مِـظٌـلَوُمِـة وُ لَكَنٌ !!

part 23

عمر: بعد ما حجة ابوية وية عمي حيدر خفت لا سارة ترفض فتحت جهاز زينب و دزيتلهة رسالة..

المرسلة: -

عمر: مرحبا سارة

سارة: اهلا زوبة شلونج هسة بعدج متوترة؟

عمر: سارة اني عمر واريد احجي وياج كلمتين على السريع

سارة: شتريد اذا بخصوص الخطبة فـ مستحيل اقبل بيك

عمر: تقبلين وغصب فوك ما استر عليج متقبلين

سارة: شنووو شدتحجي انتة يا ستر هذة؟

عمر: هذة جواد العار عندة صورج .... «حجالهة كلشي بدون ذكر زينب »

سارة: شنوووو عزة العزاني هذة منين جاب صوري

عمر: شوفي سارة اني رايدج بالحلال واريد استر عليج فكري وانطيني قرارج

سارة: مادري افكر

عمر: اخذي راحتج يلة اني اترخص

سارة: خمة اكو احد غيرك يدري بهل شي

عمر: لا ماكو احد لتخافين بس انتي فكري زين

سارة: ان شاء الله

انتهت المحادثة وصارت سارة تبجي على حظها بينما سارة تفكر خلي نروح لزينب ..

زينب: جنت كاعدة بالغرفة ودخل بابا علية .. بابا فدوة ماريد اتزوج ابوس رجلك لتزوجني

ابو زينب: «بقهر » بنيتي ارضي بقسمتج الي سويتي مو قليل جنت شايل همج بعد موتي من يشيلج يعينج اذا بقيتي كاعدة خوانج ما راح يزوجوج حتى لو جنتوا من نفس البطن ميثقون بيج راح يضلن نسوانهم يعيرنج اتزوجي وشيلي زوجج و خلفي اطفال يشيلوج بكبرتج و صيري بنية مطيعة لتجيبيلي المسبة بيوم اريد اموت والعالم تترحملي مو تسبني واني بكبري اكسبي زوجج و خلي يحبج ..

زينب: بابا بس اني ما مسوية شي ليش تزوجني ماريد اتزوج

ابو زينب: اسمعي بنيتي اقبلي بالي كاتبة الله ترة انتي مو هينة علية وتدرين شكد اعزج واحبج لتكسرين ضهري بهذة العمر

زينب: حاضر بابا .. طلع بابا من يمي قهرني حجية كلش ، بنظر الكل اني مذنبة قررت اقبل بقسمتي و اتزوج محمد اجوز صدك يحبني بس لازم اعرف منو جان السبب بكل هذة

**********

ثاني يوم الصبح ..

زينب: قررت ارجع قوية مثل قبل واكثر كمت دخلت الحمام اخذت شاور و حضرت نفسي طلعت من غرفتي نزلت لكيت امي بالمطبخ تجهز الريوك و هديل كاعدة تلعب بفونهة ..

ام زينب: يمة هلة بيج طلعت الشمس علينة اليوم بنزلتج

زينب: 😊 يمة شو انتي الي تجهزين الريوك

ام زينب: لعد منو غيري يسوي

زينب: والخاتون العندج شنو شغلهة شكو متزوجهة علي