتاج شكر ما دام انتي عندي هذا حقج...واذا تحتاجين اطلبي لا تسكتين..
ملاك...ان شاء الله...طلعنا للسيارة وصعدنا...طبعا مرينا على بيوت اعمام علي كلهن يخبلن وحتى بيت اهل علي مقاصر...من اكول عنهن بيوت اقلل منهن اقل شي اگدر اگوله عنهن قصور ...اهلي حالتهم زينة بس بيتنا ما يوصل يم اصغر واحد بيهن...والطريق حتى نوصل للشارع ما ينوصف كله بساتين...هاي ثاني مرة اشوفه واتمعن بيه...طلعنا من شارع اهل علي هيج راح اسميه...لان ما اعرف شيسموه...اكلج آيات صدك شنو اسم شارعكم؟؟...
آيات...يسموه شارع شيخ عامر...
ملاك...منو شيخ عامر؟؟..
آيات...يعني صدك ما تعرفين اسم ابو زوجج...اسم ابوي عامر...
ملاك...صدك؟؟ والله ما اعرف ما خطر ببالي اسألج...
آيات...اني تسأليني لو تسألين زوجج...😏😏
ملاك...انتي تحجين صدك اني اخاف اسلم عليه...تريديني اسأل...شكله 24 ساعة ضايج ومعبس...خاف اكله شي ويطلع حركته بيا..
آيات...ههههه ولج هو هيج طبعه تشوفيه هادئ...بس ديري بالج من لسانه...يرد الكلمة عليج مثل السجين...وما يهتم منو گدامه...ماخذ طبع ابوي كله...بس هو حنين ما يقبل على اي واحد من اهله... حتى انتي حاليا حاسبج ويانا...معتبرج من اهله.. وطبعا كلنا معتبريج منا وما نرضى احد يأذيج مو بس علي..
ملاك...من گالت هيج آيات شوية ارتاحيت ...ودعيت ربي يتممها على خير...بقينا نسولف الطريق كله ومنى هم شاركتنا بالحديث بعد ما نامت بنتها ... واخيرا وصلنا ..
احمد...يلا نزلن راسي صار طبل من وراجن شكد تسولفن من الصبح...
آيات...على كيفك ويانا استاذ احمد ...راسك يوجعك من سوالفنا لو من المدام المسهرتك الليل كله...
احمد...ولج سكتي راح تفضحيني...والله ارجعكم للبيت..
آيات...رجعنا واسولف لعلي كلشي...وتدري هو شكد يحب هيج سوالف...
احمد...يلا سكتي امري لله...تعالن خلي نروح...
ملاك...ولج آيات انتي فضيحة مو مال واحد يأمنج على سر..
آيات...لا مو هو كالي ...مرة اخذت موبايله وياي للكلية ...لان موبايلي عطل...اتصلت بيا عبالي احمد...رديت طلعت بنيه وبعد اتهامات بيناتنا تعرفنا على بعض...وهسة كلما اريد من احمد شي اهدده...
ملاك...هههه... طلعتي مو شوية...راح آخذ حذري منج...واحنا نتمشى نسولف...
آيات...لا تخافين ولج بس ويا احمد هيج اني...لان بس هو اگدر عليه...ههههه..
احمد...انلصمن وتحركن...يلا حتى نخلص بسرعة ونرجع للبيت...
آيات...شبيك مستعجل...خلينا براحتنا نتونس نشوف شي...لا تسويها ركض الزيارة ...ترا تعرف شيصير...مو حمودي لو مو مو؟؟...حجيت وياه بطريقة شريرة 😁😁...وملاك تگرص بيا تگلي سكتي...ومنى بس تضحك علينا...
احمد...اني شورطني وانطيتها موبايلي...هاي راح تبتزني ليوم الدين...ربي بس استر عليه من هاي الشيطانة...
ملاك...اسمع احمد يحجي ... وكسر خاطري...آيات لاعبة بطروكه(بحاله) لعب...ولج آيات ما تعوفيه لاحمد...(بهمس)..خطية يمكن صدك يحب البنية ويريدها...
آيات...اعرف يحبها ويريدها...وهي هم حبابة البنية وحلوة...واصلا اني اريده يأخذها حتى لو غير رأيه راح أجبره...واخلي علي يزوجه غصب...قابل يضحك على بنت الناس...
ملاك...ولج والله طلعتي صدك تخوفين... يعني مخططه لكلشي...وحتى ملتقية بالبنية من ورا اخوج وشايفتها...
آيات...شلون ما اشوفها... اخاف تطلع مو خوش... وهذا اخوي قشمر بحجاية حلوة تكدر تجيبه للدرب...بس طلعت بنت ناس... وحتى هو يخاف عليها وما سوا شي غلط وياها...تسولفلي تكلي حتى كلامه بحدود وياها...لان كلش مهتم بسمعتها ...
ملاك...هذا احمد تفكيره حلو اذا هيج يهتم لحبيبته...
آيات...ما جان احمد هيج تصرفاته حلوة...جان صاحب مشاكل هو وصغير...لمن مل ابوي من مشاكله...استلمه علي وصار هيج..
احمد...يلا ولجن بس گر گر گر ما تخلص سوالفجن...يلا روحن دخلن ليجوة.. وبعد ساعة لازم بهذا المكان..ترا صدك اعوفجن هنا....ولو انتن تكيفن وتفرحن تبقن هنا...
منى...احمد شبيك عصبي اليوم...شكلك جاي غصب...
احمد...لا مو غصب...بس هاي الشيطانة تسولف زايد هواي...وتعبتني..
منى...ههههه... اعرف شنو قصدك ابو الحب...بس لا تخاف ما راح توصل سالفتك لعلي..
احمد...منى اخذيهن زوريهن وجيبيهن بالوقت...لان اذا سولفن ينسن كلشي....
منى...هههه ان شاء الله...