زوجة للتجربة

بارت ٢٤

_ علي ؟
_ اي علي العفتيه معلك
_ شلون عرفت اني التصلت
_ مو هذا الاتصال صارلي فترة منتظرة
_ بعدة عرضك قائم
_ اكيد ومصر وأملي توافقين
_ ليش هيج عندك اصرار بالتقدم
_ الحب ميعرف اسباب حبيتج وخلص
_ مستعد تخوض معركة
_ مستعد اخوض معارك
_ ترة صدك مو عبالك لعبة  بلي
_ عفا احنة زلم المهمات جربيني وشوفي
_ عمامي طلعولي فجئة ويردون يزوجوني لابنهم فانت اذا الك نية تتقدم اتقدم واني موافقة
_ يعني انتي قبلتي بية حتى تخلصين من عمامج
_ اكيد لا هذا زواج مو لعب بس مصارت ظروف مناسبة وجنت اخجل اني اتصل بيك واكلك بقراري
_ وهسة
_ هسة حسم الامر  واخذت قراري بلا اي ضغوط بس لازم تعرفني مااريدك تتسرع وبعدين تتندم
_ شسرع يمعودة من ست اشهر اني جاي اتعرف عليج الحد ما اختمرتي بعقلي
_ شنو عجبك بية
_ كلشي اخلاقج وهدوئج وشكلج وحتى خوفج
بس عندي سؤال الج شعجب بهاي الفترة  اربع سنوات ماصار عندج طفل
_هو رزق مامكتوبلي
_ حقي اعرف ليش 
_ اكو شي  راح اكلك عليه بس يبقة بيني وبينك اي مخلوق ماابريك الذمة ان تكلة
_ كولي خوفتيني
_ لاتسال ولا ادقق بس اعرف ان اني مكنت مزوجة
_ لعد شنو شكنتي
_ مادري شلون اكلك يعني زواجي مجان كامل
_ شنو حزورة ترة دخت شلون يعني
_ ارجوك لاتحرجني بالاسئلة يعني حالي حال بنت بيوت
_ صدك شلون وليش
_ شلون وليش مو وقته يجي يوم واحجيلك
_ سبب منج لو منة
_ لاتخاف اني سليمة مابيه شي
_ اذا قبل متمسك بيج شوية هسة مستحيل اعوفج
نهيت الاتصال وياه وقررت مااكلة على موضوع الارث مو هسة يجي يوم واكلة
كم يوم وخابرني كال فاتحت اهلي بموضوع زواجي تفاجئوا وحددت يوم الخميس نجيكم ومنطيتهم اي مجال للرفض
_ يعني همة رافضين
_ مو رفض رفض بس  مترددين
_ لان ارملة؟
_ لان ميعرفوج
_ حقهم ابنهم شاب ومدرس واني ارملة وماعندي شهادة
_ لادكولين هيج اني اختاريتج وفضلتج على امهات الشهايد لان كلبي رادج واختارج وبعدين اني الازوج مو همة وبيتي وحد مالهم لازم وياي
كله الاريدة منج اذا امي او خواتي حجن كلام مو مريح اصبري الخاطري واني اعوضج عن كلشي
_ صار تدلل
_ فدوة للحبابة ام بيتي وجهالي
_ مع السلامة
_ مع السلامة امولة
فاتحت خالتي كتلهة ناس حيتقدمون علية تفاجئت سألت منين اعرفهم حجيتلهة كلشي كالت انطيني الورقة اخذت الورقة وراحت تسال عنهم صايرة منطقتهم بين منطقة خالتي وبين منطقة عيالي بس موبعيدة قريبة
نص نهار يلة اجت بس اجت وجهة ميتفسر
_ هاا يوم الله يساعدج خل اجيبلج مي
_ اي يمة اريد مي
بقيت واكفة استحي اسئلهة ولا اكدر مااسئلهة
_ ادري بيج تردين تعرفين الاخبار
ظحكت ودنكت
_ يمة الولد ماناقصة شي  وينحلف براسة ادب واخلاق ومعروف بالمنطقة ومدرس
_ صدك يوم كلهم مدحوة الج
_ اي اني هم تخشخشت بالبيوت  على ان ادور بيت ومن هلكلام الولد درة
_ لعد شبيج يوم اكو حجي بعد عندج
_ اي والله مادري شكلج
_ كولي لاتخوفيني
_ خواتة وكحات وعرمات وامة مسيطرة عدهة اربع ولد وثلاث بنات كلهم يمشون بأمرهة مزوجة واحد يمهة يشكن بحال جنتهة بكد مامرمرتهة وبناتهة ممزوجات تلاثتهن
_ يمة هو كال بيت وحدنة
_ اي ادري يايمة بس هيج ام متخلصين من تدخلهة
_ يوم الولد شاريني وانتي بنفسج تعجبتي بسمعتة الطيبة واني شوفت حالج لاشهادة  لا شي فوكاهة ارملة موزين قبل بية
_ لادكولين هيج من سعد حظة تصيرين الة شعوزج جمال وادب واخلاق
_ اي بلا حظ شلي بيهن
_ حظج عالي يمة لادكولين هيج
اجة يوم الخميس عدلنة البيت وجنان وخالتي ذبن الاسود مني ولبسني نفنوف حلوو مرتب ماهلي انزع الاسود بس بعد الحياة متتوقف على احد  شعري عفتة مفتوح هو على طبيعتة لا مصبوغ ولا مكصوص من زواجي صبغتة وعدلتة هسة صار الخصري ومااريد اكصة
اجن امه واخواتة وزوجة اخوه رحبنة بيهن ودخلناهن بس هنة كلش  وجهن ثكيل وكوة يسلمن ويحجن ويباوعن النة بطرف عينهن بس زوجة اخوه جنهة حبابة بس كلشي محجت تخاف منهن  اني طبعاً دخلت من صاحتلي خالتي بس هاي نظرتهن حتى الي
من دخلت سلمت هنة بقن يباوعن علية
كالت امة اكول علي شبي مستعجل اذا شايف هيج جمال
_ شكرا خالة بس علي مشايف شي مني
_ ههه كلهة هيج دكول وهمة لاعبين لعب
اني نغثيت بس ماحجيت الخاطر علي اريد تخلص الخطوبة بلا مشاكل
خالتي كالت زوجتهن خمستهن محد شاف خيالهن وكلهة تمدح باخلاقهن الحمد لله طلعن بالوجه الابيض
_ اي اكيد وعوجت حلكهة
زين سولفينة كم سنة ظليتي عند المرحوم
_ اربع سنوات
_ ليش مصار عندج طفل
_ الله مقاسم النة
_ شنو الله مقاسم غير اكو سبب خاف متخلفين لانوب ارملة ومتخلف وابني مجلب بيج
اني اعرف غايتهة تريد تستفزني حتى تخرب الزواج
اشر الخالتي ان تسكت بس هي خطية كلش مغثوثة من ام علي
_ لا لاتخافين ماعندي مشاكل
_ خوووش
خلصت الكعدة كلش ثكيلة على كلبي
بينما اجة زوج خالتي يمدح بعلي وكال ونعم الشاب الخلوق
بليل خابر علي وسولفت وياه وكلما اسأله عن رأي امه يغير الموضوع عرفت امه ماقابلة وميريد يضوجني
_ اريد نستعجل بالعقد سيد ومحكمة
_ ليش الاستعجال
_شنو ليش غير حتى عمامج ميكدرون يسوون شي
_ خلاص بكيفك
_ الخميس الجاي نعقد سيد والاحد محكمة
_ ان شاء الله
بدينة نجهز للعقد احنة بيناتنة ماعدنة احد غريب واني ماردت لا حفلة ولا احد يعرف استحي من عيالي
اجة يوم الخميس واجة بس علي والشيخ
البنات رادني البس نفنوف فكتلهن بنطرون وبدي لان.ملابسة هيج وحبيت هيج اطلع لان اني مو طويلة فكلت بالبنطرون اطلع احلى لبست عباية وخالتي خلت قطعة بيضة على  وجهي وطلعت عقدت من كملت طلعت كعدت بغرفة من غرف البيت واجتي خالتي كالت علي يريد يسلم عليج حدخلة يمج لان الاستقبال بيه ابوج هنا احسن تاخذون راحتكم نزعت عباتي وعدلت شعري
هو من دخل سلم وظل يباوعلي ويضحك
_ هاي شبيك تضحك
_ اضحك على حظي الحلو واكول شكد محظوظ
اخذ ايدي وباسة بوسة قوية وخلاهة على خده انتي وين جنتي مظمومة الي الف مبروك حبيبتي ان شاء الله اكدر اسعدج
_  الله يبارك بيك بس عفية علي لاتسوي هيج
_ شبيج ترجفين وخجلانة اني هسة زوجج
_ هستوني عرفتك هاي تعتبر اول مرة اشوفك
_ مو نتخابر صارلنة فترة وبعدين اني هم تعتبر اول مرة اشوفج مينحسبن ذنيج شوفات وية هاي الشوفة
بقة علي يمي بالساعة فترة وجودة كلهة مشاعر اني حسيت نفسي انثى وياه يتغزل ويتصرف على اني صدك حبيبت عمره  قلبي خفق وية كل لمسة وكلمة وياه حسيت بمشاعر محاسة بيهة قبل
كوة طلعتة من الغرفة كتلة استحي من اهلي هو هم حس على نفسة وخجل وراح
بليل خابر كال بعد مااكدر افاركج لازم نستعجل بزواج
اني كتلة بكيفك
كال بس شوية منتظر مبلغ بس يجي اكمل البيت بسرعة اني مأجرة بس ءأثثة
_ اذا تحب اني اساعدك  اني عندي مبلغ
_ يمة فديت المستعجلة هيج تريدني بسرعة ازوجج
_ لا والله مو هذا قصدي بس اني عندي مبلغ فأخذة ومشي بيه امورك
_ حبي هسة راح افوت الج هاي الحجايةبس بعد ممنوع تعيديه اني مسؤول عنج وعن البيت وعن كل الطلبات ممنوع تساعدين باي شي كل الاريدة منج الحب واخليج ملكة على قلبي
_ ان شاء الله
اريد اسألك سؤال
_ كولي يانبض قلبي
_ امك اخواتك ليش مااجن اليوم بالعقد
_ شوفي حبي مدام اني وياج واحد مقتنع بثاني وفرحانين معلينة بااحد اني انطيتهم خبر وكتلهم بالموعد اليريد يجي اهلاً وسهلاً والمايجي هم اهلاً وسهلاً مااريدج تغثيني بغير سالفة ولا تفتحين موضوع اني وياج اريد انسى كلشي اوكي  حبي
_ اوكي حبيبي
_ اخ يابة شكلتيلي
_ ههه شنو مسمعت
_ لا مسمعت
_ كتلك حبيبي
_ الله عليج تحبيني
_ اي احبك
_ من شوكت
_ من اليوم هههههه
_ اني محترك سلفة سلفاي صار ست اشهر وهي اليوم يلة حبتني
_ هههه شسويلك هذا الموجود
بقينة نتخابر يومية وانام على صوتة كلش تعلقت بيه وعرف الحب وياه وعرفت شنو مشاعر الحب جربتهة وعرفت احساسهة ما مار علية قبل ولا عشتة عرفت قبل هذا مستحيل يكون حب

ولحكايتي تتمة