البارت الثالث
بقيت بس اصفن وبغير عالم خالتي تباوعلي وشكلهة مقهور
اجت احلام رادتني اساعدهة بالعشة خالتي كلتلهة عوفيهة مالهة خلك تعبانة
مادري شلون نمت ليلتهة العين نعسانة والعقل يشتغل بين واقع وبين حلم ماحسيت الة هوسة بلبيت وصياح جنان وسوالفهة وبتهة مسوية روسنة قطار رايحة جاية
جنان من تجينة تخبصنة خبص بين الشقة والضحك تغيرنة الجو نفرح بجيتهة
_يمة شوكت يكعدن البنات متت جوع
_شيكعدهن اذا اليل كلة على الافلام والصبح نايمات
_خليهن يمة يشبعن نوم لاحكات على بيت الرجال ودوخت الجهال بس اني جوعانة راح اسوي ريوك واكعدهن اذا تريكت وعفتن شيخلصني من السان حلووم
-ديلة سوي هسة يكعد عبوسي جوعان
-اكلج يمة صدك عمتي عزمتج انتي والبنات على حنة حماي ياسر
-اه راح يزوج شبسرعة قررتوا
_ الله يغفرلج يمة شنو شبسرعة الرجال خاطب صارلة ست اشهر بعد شكد يظل
_اي بيهة الخير اني اجي بس البنات لا ميطلعن
_ليش يمة هم خطية خل يطلعن ويغيرن جو
-_ اي يمة الله عليج خل نروح ضايجين
_شوف من اكعدهة ماتكعد بس من تسمع صوت طربكة وتخايم تجي ركض
_فدوة اروحلج سليمة خل نطلع مو متنة
_عزة عزاج نوب دكلي سليمة امشي مني لا اهفج بنعال
_صباح الخير حبيبتي جنونة
_هلة بالكناري هلة بامولة تعالي ولج مشتاقتلج
_شبسرعة لحكتي تشتاقيلهة كلهة صارلج يومين يمنة
_شوفي يمة هاي ام السان تعيرني لان اجيكم
..صار الريوك وبعده خالتي وجنان راحن لسوك تجيب كم حاجة الهة والبتهة للعرس
_ولجن الحكلي بمي متت عطش يمة سودة علية اكيد وليدي فرفح
_ولج شيفرفح اسم الله شربي مي وكبي على صدرج حتى ترتاحين هاي لان حامل ماحملتي الحر
_اي يمة صحيح ..يلة يبنيات صبلي غدة جعت
_ عفية بطن شوكت تشبع شفتج وشفتيني جوعانة
_خمسة بعيونج جا غير اكل الي ولوليدي وبعدين رجلي يحبني سمينة
_ولج راح صيرين فيل
_امشي ولي مااحاجيج ..امولة تعالي حبي شوفي شجبتلج الله عليج هذا النفنوف شيطلع عليج غير يخبل
_ليش هيج كلفتي نفسج هو انتي شعندج
_لادكولين هيج احبيبة انتي خيتي وهذا شي بسيط لازم تلبسين شي حلو بالعرس قنعت امي ترحن
_الله يكومح بسلامة حبيبتي شكرا كلش حلو يخبل
_اي وحليمة تعض محد جابلهة شي
_ هاج ام السان ولو ماتستاهلين
_ اي عفية هذا الحجي الحلو الله يخبل
اكلج عود جيبيلي حذاء وياه
_اي مو مخلفتج وناسيتج
اجة عرس ياسر حمة جنان ولبست ورتبت نفسي طلع النفنوف كلش حلو علية اني مربوبة جسمي تارس بس موسمينة وكصيرة طولي ١٥٨ وزني ٦٠
_ صلاوات على محمد تعالي يمة يمي انشر عليج واقرة المعوذات اخاف عليج من عيون النسوان داخلة بالله
_اي اقري على امولة واني حالي حال الحايط عاد حتلو بس سورة التوحيد يلة بس نشريلي اي شي
_ تعالي ولج ثولة منو يحسدج موزين المصخم ابن عمتج رضة بيج
_ يبووو شلون كلام يسد النفس بطلت ماريدج تقريلي
_ شوفن اتمضحك مااريد بالعرس ولا تنزعن شالاتجن ولا دكومن من مكانجن ترة اهلس شعرجن بايدي واضح
_ اي يوم واضح
_ اي وبطريقنة نموت بعد احسن
_ موتت الجلاب صيري ثكيلة مثل امل مو دكمزين وية الجهال
ولحكايتي تتمة
أنت تقرأ
زوجة للتجربة
ChickLitقصة فتاة يتيمة عاشت في بيت خالتهة الحنون لتكبر وتتزوج شاب اتخذها للتجربة ومنها تعصف بها الالام والاحزان تابعونا ..قراءة ممتعة
