مِـظٌـلَوُمِـة وُ لَكَنٌ !!

part 38

ﭑحبة لدرجة ﭑبكي علية سراً من ﭑلغيرۿ🖤.

*********************************

زينب: صادف يوم جمعة اخذني محمد لبيت اهلي حتى اجهز لعرس عمر وية اخواتي جانت الساعة تسعة الصبح لما دخلت البيت وجان هوسة مخبوص كلة عماتي و خالاتي و اوووو كومة كرايب المشكلة لزمني كلهن بوس شيخلصهن عشيرة بالخمسين شخص انوب لزمن يسر يبوسن وهو من شافهن يبوسن بي صار يبجي فـ كبل ذبنة علية لان ميعرفن يسكتنة 😂 ، اول ما لزمت يسر سكت انطيتة الامي وصعدت يم البنات اشوفهن شنو سون ..

ورود : لج زوبتي حبيبتي

زينب: «بخوف » اسم الله شكو شصاير شنو رايدة والله كلشي ماعندي

ورود: عذة اكلتيني و شربتيني شبيج 😒

زينب : والله يا ورود جفلتيني من شوكت صرتي تحبيني

ورود : هاا مادري ، المهم تذكرين الفستان الوردي الي شتريتي قبل الزواج بس مالبستي الي موجود بغرفتج بالخانة الثانية بالديلاب...

زينب: هااا اي اي تذكرتة ايي شنو قصتة؟

ورود : اريد البسة 😁

زينب: اكفي وانتي شدراج بالفستان الوردي الي شتريتة قبل الزواج و مالبستة الموجود بالخانة الثانية من الديلاب هااا

ورود: هاا هسة تقبلين ألبسة لو لا

زينب: لج وريدان داخلة غرفتي و لاعبة بغراضي « شالت الشبشب » هاا احجي

ورود: هااا بيج يا حبي يا عمري غير احنة صديقات و خوات 😅

زينب : صرت عمرج و حبج موو لان مصلحة

ورود: لج اشو انطيتج مجال طلع لسانج من هسة دكلج الفستان راح البسة ان قبلتي شكرا وان رفضتي طبج طب ميهمني ..

زينب : يا ادبسز

ورود: الله يا الله انوب علية زينب

زينب: خرب ستوج جنتي تتوسلين ، عافتني و راحت طلعت الفستان ..

ورود: بابا كل عقلج يعني لو كلتي لا متلبسي راح اتركة و ما البسة

زينب: اكيد لا لان راح تخمطي وتلبسينة

ورود: صح اللسانج 😂

نزلت زينب من يم البنات حتى تشوف يسر .. جان كاعد بحظن ام زينب و يباوع على الاطفال شلون يلعبون ..

زينب: يمة حبيب امة افيش بعد كلبي ..

ام زينب: يمة الي يشوفج يكول صارلج ساعات ما شايفتة وانتي عفتي بس ربع ساعة

زينب: يمة هذة قطعة من كلبي ماكدر اتخيل روحي بدونة ، شلتة بين ادية وبقيت ابوس بي وهو يضحك و مكيف و يناغي . دخل عمر اخذة من ايدي وبقة يلاعبة اخذة ومشة .. وين ماخذة