مِـظٌـلَوُمِـة وُ لَكَنٌ !!

part 34

زينب: عصبية محمد وتصرفات تسوء يوم عن يوم كل يوم يتعارك وية امة بسبب اسلوبة وتصرفاتة واهمالة بعد نقاش طويل بينهم عافهة محمد وطلع من البيت و عمتي ورة العركة الي بينهم تمرضت ونامت بالفراش واني ماكدر اسوي شي اخاف اتقرب من محمد لان بكلشي صار بالصراخ والرزايل عندة وعلى ابسط غلط يرزلني ويصرخ علية اني ابقة ساكتة بعد ما يخلص ادخل غرفتي واضل ابجي وحتى تجيني افكار انو هوة كرهني وميحبني بس تصرفاتة غريبة وياي من يشوفني ابجي يتخبل يضل يهدي و يعتذر مجرد ما اهدة يرجع عصبي تعبني تصرفاتة كلش تعبتني بس عمتي جانت تصبرني علية ..

جنة كاعدين على الغدة نتغدة ورن جهاز محمد ترك محمد الغدة وطلع يركض من البيت بدون اي كلمة واني كلش خفت لا صاير ويا شي اتصل علية ينطيني مشغول تخبلت الخوف سكني وافكار تجيني وتوديني ..

صار الليل و محمد ماكو گلبي صار نار بقيت انتظر الليل كلة بس ماكو مارجع كعدة الصبح و محمد ما راجع للبيت اتصل علية مشغول سمعت اصوات نزلت جانت عمتي واكفة وبيدهة طفل صغير ..

ام محمد: يمة تعالي شوفي هذة ابن روحي ابن محمد

زينب: تقربت علية جان يشبه محمد هواي شلتة و بوستة وصرت الاعبة اجة محمد مبتسم وكف كدامي ..

محمد: يوم الالج

زينب: ان شاء الله ، جنة واكفين نلاعب يسر اسم غريب مو بس محمد عاجبة وسما يسر ، سمعت صوت ديمة تنده لمحمد محمد اخذ يسر من ايدي ودخله لغرفة ديمة وبعد ما طلع منهة ، صار الليل انتظرتة وماكو ايست من جيتة ونمت ..

كعدة الصبح نزلت شفت محمد و ديمة كاعدين يتريكون و محمد يأكل ديمة بيدة ، دخلت كتلهم صباح الخير بس ما نتبهوا علية انقهرت و دمعت عيني خلصوا اكل وكاموا وعافوا المائدة على حالهة .

حتى عمتي صارت تحجي وتنك على كلشي اذا لكت كلاص واحد ما مغسول تضل تحجي علية وديمة كلشي متسوي تطلع من غرفتهة على كد الوجبة وترجعلهة مدرستي كل ما اجيب سيرتهة محمد يعصب بقيت على هاي حال ايام وحالتي حالة احجي وية صديقاتي يحاولن يصبرني وامي احجيلهة تكوم تبجي على حالي ...

بيوم كعدت نشيطة بشكل مو طبيعي وقررت الزم البيت كلة انضفة حتى اشغل نفسي لان تجاهل محمد الي عذاب لبست لبس خفيف مع انو الجوا بوكتهة بارد بس الشمس عالية دخلت المطبخ كلة سيراميك لزمتة كلة جلف من فوك ليجوة جريت الطباخ حتى اغسل الي ورا جان كلة وصخ عبالك صارلة سنوات محد محركة من مكانة كنستة جان اشوف بين الوصخ خرزة شكلهة مرعب على شكل راس وبي وجه بس شكل الوجه يخوف شكلهة عجيب شلتهة وحطيتهة بجيبي وكملت تنضيف خلصت غسل سيراميك المطبخ و رجعت الكاونتر و الطباخ لاماكنهن فتحت فرن الطباخ وهم لزمتة كلة جلف لان بي دهن رجعت غراضة و نداريت على الكاونتر هم لزمتة جلف و رتبت بي الغراض كمت ورحت للستقبال « غرفة الخطار » طلعت كل الفراش منهة جبت المكنسة الكهربائية شغلتهة ونضهت التخم من الاتربة و مسحت الصور المعلقة بالحايط و الاخشاب جان اكو شجرة بالزوية سحبتهة دنضفهة من الاتربة جان اشوف نفس الخرزة الي لكيتهة بالمطبخ تعجبت نفسهة بالضبط مديت ايدي لجيبي الخرزة ماكو بجيبي كلت اجوز وكعت واني اشتغل وسحبتهة المكنسة من اخلص الطلعهة من الكيس مال مكنسة شلت الخرزة الي لكيتهة وحطيتهة بجيبي بس هل مرة الجيب بي سحاب سديت السحاب وكملت تنضيف صعدت لغرفتي انظف بيهة كلبت الفراش كلة طلعتة بالصالة صرت انضف بيهة ما جان بيهة هواي اتربة لان كل يومية انظفهة جبت الماسحه حتى امسح الي جوة السرير سحبت الماسحة جان تطلع هم نفس الخرزة طلعت من جوة السرير بقيت صافنة هاي شنو هم اكو وحدة هنا مديت ايدي على جيبي جيبي مفتوح والخرزة ما موجودة اني هنا صرت اخاف اني متأكدة سديت السحاب و بعد ما فتحتة شلون مفتوح بس استغفرت الله و تعوذت من الشيطان هم شلت الخرزة بس هل مرة جنت لابسة زنجيل رفيع دخلتهة بي ولبستهة لان الحقيقة صرت افكر الخرزة تمشي لان مستحيل توكع وارجع الكيهة بأماكن مو معقولة كملت تنضيف غرفتي و رحت لغير غرفة وهم نفس الحالة لزمته كلهة تنضيف و مسح جان اكو ميز قرائة موجود بالغرفة سحبتة حتى امسح الي ورا شفت الخرزة و الزنجيل مجلب بيهة من شفتهة جفلت مديت ايدي على ركبتي الزنجيل ماكو شلت الخرزة وطلعت من الغرفة شلت جهازي وتصلت على امي تجيني سريع لان هل شي مو طبيعي الي ديصير امي خطية جتي على السريع بتكسي ..