مِـظٌـلَوُمِـة وُ لَكَنٌ !!

part 25

‏لم يعد بإمكاني تحديد من ماذا أتألم ،كأن كل تلك الأشياء المؤلمة هاجمتني في آنٍ واحد...!🖤

*********************************

محمد: اتفقت وية اهل زينب انو الاحد نعقد محكمة و الاثنين على الثلاثاء الحنة والعرس ، طلعنة من البيت وكعدت هية وامهة ورة وامي يمي الطريق امي و عمتي يحجن وهية ذابتهة سايلنت ماحجت اي شي وصلنة يم محل الذهب صديقي طلعلنة اشياء نازكة و راقية بعدين ملابس و شغلات كومة اشتروا ..

زينب: دخلنة لمحل الملابس مال عرايس عمتي صارت اطلع فساتين النوم وكلهة غطي وجهك فضيحة كلش خجلت بس الحمدالله محمد جان ما موجودة راح حتى يجيبلنة ماي حمدت ربي وشكرتة لان ما موجود جان عزة شكد عيب فضيحة مو طبيعية خلصنة وطلعنة جان محمد واكف خارج المحل وبيدة ابطالة مال ماي جايب ثلاثة اخذت اني واحد وامي واحد و عمتي واحد شربت منة شوية و دسدة جان ياخذة من ايدي ويشرب كلش خجلت كدام امي وعمتي شرب من نفس البطل الي اني شربت منة عرفت قصدة يخجلنة فدست على رجلة خليتة يصيح ..

محمد: اخخخ

ام محمد :خير يمة بيك شي

محمد: «يباوع على زينب »احم لا سلامتج ماكو شي

زينب: «وية نفسهة » حيل ، صارت الساعة 12 واخذنة محمد للمطعم حتى ناكل شي ونرجع نجهز لان بعدنة ما خلصنة چنة كاعدين ورن جهاز محمد اول مرة تجاهلة حطة صامت مرة الثانية انطا رفض مرة الثالثة اخذ جهازة وراح وكف بعيد عنة ورد ..

ام محمد: يمة زينب روحي صيحي جابوا الاكل

زينب: «بفرحة لان كتلهة الفضول تعرف منو الي تصل علية » تدللين يمة

راحت زينب على محمد وصارت واكفة ورا ..

محمد: شنو تردين الخاطر الله، يعني تتوقعين اني اكرهج يا بنت الناس اني ما اكرهج بالعكس احبج بس انتي راعي ضروفي خيرتيني بين خيارين ماكدر استغني عنهم ، خوش مثل ماتردين خليج على عنادج ترة تتندمين والله، اوك اذا ما اتزوج واكسر خشمج العالي واعلمج شنو العناد . غلق المكالمة اندار وشاف زينب واكفة ورا بس الدموع مالية عيونهة ..

زينب: «كوة كامشة نفسهة » جابوا الاكل تعال اكل قبل لا يبرد

راحت تمشي سريع وگعدت يم امهة ..

زينب: «وية نفسهة » ميحبني وراح يتزوجني بسبب مشاكل بينة وبين زوجتة شنو تتوقعين لعد زينب واحد مثل محمد يباوع عليج ليش انتي بشنو عندج حظ حتى يكعد حظج وية الزواج لا دراسة لا اهل وكل عقلج جنتي تتأملين يكعد بالزواج اتقبلي امر الواقع زينب انتي راح تكضين حياتج هيج بالشلعان الگلب ..

ام زينب: «بهمس » يمة بيج شي

زينب: تعبانة

ام زينب: مابقة بس كم شغلة ناخذهن ونرجع للبيت