محمد: من يوم شفت زينب و اني اوضاعي متخربطة ماعرف شصارلي عيوني ادورهة بكل مكان علاقتي وية زوجتي صارت كلش باردة و كل مرة اباوع عليهة وكأني اشوف زينب حسيت بروحي وگعت وكعة اني مو كدهة صارت رجلية تاخذني لباب بيتهم و للمدرسة كل يوم اروح انتضرهة يم المدرسة واضل واكف بمكان بعيد ما انشاف حتى بس اشوف عيونهة صرت احس روحي حقير هذة مو من اخلاقي وكل مرة اكول بعد ما اسويهة رجلية تاخذني الهة قررت اشغل نفسي بأي شي حتى لو شغلات تافهة قررت اصحة اني رجال متزوج لازم التفت لعائلتي ولحياتي و زوجتي التصرف الي دسوي غلط ..
كعدت الصبح وطلعت لشغلي طبعا طريقي جان يمر من كدام بيته اخذت اول خطوة وغيرت طريقي لفير طريق مر الوقت واني اشغل نفسي بشغلي حتى ما افكر بيهة لدرجة شتغلت شغلات مالهة داعي
صارت الساعة 12:30 وقت حلتهة من المدرسة اخذني رجلية للسيارة بس صحيت على نفسي ورجعت صرت الوب كلبي يكلي روح وعقلي يمنعني صرت احجي وية نفسي: اهدة محمد اهدة شنو هل تفكير هذة انت رجال متزوج وتحب زوجتك وماكو غيرهة بگلبك.
بقيت على هاي الحالة لحد الساعة 1:00 كلت اكيد هسة وصلت للبيت لازم اضل كل يوم هيج امنع نفسي حتى انساهة وارجع نفسي محمد القديم ..
صارت الساعة 1:30 اتصل علية عمر ..
محمد: الووو هلا بالضلع
عمر: «بخنگة » محمد ابوية وگع
محمد: شننووووو شدتحجي انت
عمر: احنة هسة بالمستشفى
محمد: ثواني واني يمكم
********
عمر: طبعا من اجة علي وجايب زينب جان يحجي وشوفنة صور بس جنت واثق متسويهة اكيد اكو ان بالموضوع زينب تربات ايدي متضم علية شي متسويهة اختي حبيبتي روحي من الدنيا بس بنفس الوقت مادري ليش ما دافعت عنهة ..
ابوية بعد ما شاف الصور وكع ودينا للمستشفى وعرفنة وضعة كلش خطير جنت حاس روحي مخنوك ماعرف شسوي علي من جهة يتحلف لزينب بالموت وامي وخواتي من جهة ملخن نفسهن من البجي واجة عمي واولدة وعمو حيدر «ابو سارة » هم اجة صار المكان هوسة جنت محتاج شخص يسندني ماحسيت نفسي غير اتصلت على محمد .. دقايق واجني محمد يركض
محمد: عمر طمني عمي شلونة شلون صار
عمر: الحمدالله ماشي حالة
محمد: احجيلي شلون صار هيج منين طلعتلة هاي البارحة جانت العالم تحسدة واليوم وكع احجي شصار ..
عمر: والله يا خوية مشاكل بالبيت وصلتة لهل حالة
محمد: الله يشافي
عمر: شكرا. محمد اريدك تبقة گربي لتعوفتي انتة اخوية وسندي
محمد: اني ضهرك لتخاف
أنت تقرأ
مِـظٌـلَوُمِـة وُ لَكَنٌ !!
أدب المراهقينقصة باللهجة العراقية مأخوذة من احداث حقيقة مر بها الكثير من الاشخاص .. فتاة بعمر صغير تعاقب على اشياء لم تفعلها ولم تفكر في فعلها في حيتها تمر بعدة اتهامات باطلة فـ هل من منقذ سوف يحميها من هذة الاتهامات؟ ... لم يعد بإمكاني تحديد من ماذا أتألم ،كأن...
