حب ناري

الحلقة السابعة

الحلقة السابعة

فبادلته النظرة الغاضبة وقالت

-متعديش حدودك معايا ٠٠

وتركته وذهبت بينما ظل هو يرمقها بغضب وكان وجهه يشتعل كالجمرة ثم ترك المكتب بأكمله وذهب إلى شركته الخاصة ٠٠

بعد إن وصل دخل ع مكتب (أمين) حيث وجده (أمين) يشتعل من كثرة الغضب فنظر له بشك

-مالك فى ايه يا (مازن) ؟

فوجده يتحدث بصوت عالى

-كان المفروض اجيبها من شعرها امرمط بيها بلاط الشركة ٠٠

-بتكلم ع مين ؟!

تحدث غير مصدقا

-بقى انا انا تضربنى بالقلم

فرفع (أمين) حاجبه

-انت بتكلم ع (ناريمان) ؟

-انا عاوزة اموتها هى واخوها

تحدث (أمين) بهدوء

-اهدى بس وفهمنى ماهى اكيييد معملتش كده من الباب للطق

-عاملة فيها محترمة ولما اطلب منها نتغدا بارة مترضاش واكتشف النهاردة انها خرجت مع (إسلام) لا وكمان نقتله هدومه

-طب ما يمكن معجبة بيه ؟

-مانا قدامها تعجب بيا انا

نظر (أمين) إلى (مازن) غير مصدقا بما يتفوه به

-ده القلب اللى بيختار يا (مازن) وبعدين انت عملتلها ايه ؟

قال بضجر

-كلمتها كده وانا متنرفز قالتلى انها قابلته صدفة فى المول وطلب منها انها تساعده واتنرفزت عليا وفضلت تزعق وتشتم فقمت مسكت ايدها لويها

فقاطعه (أمين)

-راحت ضربتك بالقلم

-تخيل ؟!

نظر له (أمين) بحدة

-اتخيل ايه بس انت اللى غلطان اصلا تكلمها بتاع ايه انت مش من حقك تفرض عليها سيطرتك

-انا عاوزها تقع فى حبى

تحدث (أمين) مستنكرا

-بلوى الدراع يا (مازن) ؟!! وبعدين انا اللى هقولك تعامل الستات ازاى داهية لتكون كنت بتعامل (سالى) كده

تحدث (مازن) بغضب

-انت هتقارن (سالى) بالجربوعة دى ؟!!!

هز (أمين) رأسه بإسى

-جربوعة !!! بقى المزة دى يتقال عليها جربوعة

-المهم اعمل ايه عشان ارجعها الشركة تانى

-اهدى عليها النهاردة وبكرة

-طب وبعدين ؟

-انا هقولك بس اهدى ع البنت دى شكلها بنت ناس