زوجة للتجربة

البارت١١

صار عرس احلام وطلعت حلوة بالعرس هي رفيعة مو مثلي مليانة وحنطية فاتح وعيونهة سود كبار وشعرهة سواد اليل كلش حلوو عوزهة بس شوية تسمن هي تاكل بس متسمن صارت الحفلة واخذوهة للقاعة واحنة رحنة وياهم وعزمنة اقربائنة وخالتي عزمت ليث وامه بس امه اجت هو مااجة وظلت كل شوية اطلع عذر اني ماردت اغث روحي خليني فرحانة على فرحة حلووم اريد انسه ليث وامه
خلصت الحفلة وراحت احلام البيت عيالهة ورجعنة للبيت احنة والبات هم ظلن كم يوم وراحن لبيوتهن بس شنو حسيت البيت فرغ كمت بكل مكان جنة نكعد اني وياهة اكعد بيه وابجي خابرتهة كتلهة ارجعي بعد مااكدر على فراكج كامت تضحك دكلي وين ارجع شلون اعوف حظن علاوي وتضحك
الحقيرة مامشتاقتلي هذا علاوي فار راسهة الله يسعدهم
مر على خطوبتي شهرين ماكو شي جديد نفس وضعنة لا طبة لا طلعة لا مخابرات مثل الاوادم تعودت على الوضع
جان تجي امه وكالت اذا ماعدكم شي هذا الاسبوع نكطع مهر بالمحكمة ونجهز والزواج الخميس
اني تفاجئت ولا ردت يقرب يوم زواجي ولا اريدة يجي شلون بلوة
كتلهة مالحك خالتي كالت لا ماعدنة شي ترة من اطول الخطوبة مو خوش خل يزوجون احسن
رحنة عقدنة عادي وجهزنة مابخلو بشي بلا منكول يجيبون من كلشي موجود
قرب الخميس واجني البن ات فدوة شكد احب جيتهن وهنة هم كلش يحبن ننجمع و وصني نتفق على يوم من كل شهر ننجنع كلنة سوة بعد زواجي
الحنة صارت بالبيت افدقتصرت بس على الاقارب مثل حنة احلام لبست فستان دلع من الصدر سبعة  والشيالات تول يجي كصيف ومن جوة يعرض كلوشة كلش جبيرة المهم حلو وتسريحة رفعتهة وميكاج انيق طلعت ممثلة
باليل كعدنة نسولف احنة البنات و وصني وعلمني على بعض الاشياء الصراحة كلش خفت ارعبت ماعندي اي مشاعر اتجاهة فمااكدر اتقبل اي تقارب بيناتنة بس مبيت للبنات ظليت ساكتة
ثاني يوم كعدت ضايجة شلون حفارك هذا البيت ربيت بيه بكل ركن بيه ريحة الطيبة والمحنة خالتي البنات عبوسي حتى خالي كلهم احبهم مااكدر افاركهم كل شوية احضن وحدة واكعد ابجي خالتي مشفتهة هيج مقهورة على وحدة من بناتهة بكد مانقهرت عليه حظنتني وكامت تبجي وتوصيني بزوجي وعمتي وعمي ودكولا لاتنسين احنة اهلج لا دكولين يتيمة اني امج احنة اهلج اليأذيج يأذينة كلنة
ارتاحيت من حظنتهة كلش
جهزت نفسي ورحت لصالون اني وجنان طبعاً كلما اريد اسأل جنان عن محمد افقد الجرءة واحس مو من حقي اسأل عنه ولا لاي عذر فاسكت واختزن سؤالي بصدري ... لبست بدلة كلش منفوشة والصدر شغل نازك كلش طلعت لعبابة
اجة العريس وزفونة للبيت اقربائهم قليلين مو مال قاعة بس مابقوا ورة الزفة راحو ماعدهم احد يعزب هو بس  العريس اخوه ماكدر يجي كال يجي هلاايام 
فرغ البيت وياي البنات خالتي مااجت دخلني الغرفة وبوسني و وصني وراحن واخذن كلبي وياهن تمنيت اروح وياهن
شوية ودخلت عمتي كالت يمة هو شكو وخايفة بدلي واكلي وصلي ولا كانه اكو شي
اني هزيت راسي اي
طلعت ورة نص ساعة دخل ليث من دخل وشافني كال هاي اشو بعدج لابسة لازم لبستهة حلوة
اني خجلت شكلة
كتلة مااكدر افتح السحاب كال ااااه جان صحتي لامي ليش ظالة كاعدة
اني واحد وصفكني راشدي امك شنو يحظي هو اني لابستهة الك لو لامك
كال يلة ديري خل افتحهة فتح السحاب واخذ ملابسة وطلع من الغرفة
اني بدلت بسرعة ولبست سيت نوم ابيض الطالع اكثر من المضموم دخل باوعلي وسكت كال تتعشين
كتلة خل اصلي
صلينة وراح جاب العشة وتعشة هو بس اني استحي بس كلي ليش متاكلين كتلة مااشتهي عافني ماحجة شي كمل وشال الصينية وطلع
ساعة اكثر مارجع اني تعبت ونعست نمت عالجرباية مااعرف ليوين بس حسيت بيه اقترب مني اني جمدت ماتحركت  سويت نفسي نايمة شوية وخر بس حسيتة عصبي ليش ماادري ليش عافني ماادري ورة شوية طلع
اني ظليت خايفة ولا اعرف شنو الصار الصار هسة محد كلتلي عليه ولا مارات بيه
اني بين نايمة بين كاعدة حسيت عليه دخل للغرفة فرش ونام بلكاع داير وجهة بغير جهة ...
ولحكايتي تتمة