اخذ محمد زينب للبيت نزلت زينب بعصبية ودخلت للبيت ومحمد وكف بالباب ..
زينب: «لعصبية » هذة اليوم لازم تحطولة حد لو اني لو هوة
ام زينب: لج منوو
زينب: هذة الي اسمة محمد اليوم فضحني بالشارع
ام زينب: عزة لج شسوالج
زينب: بكل عين صلفة لزمني من ايدي وسحبني كدام العالم وركبني بسيارتة
ام زينب: صخام عزة هذة زودهة صحيح احنة انحبة و معتبري منة وبينة بس مو يسوي هيج واسكتلة جيبي التلفون اتصلي على ابوج خلي يجي هوة يأدبة
اتصلت ام زينب على الوالد طبعا الوالد عصب وجة مثل الصاروخ هوة وعلي و علي اتصل على عمر وعمر اشتعل بنار عاف الدوام ورجع للبيت ..
ابو زينب: ابني محمد ادخل جوة هاي شنو مسوي
محمد: عمي تامر ادخل واكلك ليش سويت هيج
دخلوا للاستقبال وكعدوا يحجون ..
ابو زينب: ابني الشغلة الي سويتهة غلط مال تلزم بنتي من ايدهة وتجرهة كدام العالم اني ماسكت عنهة ولو واحد غيرك اسويهة دماية بس انتة مثل ابني وكلت اسمع منك قبل ما اسوي تصرف غلط
محمد: حشاك من الغلط عمي وحقك بما انو انتة كلت اني مثل ابنك فشرفك هوة شرفي وماكدر اشوف شي يمس شرفي واضل ساكت ..
علي: ليش شنو الي صارة احجي لتحرك بأعصابنة
محمد: اسمع عمي بنتكم بعد متروح وية هذة الولد لان هل ولد مو راحة واليوم شفتة يباوع لبنتكم نظرات معجبتني ومو راحة واي شخص يشوفة شلون يباوعلهة يكول بينهم شي واني ادري بنتكم بنية مؤدبة وخلوقة وماعدهه هيج سوالف ماحسيت نفسي غير كاعد فوك الولد واضرب بي و اعرف لزمتي لايد بنتكم غلط واعترف بغلطي بس اني سويت هل شي بلا وعي اعتذر ..
ابو زينب: كفوا منك ابني سويت الزين وهل ولد حسابة عندي اني راح اعرف شلون اتصرف وياا
محمد: عمي لحد ما تلكي خط زين وتأمن بي بنتكم من مسؤليتي اني اوديهة واجيبهة
ابو زينب: تسلم وليدي ما تقصر بس اخوهة علي يوديهة ويجيبهة بعد ماسويلهة خط لان الدنية مو امان وقليلين الي تكدر تثق بيهم
محمد: صح كلامك عمي لعد اني اترخص
ابو زينب : هلا بيك وليدي
راح محمد ودخلت زينب عليهم ..
زينب: هلووو شو كلشي ما سويتولة حتى رزالة مارزلتوا
علي: انتي انجبي ماسمع منج حرف واحد فتهمتي
زينب: ليش عيني ليش شمسوية
ابو زينب: من شوكت هل قليل الادب يتصرف هيج تصرف «يفصد ابو الخط »
زينب: تقريبا من بداية الدوام
أنت تقرأ
مِـظٌـلَوُمِـة وُ لَكَنٌ !!
أدب المراهقينقصة باللهجة العراقية مأخوذة من احداث حقيقة مر بها الكثير من الاشخاص .. فتاة بعمر صغير تعاقب على اشياء لم تفعلها ولم تفكر في فعلها في حيتها تمر بعدة اتهامات باطلة فـ هل من منقذ سوف يحميها من هذة الاتهامات؟ ... لم يعد بإمكاني تحديد من ماذا أتألم ،كأن...
