مِـظٌـلَوُمِـة وُ لَكَنٌ !!

part 16

محمد: وصلنة لبيت اهل العروس طبعا رادن ينزلن وكتلهن اكفن لحد ينزل نزلت من السيارة سوين طريق لسيارتي كدام باب اهل العروس ورجعت للسيارة وكفت السيارة كدام الباب نزلن ونزلت ام اللسان ورادت تنزع السترة بس خزرتهة وبطلت دخلن واني ضليت واكف بعيد بس عيني على الباب احاول اطلعهة من بالي بس متطلع كل شوية تجي على بالي ولبسهة خربطلي كياني ماعرف شصار بية ماريد احد يشوفهة بهذة البس غيري ضليت استغفر ربي واتعوذ من الشيطان اني رجال متزوج شنو هل افكار شلون احط عيني على اخت اصدقائي لازم اشيلهة من بالي ...

نتجه الى غير ابطال ...

عمر: شفت سارة و كلبي صار ينبض على السريع صحيح لبسهة مستور بس كلش لايكلهة وطالعة فد شي افف شنو دا احجي اني معقولة حبيتهة لهاي ام لسان لا لا مستحيل شنو هل حجي هذة عمر اصحة انتة متحب احد هاي مجرد اوهام افف لو بس تطلع واشوفهة واريح كلبي

«يا اخي اثبت على رأي لو تحبهة لو لا 😒😂»

سارة: اول ما شفت فرح صعدت وية عمر بالسيارة تخبلت بس ضليت احاول اهدي بنفسي بس اني الك بس اني شعلية اوي خلي يولي هوة وهاي المضغوطة على شنو اضوج اصلا مضايجة خلي يولون اني مو بحاجتهم افف شكو دفكر اصلا بيهم ولازم اشيلة من راسي خلي يولي ..

*******

ورود: هاي الرادهة وهاي التمناهة بنت الشيخ لابن الشيخ جبناهة.....

استبرق: اخونة خوش اخو يستاهل الهوسة اخونة خوش اخو ...

وضلوا يهووسون و فرقة العزف تعزف وكلهة تركص ...

ام زينب: يلة يمة راح نطلع ..

لزم علي ايد زوجتة ومشوا والكل تهوس وتمشي وراهم طبعا السيارة مدخليهة للطرمة لان البدلة مال عروس كلش مكشوفة وجسمهة طالع ..الكل طلع وراح للسيارات حتى تمشي لزفة ..

محمد: كلهة طلعت حتى نمشي والفرقة تعزف نغمة الزفة اشو طلعتلي هاي ام الامر نازعة السترة وتمشي وتضحك وية طفل دمي صار نار شلون تنزعهة شفت الكل ملتهي روحي طفرت محاسيت بروحي غير واكف كدامهة سحبت السترة من ايدهة وحطيتهة على كتوفهة ..

زينب: «بعصبية »هاي شدسوي منو سمحلك

محمد :اهس ولا حرف شلون تنزعيهة «بصياح » يلة بسرعة للسيارة كبل

زينب: «بعناد وعصبية » مو بكيفك و ماصعد وياك بنفس السيارة

محمد: « وهو يضغط على سنونة » تمشين لو هسة اكلبهة للزفة عزة على راسج «بصياح » يلة كبالي

زينب: اوي جونسينا يكلبهة عزة خا..

محمد: «بصوت عالي » يلة كبالي

زينب جفلت من صوت محمد العالي وعصبيتة شالت الطفل وطلعت تركض للسيارة ركبت بيهة

سارة: لج وين جنتي ليش تأخرتي