قبل سنتين ..
""""""""""""""""""""""""""""
الام: لج ماما زينب اعقلي صرتي جبيرة الي بعمرج ديزوجن وعدهن جهال
زينب: ماما اني شعلية بيهن هنة يردن يزوجن اني ماريد ليش شبهيني بيهن بعدين اني ما سويت شي غلط
الام: لا خطية ما مسوية شي حبيبتي زوبة خوانج كبروا ميصير تتصرفين وياهم هيج احترميهم
زينب: ليش اني شنو سويت؟
الام: لا ما مسوية شي ، اكو وحدة تكول الاخوهة الجبير انتة جعب بطل
زينب: هااا ما جنت اقصد هية طلعت من حلكي شسوي بعد
الام :انوب فكري مرتين قبل متحجين
زينب :والله ماما فكرت مرتين
الام: لعد مرة الخ فكري خمس مرات يلة تحجين
زينب: اشووف!
استبرق: مااااماااا
الام: هاا عيوني
استبرق: ماما نسيت اشتري قلم حمرة يناسب ملابسي
الام: والمطلوب ؟
استبرق: روحي دوريلي بالمحلات
الام: والله بطرانة روحي شوفي اختج اكيد عدهة لان ما شاء الله عدهة محل مو غرفة كلهة مكياج
استبرق: اوك بس اذا معدهة ترحين ادوريلي
زينب: ماما لعد اني ليش ما اشتريت مكياج وية ملابسي؟
الام: انتي والمكياج شنو؟
زينب: ميصير هيج تحسسيني عبالك عمري اربع سنين بعدين ليش الهوانم بناتج يشترن واني لا شنو اني بنت البطة السودة وهنة بنات البطة البيضة
الام: والمطلوب هسة
زينب: اريد مكياج 😔
الام: من وين اجيبلج مكياج و العرس باجر؟
زينب: مشكلتج 😒
الام: ولج راح اكص لسانج احجي عدل
وبهاي الحظة دخل عمر وفات من يم زينب و هو معبس زينب وكفت كبالة وسوت وجه بريء
عمر: خير شرايدة؟
زينب: حبيبي عمري حياتي نور عيني
عمر: بلا لواكة شتردين؟
زينب: اريد مكياج 😄
عمر: «بأستهزاء » هااا و چعب البطل شلون يفيدج؟
زينب: «بوجه معبس » حبيبي عموري اسفة ما جنت اقصد حبي انتة تقبل باجر العالم تكول اخت هذة الصاك محلوة؟!
عمر: 😏 و من وين اجيبلج هسة
زينب: 😆 اخذني للسوك خلي اشتري
أنت تقرأ
مِـظٌـلَوُمِـة وُ لَكَنٌ !!
Teen Fictionقصة باللهجة العراقية مأخوذة من احداث حقيقة مر بها الكثير من الاشخاص .. فتاة بعمر صغير تعاقب على اشياء لم تفعلها ولم تفكر في فعلها في حيتها تمر بعدة اتهامات باطلة فـ هل من منقذ سوف يحميها من هذة الاتهامات؟ ... لم يعد بإمكاني تحديد من ماذا أتألم ،كأن...
