مِـظٌـلَوُمِـة وُ لَكَنٌ !!

part 26

‏يقولون أن الحب يبدأ بـ كلمة أو نظرة
         تلك خرافه صنعها الفاشلون
الحب يبدأ حين تشعر المرأة بأنك رجل

*********************************

سارة: بعد كلام ماما قررت اصلي صلاة استخارة وانام ثاني يوم الصبح كعدت وجنت مقتنعة بفكرت الزواج حسيت عمر راح يكدر يدافع عني اذا تعرضت لاي شي و بما انو عمر موجود ماراح اخاف من جواد و من اي شي بالمستقبل قررت انتظر ماما تجي تسألني حتى اكللهة موافقة دخلت علية امي ..

ام سارة: هاا ماما شنو قرارج النهائي

سارة: ماما بما انو بابا موافق اني هم موافقة

ام سارة: مبروك حبيبتي والله فرحتيني ان شاء الله السعادة وراحة البال

سارة: تسلمين ماما

راحت ام سارة وانطت علم لابوهة و انطة الموافقة لابو زينب ..

*********************************

نروح لزينب ..

زينب. : طبعا كل البنات ضلن ما راحن لبيوتهن حتى يجهزن لعرسي الي ما اريدة يجي اجة الليل والكل كاعدين نباوع فلم « تايتنك » الي اني اتخبل منة ابد ما احبة مية مرة عايدي دخلت امي ..

ام زينب: بنات باجر انروح للسوك

الكل: 💃💃💃💃💃

زينب: ويع ماروح

ام زينب: اصلا منو كلج ترحين باجر محمد بجي ياخذج وتطلعون سوة

زينب: منو كلة اني موافقة اطلع ويا 😡

ورود: ابو المثل يكول ..

الكل: لكت رجال كالت اعور 😂

ورود: لج انتي شنو اني بمكانج الطش علية وين تلكين واحد مثل خطيبج

زينب :«بتقليد » وين تلكين واحد مثلة ، منو كلج اريدة حتى اريد واحد مثلة

ورود : غباء موهبة

راحت زينب لغرفتهة شوية ورجعت...

زينب: بنات

الكل: نعم

زينب: باجر شنو ألبس من اطلع وية محمد

ورود: اني اختارلج

بشرى: «بنت خالته لزينب » دطيري اني اختار اني كوافير وعرف كلش زين بهيج أمور

سلمى: لا انتي ولا انتي اني اختار اني خبيرة بهيج اشياء

ورود: خلي خبرتج لروحج اني اختار

زينب: اتفقن وتعالن وراي

راحت زينب لغرفتهة وعافة الثلاثة يتعاركن فتحت باب الكنتور «الخزانة » وبقت تباوع على الملابس الي عدهة كلهم ميعجبون طلعت من غرفتهة راحت لغرفة سلمى ضلت تكلب بالملابس الى ان ختارت ملابس و نسقت و لبستهم حتى يشوفنهن البنات ..