• كآن حديثي مع آلله مختصراً للغآية بسيطاً جداً و سهلاً !
- كيف كآن ؟!
• آبتدأتُ حديثـي بـآلدموع و آنتهيتُ بـآلدموع لكنـه علمَ مَـآ قصدت 💚
*********************************
زينب: كعدت الساعة 5 الفجر فرشت السجادة وكعدة اصلي وادعي الله بقيت ادعي الله بالفرج و يعمنة برحمتة بقيت ادعي وابجي اناجي برحمتة ماحسيت غير عمتي تكعدني ..
ام محمد: يمة اكعدي اكعدي اكلي شي و حظري نفسج
زينب : ان شاء الله يمة ،كمت جهزت نفسي وأكلت لكمة قررت اتصل على ديمة اجوز تريد تشوف محمد و طمنة على يسر تصلت محد يرد رجعت اتصلت انطتني مشغول بعثتلهة رسالة وماردت الي علية سويتة حتى متعتب علية بعدين اجة علي ورحنة وياا ..
المحامي: اختي الفلوس لاتخليهم بالجنطة شيليهن بأيدج
زينب: بس شلون اكيد راح يحتاج فلوس
المحامي: ايي بس اذا خليتيهم بالجنطة ميصلن محمد ياخذوهن الشرطة من تقابلي انطيهيا بالخفية حتى محد يشوفن لان اذا شافوهن ياخذوهن منة
زينب: ماشي شكرا خوية لان نبهتني
المحامي: واجبي اختي يلة انتو انتضروني هنا اجيب تصريح دخول واجي
علي : ماشي
زينب: راح المحامي و جاب تصريح طبعا الزيارة بس للنساء الرجال ممنوع دخلنة اني وعمتي لغرفة وبقينة ننتظر جابوا محمد اول ما شافنة اجة يركض جان بيناتنة حاجز والغرفة بيهة اكثر من شخص مو بس احنة جان المكان يخوف لزم محمد ايد عمتي وبقة يبوس بيهة اما اني باسني من راسي ولازم ايدي .. محمد شلونك
محمد: مشتاقلجن وبالي مشغول عليجن
ام محمد: يمة وليدي ضعفان و وجهك تلفان
محمد: يمة هوة هذة السجن شنو تتوقعين اسمن واصير دب
زينب: هههههه كلشي مانريد بس سلامتك
محمد: زوبتي ليش هيج تلفانة يا عيون محمد و روحة ضعفانة و وجهج تلفان
ام محمد: يمة شكد ما تحرك بروحهة عليك والله يا يمة انشلعت كلوبنة
محمد: لا يمة اريدجن قويات زيتونتي اريدج ترجعين ذيج زوبة الوكحة المدبدبة لا تحركين بدمج علية اروحلج فدوة وانتي يمة ديري بالج على نفسج واهتمي بصحتج اذا مو علمودج علمودي باوعي على نفسج شلون ضعفانة و تلفان ..
ام محمد: ان شاء الله يمة انت هم دير بالك على نفسك
محمد: ان شاء الله يمة ابني شلونة
ام محمد: يمة بخير لتخاف علية
محمد: يمة الزيارة الثانية للعوائل جيبي وياج مشتاقلة
ام محمد: ان شاء الله يمة
محمد: زينب حبيبتي ساكتة
زينب: خليني دكحل عيوني بشوفتك 😢
أنت تقرأ
مِـظٌـلَوُمِـة وُ لَكَنٌ !!
Teen Fictionقصة باللهجة العراقية مأخوذة من احداث حقيقة مر بها الكثير من الاشخاص .. فتاة بعمر صغير تعاقب على اشياء لم تفعلها ولم تفكر في فعلها في حيتها تمر بعدة اتهامات باطلة فـ هل من منقذ سوف يحميها من هذة الاتهامات؟ ... لم يعد بإمكاني تحديد من ماذا أتألم ،كأن...
