مِـظٌـلَوُمِـة وُ لَكَنٌ !!

part 2

بدت زينب تقترب من عمر وصارت عصبية وعمر بدة يخاف شوية لان اول مرة هيج تسوي كل مرة تكلبهة ضحك ، زينب انتبهت لوجه عمر شلون كام ينطي الوان متحملت الموقف وجان ترفس بالكاع من ورة الضحك عمر عرف هاي احد مقالبهة جان يكوم واخذ كوب المي من ايد امه و دارة فوك راسهة زينب كمزت من مكانها و عمر ركض وزينب تركض ورا وتتوعدلة بالانتقام وطبعا جان الوالد داخل للبيت و ممنتبهين و صار يباوع عليهم وبعد ما راحو من غرفة الاستقبال رفع ايدية و يدعي ..

الاب: ربي ربي انطيهم العقل زينب راح تصير مرة و بعدهة تتصرف هيج و عمر صار رجال وبعدة يتحارش بس علمود يحصل كتل ..

جتي الام علية وهي تضحك سلمت علية ..

الام: ذولة جهالك وتعرفهم الله يحفظهم

الاب: ان شاء الله .. هاا بابا علاوي شوكت رجعت انت و هل اغبر؟

كام علي وراح وكف يم الوالد

علي: والله بابا قبل ربع ساعة تقريبا مو هواي و بدربنة شفنة ابو حسن و يسلم عليك ورجعلي الچاكوچ الاخذة ذاك اليوم

الاب: الله يسلمة، لعد خوش

كعدوا بالاستقبال وصاروا يتناقشون بأشياء مختلفة ..

الام: ايي ابو علي باجر اخذ البنات ونروح للسوك تعرف عرس علي اسبوع الجاي و اكو كومة تجهيزات لازم نسويهة

الاب: ايي ماشي خلي ابنج الاغبر ياخذجن للسوك لتروحن وحدجن وصحيح نبهي علية مو يتعارك وية زينب بالسوك الان ادري بي حاط نكورة وياهة ..

مجرد ان ذكرو كلمة سوك ما حسو غير سلمى وتكفة على روسهم

الاب: بسم الله الرحمن الرحيم لج انتي منين طلعتي

الام: قل اعوذ برب الفلق خوفتيني جنج جني

علي: هههههههههه

سلمى :«وهية مبتسمة ابتسامة عريضة » باجر بيش الساعة نروح للسوك؟

الام: الصبح بـ ٩:٠٠

سلمى: خوش لعد اروح انام حتى اكعد بـ ٧:٠٠

علي: وشعندج مقبشة؟ بعدين انتي مو رحتي نمتي؟

سلمى: حمبي علي اخي العزيز الطلعة يرادلهة تجهيزات تعرف لبس و مكياج وبعدين صحيح اني نمت بس توم وجيري « قصدهة زينب و عمر » يخلون واحد ينام بس يتعاركون

بهاي الحضة دخلت زينب تبجي

الاب: بنيتي الحلوة شبيهة تبجي كلشي ولا دموعج بنيتي

زينب: بابا شوف عمر شسوية

الاب: لاا لك هاي شمسوي

عمر: والله بابا كلشي ما مسوي اصلا مو اني

زينب: علي لتكذب ماكو غيرك يسويهة

عمر: والله مو اني بعدين لو اني اخلي العلبة فارغة بالثلاجة خبلة حتى اخلي على روحي دليلل

علي: زينب ترة شي بسيط ميستاهل تبجين وذا اكلة بدل متكولين بالعافية

زينب: انتة اسكت ولا كلمة

استبرق: لا مو عمر الي اكل النوتيلا

عمر: وشهد شاهد عيان شفت بابا مو اني

زينب: لعد منو؟

الام: وين سلمى؟

باوعوا حوليهم سلمى مختفية والكل عرف انو سلمى الي ماكلة النوتيلا

زينب: «بصياح »لج سلمى اني الج يا عوبة مو لعساس مسوية رجيم ام جذب

«زينب: هيج جانت حياتي قبل بس هسة داخلة بحالة كتأب حاد و ضعف، اني زينب تعرضت لهاي الحالة بعد ما تعرض الوالد لذبحة قلبية قبل سنتين وبعد هاي الحالة تغيرت حياتنة ٣٦٠ درجة صارت البسمة موجودة بس للمجاملات و البيت هادء بعد ما جان اكثر بيت بي صوت بالحي .. راح احجيلكم شنو صار بهاي السنتين و شلون انقلبت حياتنة رأسا على عقب »

يتبع ...