مِـظٌـلَوُمِـة وُ لَكَنٌ !!

part 37

: أّخَبِرهِ
ګلَمَأّتّګ مَقِيِّأَّّسګ ،،، لَأّ تّتّخَيِّلَ يِّوِمَأّ أّنِ تّصٌلَ أّلَحٌجِأّرةّ أّلَى مََّستّوِى أّلَزِّمَردِ

*********************************

زينب : مرت علية ايام صعبة يمكن يشوفهة البعض ايام عادية لان هواي ناس مرت عليهم ايام اصعب من الي مرت علية بس تخيلوا بنية بعمري جانت مدللة عند اهلهة تتعرض لاتهامات باطلة مالهة اي صحة بسبب حقد و كره و بعدين تروح ضرة على مرة و مـا يمر على زواجهة سنة يدخل زوجهة للسجن و يوكع على ركبتهة طفل صغير و مرة جبيرة بالعمر لازم تعتني بيهم ..

هنا اني ضطريت اقتل الطفلة الي بداخلي و لازم اعيش بتفكير وكل تصرف اتصرفة احسبله الف حساب لان لازم احذر من كلام الناس و كلام الناس ما يرحم ولازم اخلي راس اهلي مرفوع
اي غلطة تنتج مني اصير علج بحلك اليسوة و مايسوة ..

مرت سنة من دخول محمد للسجن و يسر كبر و عمتي صارت طريحة الفراش و رجليهة متكدر تمشي عليهة جان لازم اعتني بيهة مثل الطفل الصغير هنا تغير تفكيري الى لازم اعتني بعمتي لازم اربي يسر و ما اخلي يعتاز لاحد اما محمد بعد مرور السنة الكل أيس من خروجة من السجن الة اني جنت كلي امل و كل يوم ادعي الله برحمتة انقطعت عن صديقاتي و الدراسة شلتهة من راسي كل هم صار عمتي ويسر و دعائي لـ الله واناشدة برحمتة حاولوا اهلي مني ارجع اسكن يمهم بس ما كدر اترك عمتي لان ادري اذا راحت سكنت يم احد راح تحس نفسهة عال على الكل لمين نفسي و عمتي و بقيت ساكنة يم عمتي و من شغل محمد اصرف على البيت و خواني ما تركوني ابد ..

عمر : زينب

زينب: هاا خوية تفضل

عمر: اختي زينب اني جاي اخذ اذنج

زينب: حشة من شنو تاخذ اذني

عمر: اختي اني ماخذ على خاطرج سنة كاملة و أجلت زواجي بس يا اختي اني اريد اكمل حياتي

زينب :والله يا خوية ساعة المباركة الف مبروك فرحتلك من كل كلبي

عمر: خيتي اريدج واكفتلي بعرسي

زينب: تدلل خوية ، بينتلة انو اني فرحانة ماريدة ينغث من حركة مني ..

عمر : لبسي يسر سارة تريد يمهة تكول لعصر نرجعة

زينب: ايي هسة ، غيرت ليسر ملابسة و حطيتلة بجنطة صغيرة ممة و ملابس و حفاضات ، خلي دير بالهة علية وكل شوية خلي تتفحصهة خاف مسويهة على نفسة لان اذا بقة الحفاظة رطبة يتحسس و مو تخلي جوعان و كللهة مو كل شوية موكلتهة حلويات تصير بطنة سهال ..

عمر: ايي ايي ان شاء الله

زينب: مو تنسة و تجيبة مريض اشمرك من السطح

عمر: اي افتهمت ما انسة ، يالله باي سوي باي لماما

زينب: الله وياكم الله يحفضكم .. راحوا واني رجعت جوة اطمن على عمتي خاف محتاجة شي دخلت عليهة لكيتهة نايمة سديت الباب و كلت خلي اكعد اغسل الملابس ماعندي شي ستوني شغلت الغسالة جان تطفة الكهرباء طلعتهة وطلعت بالحديقة اغسلهن بأيدي حطيتهم ودغسل بيهن ..