#حكم_إعدام14
بقلم..... شيماء عثمان
في السجن.......
كان وقت الفسحه وكل المسجونات طلعو من العنابر......
ياسمين وساره وفاطمه قاعدين مع بعض ....... ساره إلتفت ...قالت ليهم ديل عندهم شنو واقفين مع بعض .
فاطمه : قصدك منو
ساره : أنعام و حواء وشايفه أريج معاهم
فاطمه : خليك في حالك مالك ومال المشاكل
ساره : وقفه اريج معاهم ما مطمناني
فاطمه : قلت ليك خليك في حالك ..... ناسيه المره الفاتت اتشاكلتي مع اريج دخلتي المنفرده اسبوعين
ساره : لكن مابخليها كان طال الزمن ولا قصر
فاطمه : يابتي قلنا شنو
ساره : اريج دي واحده واطيه يا خالتو مابتعرفيها
ياسمين : ما تخلي المشاكل ياساره خلصي فترة محكوميتك واطلعي
ساره : مرات المشاكل بتجيك لحد عندك ........ اريج دي كانت صحبتي الروح بالروح بس زعلت لما واحد تقيل أختارني و ما اشتغل بيها وبقى زولي .... النار ولعت فيها ومن الحقد الفي قلبها بلغت عننا جو رفعونا كلنا من الشقه.... الزول داك لما اتسجن زعل شديد هو طبعا شخصيه مهمه في البلد طلع طوالي وحلف إلا ينتقم منها يومين و جابوها هنا و من جات و احنا في مشاكل مع بعض لما غيروها العنبر التاني ....صاحبت أنعام مخصوص عشان تكون عينها علي في العنبر .
في اليوم التاني كان دور ساره في النضافه ....... و أثناء ما هي بتمسح جات أنعام وقفت قدامها و رمت أوساخ في الارض ..... ساره رمت الفي يدها و طلعت الفي رجلها وبقت تضرب أنعام ...... حواء جات وبقو التلاته يتضاربو .... دخلو السجانات فرقوهم و أخدوهم كلهم الحبس الانفرادي .
في جانب مي ...
أخدت اجازه من الشغل يومين وحالتها النفسيه كانت ما تمام ..... ايمن كان بحاول يتواصل معاها بس هي كانت بتصدو ..... هو طبعا طلع من بيت أهلو بعد الحصل في يوم الخطوبه .. اتناقش مع ابوه نقاش حاد وابوه ضربو كف و طردو من البيت ...قال ليه انت احرجتني قدام صاحبي و شريكي و الراجل زعل وفض الشراكه ... وانت من اليوم لا ولدي ولا بعرفك .... امو كانت بتترجاه انو مايطلع من البيت بس هو باسها في راسها وقال ليها أعفي لي يا أمي أبوي بطلب مني المستحيل و أنا مابحب بت غير مي و بتزوجها برضاكم أو لا و انا راجل كبير بعرف أرتب حياتي زي ما عايز و طلع خلى البيت .
في بيت ناس مي بعد ماشالت الاجازه.... وقاعده اليوم كلو قافله على روحها امها جات ....
محاسن : يابت مالك اليومين ديل ما عاجباني
مي : مافي شي تعبانه من الشغل بس
محاسن : طيب عندي ليك خبر و ما دايراك تتجنني فيني زي كل مره...... محمد ولد نجاة بت خالتي جا من قطر و فاتحني تاني في موضوعك يابتي الزول دا دايرك وميت في دربك سنتين جاري وراك ... كل مايجي أجازه يكلمني في موضوعك و انتي قافله منو ادي نفسك فرصه و اتعرفي عليه ... بعدين هو هناك وضعو تمام و هنا مؤسس روحو دايره شنو تاني
مي : قولي ليه موافقه
محاسن : قلتي شنو
مي : ارفض يعني
محاسن : لا لا خليك عند كلمتك ما صدقت ربنا هداك
أنت تقرأ
حكم إعدام
Romance(شيئان لا تسلم عاقبتهما الظلم والشر) _ علي بن أبي طالب _ . و بين الظلم الظاهر والعدل الخفي خيط رفيع لا يراه إلا أهل القلوب .
