حب ناري

الحلقة الثامنة

الحلقة الثامنة

قال (مازن) بضيق

-انا مش فاهم يهمك (إسلام) فى ايه ؟

-يعنى انت رفدته ؟

رد بثبات

-انا مقولتش كده

نظرت له مستفهمة

-امال هو ساب الشغل ليه ؟

-سابه لما انتى سبتى الشغل ارتاحتى كده اقولك بلغيه انك رجعتى عشان يرجع الشغل هو كمان

ثم تركها ودخل مكتبه بينما شعرت (ناريمان) بالأحراج وعوجت فمها وحدثت نفسها قائلة

-شكلى وحش أكيد ماهو مش المفروض كل شوية اشك فى كلامه

*******************

بينما كان (معتز) فى الشركة مع عمه فتحدث له (عزت) قائلا

-بص يا (معتز) الساعة 4 بعد الشغل فى ميعاد ليك مع رئيس مجلس ادارة شركة (····) المفروض تروح وتتفق معاه ع الخامات المطلوبة للأثاث

-تمام يا عمى

نظر له (عزت) محذرا

-متنساش يا (معتز)

-حاضر

***************

كان (على) يتناول الأفطار مع (إياد) ع المائدة فحدثه (إياد)

-ايوة يا عم كلها كم يوم وتنزل القاهرة

نظر له (على) مستنكرا

-ودى فيها ايه دى كمان يا (على) ؟

نظر له (إياد) موضحا

-فيها ؟! فيها كتير مزز هناك بقى وكده

هز (على) رأسه بإسى قائلا

-محسسنى انى رايح لندن ولا باريس بنات القاهرة وبنات المنصورة واحدة

نظر له (إياد) وهو يتوقع ما سيقوله

-عارف عارف كلمتك كلمة استاذ (صالح سليم) كلهم صنف واحد

نظر له (على) بحدة

-كل وانت ساكت ياااض

-يا ترى هتيجى (إيمان) اللى تغير حياتك زى ما غيرت حياة (أحمد)

نظر له (على) بسخرية

-وانت بقى هتطلع بدور مين فى الفيلم ابو خطوة

نظر (إياد) إلى (على) نافيا

-لا ماهى ابو خطوة دى طلعت واحدة فى اخر الفيلم ممكن اقوم بدور صاحبك اللى كان عاوز يدبسك فى (إيمان)

نظر له ساخرا

-خليك انت فى افلامك دى وسبنى انا فى شغلى

-إن شاء الله هاخد الأجازة وهتلاقينى راشقلك فى القاهرة