مِـظٌـلَوُمِـة وُ لَكَنٌ !!

part 32

السعادة لا تعني أنك لا تبكي أو تحزن !إنما السعادة أن تملك الرضا على كل أقدارك ، وتعيشها حامِداً شاكراً مُبتسماً.

*********************************

بعد ما خلص عمر حجي وية سارة عرف انو هوة غلط بحق زينب هواي بدون اي تفكير جان لازم يستمع لحجيهة و تبريرهة بدون اي تسرع ..

*********

زينب: بعد ما حجيت وية رقية قررت اسوي مثل ما كلتلي بس كعدت افكر وية نفسي هذة هوة شعور الحب لو هذة شعور تقبل الواقع جنت اسمع البنات شلون يحجن على الحب و انو هوة احساس حلو ليش ما دحسن نفس ما جانن يكولن معقولة ما احب محمد لو احبة هوة الوحيد الي سمع الي اريد اكولة وتفهم كلشي وحتى بعد ماذكرة كدامي بس اني معقولة احبة لو بس ارتاحلة ضليت افكر بهل شي لحد ما غفيت ورة شوية حسيت بي جرني لحظنة ونام حسيت بدفوا بحظنة وراحة نمت واني بحظنة جان حساس مريح ... كعدة ثاني يوم و باجر السبعة مالتي غسلت و نزلت لكيت سحر مجهزة الريوك كلت لنفسي هاي شوكت تروح لاهلهة اوي شعلية عسة باقية هنا طول العمر شعلية جان محمد كاعد يلعب بجهازة وهية تنقل المواعين من المطبخ للمائدة و تحاول تباوع لجهاز محمد تريد تعرف شنو يسوي رحت كعدت يم محمد .. شنو تسوي

محمد: انتظرج 😊

زينب: امممم ويامن دتحجي من الصبح

محمد: دباوع بصورة حبيبتي انتي شكو

سحر: اول ما كال حبيبتي وكع الكلاص من ايدي

محمد: الله على كيفج

سحر: اسفة

زينب: حبيبتك 😒

محمد: ايي

اخذت زينب الجهاز من ايد محمد ..

زينب: «بغضب »حبيبتك مو اني اعلمك وهيج تكولهة بوجهي بدون مستحة

محمد: هاي شبيج عصبتي حبيبتي

زينب: خلي اشوف هاي المسعدة مني بعدين نتفاهم وراهة توديني لبيت اهلي مابقة دقيقة هنا انـ... شافت الصورة جانت صورتهة بكفشتهة من عرس علي . باوعت علية بصدمة

محمد: بعدج تردين ترحين لبيت اهلج

زينب: «بخجل » هااا امسحهة طالعة ماحلوة

محمد: هههههههه ما امسحهة اني عاجبتني اصلا انتي حلوة بكل حالاتج

زينب: « ميتة خجل » هاااا

طلعت زينب من المطبخ ميتة خجل ومحمد يضحك عليهة اما سحر فجانت عيونهة تجدح نار من الغيرة ..

زينب: اهدي زينب اهدي عزة كلبي ليش هيج يدك على السريع .. باوعت على روحهة بالمراية وجهة احمر ..