حب ناري

الحلقة الثانية

الحلقة الثانية

نظر له (مازن) وهو لا يصدق

-بجد بجد يا (أمين) انا مش مصدق اللى بسمعه ٠٠

-بجد إن شاء الله انت عرفت متأخر انه هو كان السبب واحنا كنا بنحاول ندور عليه طول السنتين دول بس لسه جيلى تليفون من المطار ان اسمه محجوز ع اول الشهر كلها 3 ايام ويشرف هنا البيه كان مسافر بحرى لأيطاليا ومن إيطاليا سافر لأمريكا واحنا كنا بندور عليه جوى

ابتسم (مازن)

-تمام ··· ده شئ جميل جدا

****************

كانت (ناريمان) تتناول طعامها مع (حورية) فنظرت لها (حورية) بمكر

-مين قدك يا عم هترجعى مصر زى مانتى عاوزة

-يعنى انتى مش عاوزة ؟

عوجت (حورية) فمها

-انا مش فارق معايا ··· بس اهم حاجة انتى فى سن جواز وممكن تتعرفى ع شباب كتير هناك هنا صعب تتعرفى ع شباب عشان نادرا لو لاقيتى مسلم بس فى مصر هتلاقى كتير

-عيب الكلام ده يا (حورية) وبعدين انا مبفكرش فى الجواز ٠٠

-ليه يعنى ؟! عندك 25 سنة وجميلة وامورة ومؤدبة اى واحد يتمناكى

-انا لسه عاوزة اشتغل يا (حورية)

تنهدت (حورية) وعوجت فمها فى ضيق

-يا بنتى اللى قدك اتجوزوا وخلفوا

-انتى ايه بقيتى عاملة زى خالتى اللاتاتة كده ليه ؟!

ابتسمت (حورية)

-طب ده انا نفسى اتجوز وارتاح منك انتى ومن (معتز)

-انتى بتفكرى فى الجواز يا نص سم انتى ٠٠ اسكتى يا (حورية) انا معرفش بابا وماما مدلعينك اووووى

-متغاظة عشان انا متدلعة وانتى ﻷ ٠٠

هزت (ناريمان) رأسها بإستخفاف

-مش هتتغيرى

ابتسمت (حورية) وظلت تتناول طعامها

***************

بينما كانت (تغريد) فى الجامعة تنتظر مجئ (مازن) لاحظ (عمر) وجودها فجاء خلفها وتحدث

-اخوكى بقى يتأخر اوووى

شعرت (تغريد) بالخوف وظلت تنظر حولها خوفا من ان يراها (مازن) مرة اخرى فلم تجده فنظرت مرة اخرى ل (عمر )

-بص بقى اخويا لو جاه وشافنى معاك مش هيحصل كويس بجد وارجوك متجيش تكلمنى فى ميعاد وصوله

ابتسم (عمر) بخبث

-يعنى اى وقت غير ميعاد وصوله اكلمك عادى ؟

شعرت (تغريد) بالاحراج ووضعت شعرها البنى خلف اذنها وذهبت بعيدا لتقف وحدها بينما هو ابتسم فى تلك الاثناء قد وصل (مازن) إلى الجامعة وحين رأته (تغريد) اتجهت نحوه وصعدت السيارة فنظر لها (مازن) ثم وجد ان ذلك الشاب الذى رأها معه من قبل يقف بعيد فضيق عيناه بغضب ثم نظر ل (تغريد)