مِـظٌـلَوُمِـة وُ لَكَنٌ !!

part 30

‏
↡   ҉
• سأععانقڪ ععُنـآق المئةه
• ععآم ععندمـا نلتقّـي ،♥💥

"""""""""""""""""""""""""""""""""""""""""""""""""""

زينب: محمد اخذني لاماكن كلش حلوة واخذنة كومة صور و شترالي جهاز «تلفون » وخط كلش فرحت طبعا اي شي يعجبني يشتري الي وشترة هداية لامة و ديمة ، رجعنة الساعة 10 بالليل للفندق ونمنة حتى ثاني يوم نطلع من الصبح للبيت كعدت الساعة 5 الفجر جان محمد كاعد و ديرتب الغراض بالجنطة ..

محمد: صباحوو

زينب: صباحوو ليش ما كعدتني اني ارتب الغراض بالجنطة

محمد: اني او انتي ماكو فرق

كامت زينب و دخلت الحمام تغسل وتجهز روحهة لان بـ 6 يطلعون ..

*********************************

سارة:الليل كلة ما نمت من التفكير شلون راح اكمل حياتي وية عمر راح يحبني واحبة لو راح اواجه مشاكل وفرح معقولة راح تبقة ساكتة زين ليش عمر راد يستر علية هوة شنو خصة لازم اعرف اوف راح اتخبل من التفكير.. نمت و ماحسيت غير على صوت امي ..

ام سارة: اكعد الساعة بالتسعة شوكت تلحكين تجهزين نفسج

سارة: اممم خليني انام بعد شوية دقيقة واكوم

ام سارة: ماكوو كومي يلة

سارة: اوك هسة اكوم

ام سارة: موو ترجعين تنامين ترة ما ضل وقت

سارة: اممم

راحت ام سارة ودخلن خوات يركصن ويكمزن ..

سارة: اريد انهمد اطلعن بررررررة

اخت سارة : لج يا نوم اكعدي ترة اصيح ماما

سارة: كعدت كعدت
------------------------------------------------

زينب: رجعنة وجانت ديمة رايحة لبيت اهلهة وعمتي وحدهة بالبيت ..

محمد: يمة وين ديمة؟

ام محمد: والله يمة من رحت وراك اجة اخوهة اخذهة

محمد: وانتي بقيتي وحدج بالبيت

ام محمد: لا خطية سحر « بنت عم محمد » جتي بقت يمي

سحر: الحمدالله على السلامة

محمد و زينب: الله يسلمج

ام محمد: اي حبيبتي زوبة شلونهة السفرة

زينب: «راحت على ام محمد ولزمتهة من ايدهة» جانت تخبل وكلش فكتج هناك مرة ثانية تجين ويانة

ام محمد: ان شاء الله بنيتي اهم شي انتي تونستي

زينب: يمة جبتلج كومة شغلات تعالي خلي اشوفهن الج

ام محمد: ههههه على كيفج

اخذت زينب ام محمد للغرفة وصارت تتفتح بالجنط وطلع الهداية .. اما سحر ومحمد بقو واكفين بالصالة ..