Beautiful Scars (ANWAG Part 3)

Chapter 10

Siya Ba?

RAILE

"Tara dali." yaya ni Chen papasok.

"Babalik na ako."

"Eh di ka pa nga nakakapasok. Tsaka kakarating mo palang no?"

"Eh tingnan mo sila oh."

Mukhang tinakasan na kasi ng bait yung mga kasama niya. Si Coco nagsasayaw mag-isa. Si Deo nasa bunganga na yung mic tapos kumakanta. Si Benj naman kinakausap sarili niya, nagsasalita mag-isa. Si Pat kausap yung halaman. Eh sino ba jan yung matino?

"Sabagay... Tagal kaya nating nanatili sa kuwarto mo." nakangiti nitong sabi.

"Coco, uwi na tayo." inakay ko si Coco palabas.

"Uhm... Next time nalang tayo magbonding." paalam ni Chen.

Sinagot ko lang siya ng tango at umalis na kasama si Coco na nagha-hum ng Bawal Na Gamot.

Papasok na sana kami nang marinig ko si Chen.

"Good night, Pina."

Di ko na ito pinansin at pumasok na at linapag si Coco sa kama.

---

Ikot sa kanan. Ikot sa kaliwa. Dapa. Tihaya. Tandayan si Coco. Yakapin ang unan.

Kanina ko pa 'to ginagawa mo pero di talaga ako makatulog. Kainis naman. Anong oras na ba?

Alas tres, aga ko naman magising. Eh di nga ako nakatulog. Aish. Makaalis na nga. Humihilik pa 'tong katabi ko, ba't ko pa kasi sinama si Coco?

Lumabas ako at tinakbo ang kokonting distansya papunta sa baybaying dagat. Sa ganitong paraan baka antukin ako lalo na at malamig ang hangin.

Umupo ako sa buhanginan at kalaunan ay humiga rin. Nagsimula naman akong magbilang ng bituin kahit alam kong di ko naman mabibilang lahat.

"Two hundred fourteen... Two hundred fifteen... Two hun--- teka... Baka eroplano 'yan. Sige na nga... Pang-ilan na uli ako nun?"

"Two hundred sixteen..."

"Oo--- ay kabayo!"

Napabalikwas ako at liningon ang nagsalita.

"Ang hard mo talaga." komento nito at tumabi sakin.

"Oy! Alis diyan! Ang laki ng space dun, dun ka!" singhal ko.

"Eh sa gusto ko dito. Bakit ba? Allergy ka ba sa bakla."

"Oo." bulong ko at umiwas ng tingin. "Alis ka nga sabi eh! Tsupe!"

"Alam mo gusto ko yung side mong maladragon kesa sa pilosop--- aray! Totoo naman ah.''

"Alis nga sasabunutan kita!"

"Bet ko yan kesa sa--- aray! Ba't mo ako sinapak?!"

"Bakit? Anong inaasahan mo?"

"Sabuno--- aray! Rae!"

"Eh yun hinihintay mo eh, pinagbigyan ko lang naman."