مِـظٌـلَوُمِـة وُ لَكَنٌ !!

part14

ورة شوية دخلت للغرفة مال استبرق مرية لابسة اسود و مبوشه ...

ام زينب . العفوا عيني بس منو انتي ؟

المرة .اششش ولا كلمة اني دزوني حتى اخذ هاي الحلوة وياي ( تأشر على استبرق )

ام زينب . *بخوف * بس منو انتي ؟

المرة . اني جيت من مكان بعيد و مارجع وايدي فارغة واخذ الي اريدة وياي بدون ما احد يمنعني

استبرق . *بخوف* ماما طلعيهة برة ماريد اروح وياهة

ام زينب . يبدوا انو انتي غلطانة بالعنوان

المرة . لا ما غلطانة اليوم يومج يا استبرق يلة كومي وياي لا تجبريني اسوي شي مو زين

استبرق . *بخوف* بس خلي البس حجابي ..

طلعت استبرق وية المرة جان تلكي نسوان اثنين هم لابسات نفس الملابس استبرق خافت وصارت تبجي ...

استبرق: هذني منو؟ !

المرة: هذني اجني وياي حتى ناخذج ونروح للكبر

استبرق: «بخوف » ماما لتخليهن ياخذني

سلمى: هههههههههه 😂 اسفة بس بعد ما اتحمل 😂😂😂

ام زينب:  لج شكو ليش تضحكين؟

سلمى: ماما معقولة ماعرفتيهة 😂 هاي زينب الخبلة 😂

زينب:  😂😂 ها شلوني؟

ام زينب : لعد هذني الي وياج منو

زينب: ورود و ايلاف

ام زينب : لج خبلة والله وكفتي گلبي

زينب :«تقلد استبرق » ماما لتخليهن ياخذني، والله شكلج يضحك

استبرق: يا حقيرة اني الج

نزعت استيرق الشبشب وصارت تركض ورة زينب اما ورود و ايلاف اترزلن رزالة غسل ولبس من ام زينب لان ساعدن زينب بخبالاتهة..

بينما جانت زينب تركض فجأة الطخت بشخص طويل ..

زينب: عمة متشوف

.....: عفوا اني الاعمة لو انتي

زينب: طبعا انتة

......: احم احم بعدين شنو تسوين بالحديقة وهي كلهة شباب ما تستحين

زينب: وانت منو حتى حضرت جنابك تحجي بعدين البيت بيتي اني اخت علي وشريد اسوي اسوي وين ما اريد اروح اروح محد يحجي وياي انتة منو وشنو اتسوي بيتنة؟

.....:اي على كيفج اني محمد صديق علي و عمر جيت اساعدكم بالتجهيزات

زينب: اي ستاذ محمد خلي نشوف عرض كتافك و شلون تشتغل

دخل عامر للبيت وشاف زينب ..

عامر: لج زينب شنو دسوين هنا طبي جوة

زينب: بكيفي وانتة شعليك

عامر: لج زينب ادخلي عيب فضحتينة ادخلي لو اكسر راسج

زينب: هوب هوب جونسينا لطلع عظلاتك علية بعدين بصفتك منو تحاسبني ابوية اخوية اشو ما ادخل وبكيفي

عامر: لج زييييينب لدوخيني وادخلي

زينب: خاب دطير ادوخك عيني سندس على كيفك وياية بعدين جبت النوتيلا

عامر: اي جبتهة يلة اخذيهة وادخلي

زينب: مو بكيفك اشو ما ادخل انتة شعليك

محمد: يلة زوبة صيري حبابة وادخلي جوة عيب منا الحديقة كلهة شباب غربة

زينب: زوبة بعينك ليش اني مرتك حتى ادلعني بس ماشي راح ادخل لخاطرك لان حجيت وياي بأدب، يلة انتة جيب النوتيلا

اخذت زينب النوتيلا ودخلت جوة ...

محمد: الله يساعدكم عليهة شلون اللسان

عامر: ايي لسانهة طويل واكبر واحد تراددة بس كلبه طيب و متزعل على احد

عمر : عليمن تحجون؟

عامر: على خبلتكم

عمر: خير بس لا مسوية مصيبة ثانية

محمد: عمي الله يعينكم على لسانهة اطول منهة

عمر: لك والله شالعة كلوبنة بس المشكلة ابوية منطيهة الحرية الكاملة ابد ميكللهة لا كلة تدللين مطلع عينهة

اما زينب دخلت للبيت وراحت تركض على سارة.

زينب: سارة سارة شوفي شنو عندي

سارة: نوتيلا 😍😍

زينب: اليوم ورة العرس نسهر عليهة

سارة: طبعا 😍 هاي اذا بقت عندج ما اكلتيهة ورة شوية 😑

زينب: لا لتخافين ما اكلهة راح اضمهة 😅

سارة: ياااا صحيح اليوم بابا راح يجي ياخذني ورة العرس يعني ماكدر اكل نوتيلا وياج 😭

زينب: لتخافين حمبي مجهزة كلشي بس يجي بابا راح اخلي يحجي وية عمو حيدر حتى تبقين اليوم وباجر عود ترحين

سارة: فديتج 😘😍 ، زينب

زينب: هااا!

سارة: والله اسفة والله مو اني هوة الي تقرب علية

زينب: عاتي عاتي اصلا ادري كلشي بعدين اني متأكدة عمر و فرح مستحيل يكملون سوة

سارة: شلون ؟ وشدراج!

زينب: اخوية واعرفة بعدين كلشي واضح من تصرفاتة لان كلش بارد وياهة وكل شوية ياخذلة صفنة ..

سارة: 😮😮

يتبع ...