زينب : مريت بمشاكل مالي ذنب بيهة گضيت هل ايام مثل اليتيمة ومظلومة من الكل اكعد احجي وية نفسي واكول: لج زينب طلعتي مو شريفة وتلعبين على الشباب ليش هيج سويتي خسرتي ثقة اهلج ، اضحك على روحي كمت وكفت كدام المراية اباوع على وجهي هلات سودة جوة عيوني شعري مكفوش شفتي مجروحة ايدية كلهة مزوركة شلت المشط وصرت امشط شعري الطويل جوة خصري اباوع علية لونة بني على ذهبي اباوع علية ابتسم اتذكر شلون عمر يكلي شعرج حلو بس شعري احلة منة واتذكر من علي يكلي شعرج ممنوع تكصي وارجع اتذكر الي سوو بية طلعت من المجر المقص وصرت اكص بشعري وابجي دخلت امي علية جتي تركض جرت من ايدي المقص وحضنتي وصارت تبجي على بجيي ..
ام زينب: الله ينتقم من كان السبب
زينب: ليش محد يصدك بية ليش اتهمتوني اتهامات اني ما مسويتهن ليش
ام زينب: بنيتي لا تبجين الله ياخذلج حقج لتخافين الله موجود
زينب: ماما سامحيني اذا سويت شي غلط ترة والله ماجنت اقصد
ام زينب: يمة وحدي الله وصلي على النبي ملجاچ الوحيد هو ربج صلي واقري قرآن وادعي يفرجهة ..
زينب: ان شاء الله ..
*****************
ديمة : «زوجت محمد » حبيبي اني دخلت الشهر التاسع وديني لاهلي
محمد: ليش امي مقصرة وياج بشي اشو كل الشغل والتنضيف والطبخ عليهة وانتي كلشي ماتسوين شعندج رايحة
ديمة: شنو القصة غير اروح يم امي بعدين ليش دا تعيرني واذا كلشي ما اسوي بعدين امي اداريني وخواتي هم يدارني وديني ..
محمد : ماشي ماشي يلة حضري روحج دوديج
ديمة: حبي اني متجهزة
محمد: مضبطة امورج لعد
ديمة : لعد شلون
اخذ محمد ديمة لبيت اهلهة ومن وصلوا اخوانهة ماخلوا يرجع كلولة عدنة حجاية وياك ..
محمد: تفضلوا كلتوا عدكم حجي وياي الكم الاذن الصاغية
ديمة: حبي محمد اني اريد بيت وحدي
محمد: شنو هل حجي ليش انتي مو عايشة ابيت شكبرة
ديمة: واذا ماريد امك وياي اني مابية حيل اداري
محمد: شنو دتخربطين انتي وين تردين اودي امي مثلا؟
ديمة: هل شي ميخصني وين متريد توديهة توديهة بعد ماريدهة ماريد اداري عجايز
محمد: لج شدارين اشو امي هية الي تسوي كلشي حتى ملابس تغسلهن وساكتة واني ساكت هسة تردين اذب امي لو تموتين ماسويهة
ديمة: لعد انسة اني زوجتك وعندك ابن مني اذا مطلع امك من البيت اكو كومة دار عجزة ذبهة بواحد منهن
أنت تقرأ
مِـظٌـلَوُمِـة وُ لَكَنٌ !!
أدب المراهقينقصة باللهجة العراقية مأخوذة من احداث حقيقة مر بها الكثير من الاشخاص .. فتاة بعمر صغير تعاقب على اشياء لم تفعلها ولم تفكر في فعلها في حيتها تمر بعدة اتهامات باطلة فـ هل من منقذ سوف يحميها من هذة الاتهامات؟ ... لم يعد بإمكاني تحديد من ماذا أتألم ،كأن...
