مِـظٌـلَوُمِـة وُ لَكَنٌ !!

part 5

زينب: انشووووف

عمر: دولي ولي عوبة

زينب: اذا اني عوبة انتة لعد شنو 😏

عمر: «بتقليد » انتة لعد شنو

زينب: اوي مضغوط اروح احجي وية صقيقاتي احسن

عمر: ديلة ولي من كدامي لو اطشر وجهج

زينب: عشتوا ميتة عليك

راحت زينب لغرفتهة وهية شايلة الاغراض دخلت و فتحت جهازهة وضلت تحجي وية ايلاف و سارة وحجتلهم على الي صار وياهة وبعدين عزمتهم و بالاخص سارة بأعتبارهة مثل اختهة وبعدين دزتلهم صور الغراض الي شترتهن و ضلن يحجن للـ 12 بالليل ، واجة الصبح والبيت صار هوسة وعمات زينب كلهن جني و بنات خالاتهه و كعدوا يجهزون البيت و طبعا اول وحدة جتي هي سارة بعد توسل طوووويل والحمدالله ابوهة وافق تبات يم زينب لان يعرفهم خوش ناس وعدة علاقة قوية وية ابو زينب ، وسارة جانت تساعدهم بتحضيرات والتنسيق لان ذوقهة حلوو وبعد ما تناقشوا الكل قرروا سارة هي الي ترتب الديكور مثلا «لون الورد وشكلة و شلون تكون الاضاءة و الاغاني الخ ... » اما البقية فتوزعة على الطبخ لان راح اتصير هوسة وينكلب البيت و مجموعة على التنضيف و طبعا جانت مهمة زينب تحود الجهال وتراقبهم حتى ميوصخون و كل شوية تجي على سارة ويسولفون ويحشون بالعالم، طبعا سارة تعرفت على كل كرايب زينب وحبتهم كلهم وهمة هم حبوهة بس ماعدا وحدة اسمهة «فرح » وسارة هم محبتهة، بدت سارة بتجهيز الورد و الورد الي جايبينة جام قليل ولونة اصفر فعبالك نشاز ، راحت سارة على ام زينب علمود الورد ..

سارة: عمة عمة!!

ام زينب: هاا عيوني شمحتاجة

سارة: بس علمود الورد شو محبيتة عبالك ميوالم لون تخم الصالة

ام زينب: والله يا عيني غير هذة ذوق همر كتلة مو حلو بس هوة معاند

سارة: هاا! لعد هسة شراح نسوي

ام زينب: لتخافين حبيبتي سهلة شو روحي صيحي عمر هسة هو بالحديقة

سارة: ماشي عمة

راحت سارة ركض للحديقة وجان تشوف فرح تحجي ويا وهي تضحك بس هو ما معبرهة المهم سارة راحت وكفت بين عمر و فرح وباعت على عمر وكامت تحجي وهي تلهث من ورة الركض ..

سارة: عـ ... عمر بس ... هاي شسمهة امك تريدك

عمر: خير يا ستار

سارة: يا خير هذة ادري هو هذا هم تعتبرة ذوق يعني اكو واحد يجيب ورد اصفر !

عمر: لا والله اصلا ماكو احلى من الاصفر ولو تنكلب الدنيا ما اغيرة

سارة: ايي واضح لان مثل لون وجهك يلة يلة كدامي بسرعة ماعدنة وكت

عمر: هي هي اعصابج بعدين اذا اريد اروح اروح لان اني ردت ومرة ثانية اكسر راسج اذا كمتي هيج تتأمرين علية

سارة: هوب هوب عيني جون سينا خوفتني

عمر: « تجاهل كلام سارة و حجة وية فرح » اني رايح اذا تحتاجين شي كوليلي

عافهن عمر ودخل للبيت سارة رادت تلحكة بس حست بأيد لزمتهة اندارت ولكتهة فرح وجانت تعابيرهة متبشر بخير ..

فرح: عيني على كيفج وية الولد الي يشوفج يكول حنة اخوج مو اخ زينب

سارة وخرت ايدهة من ايد فرح و ردت عليهة

سارة: والله يا كلبي مثل ما هو اخ زينب هو هم اخوية بعدين ليش هيج مضغوطة 😏

فرح: ههههههههه منو المضغوط .. باعي لزمي حدودج احسلج فاهمة؟ و عمر عوفي بحالة لان هو مناقصج

سارة: تهدديني؟

فرح: اعتبريهة مثل متردين واني من هسة حذرتج لوما خالتي ام عمر الغالية تعرفج و عدهة علاقة وياج جان هسة سحلتج من شعرج و طلعتج برة

سارة: شوفي حبي لتخليني اشوفج وجهي الثاني خليني محترمتج اوك كلبي ؟ لازم هسة اروح على عمر هه ..

تعمدت سارة تستفز فرح بأخر مقطع كالتة وفرح دمهة صار يغلي ووجهة لونة صار احمر ..

يتبع ..