سارة: مرحبا احمبائي اليوم راح احجيلكم شلون تعرفت على زينب، خلي ابدي قبل سنة يعني من جنة بصف الثالث متوسط جانن اكو بنات بالصف كوولش اكرهن ومن ضمنهن زينب وهية جانت تبادلني نفس الشعور بوكتهة جان عدنة درس شاغر وكعدنة بالصف لان المديرة مقبلت نطلع الساحة بسبب المشرفين الي جانوا يفترون بالمدرسة و وكفت علينة فد مدرسة حتى تراقبنة اني جنت كاعدة يم فد بنية وزينب كاعدة بالرحلة الي كدامي وتسولف وية صديقتهة جنت اني والبنية نحجي على الكوريين و تكول هذول الي عيونهم طابة ليجوة شلون تحبيهم واني كمت ادافع عنهم بس بشقة خاف تزعل مني جان اكتب على ايدي فد كلمة كورية كتلهة باعي حتى تعلمت شلون اكتب كوري طبعا اني جنت كلشي ماعرف باللغة الكورية فطبكت كم حرف كوري وصارن كلمة غريبة 😂 وخطية البنية تقشمرت عبالهة صدك وبهاي الحظة زينب اندارت علينة وباعت على ايدي وكالت اي صحيح ذني احرف كورية اني نصدمت و كلتلهة بأنفعال تعرفين. BTS كالت سامعة اغانيهم كتلهة و EXO كامت تضحك و كالت شلون ما اعرفهم اني كيفت حيل ونسيت كرهي الهة ضلينة كووووومة نسولف حتى المدرسة ضاجت ورزلتنة و صدفة جنة اني و زينب بنفس الخط «اي سيارة أجرة شهرية » لان المدرسة بعيدة عن المنطقة الساكنين بيهة وبسرعة كتبت رقمي على ورقة وانطيتهيا اني ستغربت من نفسي لان اني مو بسرعة اثق بأي ابنية بس زينب مادري شلون راسن وثقت بيهة وصرت احبهة هواي و يوم بعد يوم علاقتنة صارت اقوة وهية نست الكره و من صارت كلش قريبة مني كمت احجيلهة كل اسراري بدون ما انقص او ازيد وهية تسمعني وتنصحني و ترزلني في اكثر الاحيان لان مرات اتصرف تصرف متهور بدون ما احسبلة حساب بعدين عرفت زينب على صديقتي ايلاف و صرنة ثلاث صديقات اني وزينب و ايلاف بس علاقتي وية زينب اقوة من علاقتي وية ايلاف لان ابو زينب طلع صديق ابوية و صداقتهم كلش قوية عبالك اخوان مو اصدقاء وبعد فترة اني وايلاف تعاركنة لان حجيت على اخوهة وهية زعلت واني رحت سويتلهة حظر على الڤايبر وبعد ما احجي وياهة مع انو اني الغلطانة بس زينب مكدرت تضل ساكتة وكلشي متسوي فصارت تحاول تراضينة جنة نحجي على الڤايبر مراسلة ..
المراسلة ...
سارة : زينب احجي حبابة شسوي هسة؟
زينب: لج سارة انتي الغلطانة مو ايلاف
سارة: والله والقرآن اني كلش ندمانة بس هسة ميفيد الندم زينب اني احب ايلاف وماريدهة تكرهني
زينب: بس لحظة .. «ورة شوية زينب سوت كروب على الڤايبر بي بس اني وهية وايلاف وزينب كامت تحجي علينة وتحاول تصالحنة وايلاف اقتنعت »
ايلاف: زين هية ليش سوتلي حظر صحيح جنت معصبة بس هية الغلطانة و المفروض تجي تراضيني!
سارة: لج والله اني كلش خجلت من نفسي و معرفت شحجي وندمت على الي سويتة اسفة
ايلاف: يا ..... يلة ما صار شي وبعد لتعيديهة
سارة: مو يدلل الحلو
ايلاف: انوب كامت تتغزل
سارة: هههههههه يلة صفكة لزينب لان صالحتنة
ايلاف: اي اي صحيح لازم نصفكلهة
زينب: ههههه خجلتوني والله 😁 اهم شي تصاحبتن
ايلاف: اي كلللللللللللللوش
سارة : خبال 😂
يتبع ...
أنت تقرأ
مِـظٌـلَوُمِـة وُ لَكَنٌ !!
Teen Fictionقصة باللهجة العراقية مأخوذة من احداث حقيقة مر بها الكثير من الاشخاص .. فتاة بعمر صغير تعاقب على اشياء لم تفعلها ولم تفكر في فعلها في حيتها تمر بعدة اتهامات باطلة فـ هل من منقذ سوف يحميها من هذة الاتهامات؟ ... لم يعد بإمكاني تحديد من ماذا أتألم ،كأن...
