ثاني يوم الصبح .. ساعة 8
زينب: كعدت جنت وحدي بالغرفة سترجعت ذاكرتي وتذكرت محمد سألني عن شخص اسمة جواد، منو جواد وليش سألني علية
كامت زينب و دخلت للحمام اخذت شاور لبست ملابس مريحة وخفيفة كعدت تنتضر رجوع محمد دقائق ودخل محمد ..
محمد :صباح الخير
زينب: صباح النور
محمد: اطلبلج ريوك لو ننزل نتريك جوة
زينب: لا ننزل احسن
محمد :اوكي يلة غيري ملابسج وجهزي نفسج حتى ننزل
زينب: اوك
غيرت زينب ملابسهة ولبست بنطرون جنز مع بلوزة لون فستقي و سترة بدون اكمام جنز وشال لون فستقي ..
زينب: خلصت
محمد: اووو حلوو
زينب: شكرا 😶
محمد: يلة ننزل
زينب: ايي
نزل كل من محمد وزينب للمطعم طلبوا اكل ، بعد ما خلصوا اكل طلعوا يتمشون بالحديقة العامة ..
زينب: محمد
محمد: عيونة
زينب: منو جواد؟
محمد: شنوو؟
زينب :البارحة سألتني عن واحد اسمة جواد منو هذة؟
محمد: انتي صدك متعرفينة
زينب: لا سامعة بشخص اسمة جواد قبل بس ماعرفة
محمد : راح اجاوبج بس بشرط
زينب: شنو الشرط
محمد :البارحة حجيتي كلام ما مفهوم اريدج تحجيلي كلشي بالضبط
زينب: مثل شنو كلام ما مفهوم؟
محمد: كلتي اتهمتوني اتهامات باطلة اريد اعرف كلشي
زينب: «بتوتر » اوك
محمد: تعالي نكعد واحجيلج منو جواد وليش سألتج علية
زينب: اوك
كعدوا محمد و زينب و بدة محمد يحجيلهة على جواد و شنو كلة و شوفة الصور ..
زينب: «بصدمة » صو صوري عندة
محمد: ايي بس اخذت منة الجهاز
زينب: بس بس اني ماعرفة و مادازة صوري لاحد منين جابهم
محمد: مادري تأكدي منو يمتلك صورج غيرج
زينب: محد بس صديقاتي واني متاكدة منهم مستحيل يسون هيج شي بية
محمد: لعد شلون صورج صارن عندة
زينب: مادري بس هسة شلون محمد خاف يسوي بيهن شي شنو الحل
محمد: خلي يسوي الي يريدة بيهن ميهمني بما انو انتي زوجتي حلالي
أنت تقرأ
مِـظٌـلَوُمِـة وُ لَكَنٌ !!
أدب المراهقينقصة باللهجة العراقية مأخوذة من احداث حقيقة مر بها الكثير من الاشخاص .. فتاة بعمر صغير تعاقب على اشياء لم تفعلها ولم تفكر في فعلها في حيتها تمر بعدة اتهامات باطلة فـ هل من منقذ سوف يحميها من هذة الاتهامات؟ ... لم يعد بإمكاني تحديد من ماذا أتألم ،كأن...
