زوجة للتجربة

بارت ٢٨

رحنة للعرس اني وجهي ثكيل صدك مبدلة وكاشخة الي ولجهال بس مابنفسي اروح ونفسيتي تعبانة كارهة العرس وكارهة امه وخواته
قبل الزفة بهوسة الاهل والاقارب طبعاً العرس بالبيت مو بقاعة همة بيتهم جبير ويسع الاقارب
اقتربت مني رباب وهمستلي ...
_من كنت زغيرة كنت من اريد شي احصله واني هسة نويت على شي وقربت احصلة
_ وشتردين اباركلج ردتي ولا ماردتي شلي دخل بيج
_ لا مالج دخل بس حبيت اخليج تتفرجين على حياتج وهي تتحطم على ادية
وراحت بكل حقاره
اني رفعت عيني للسماء كتلة يكيدون وانت خير الكائدين وكلت وفوضت امري بيدك حطم احلامهة واجعلها هباء منثورا يامن تقل لشيئ كن فيكن
اجت الزفة جابوا العروس وصارت هوسة اني بايدي سرى بس سيف مااكدر الزمه حرك وشاف هوسة واني منا مضروبة على راسي بسبب رحاب مكدرت اسيطر عليه طلعت ادوره بالطرمة شفت الجو شتعل طلق والعاب نارية برة باب البيت بحيث كلش خفت كمت اركض وةدور على سيف لا يخترع انطيت سرى لبنية من كرايبهم وكمت ادور على سيف شوية واسمع صوت العياط والصياح
نرعبت شنو شصار محد يعرف الصياح برة
صارت هوسة اليطب واليطلع وياهو الاحاجيه مافتهم منة وجان اسمع عياط  الولد راح جاي ينزف
اني كمت اصرخ منووو سيوفي   ماما سيوفي
اي هذا سيوفي النضرب اكيد
كمت اصرخ وطلعت بالشارع شفت سيارة سريع شخطت والبيهة مخبوصين بس مشفت منو الانضرب
اني كمت اصرخ كلولي سيوفي ماات
سيوفي بيه شي
محد يجاوبني وكلهة تبجي
شفت عمتي تصرخ وصعدت بسيارة
اني تخبلت كمت اصرخ بالزايد جان اشوف سيوفي شايلة ابن عمهم وسيوفي فاقد من البجي مرعوب ويصرخ
سكتة مقبل يسكت
لزمت ابن عمهم منو الانضرب ليش متحجوون
علي لانضرب الطلقة اجت بيه
هو كال علي انضرب حسيت الطلقة اجت بكلبي وكمت مااتنفس ولا اكدر احجي زركيت وكعت وسيوفي بحظني للكاع
محسيت بنفسي الة اني بغرفة زوجة احمد والنسوان ملتمات عليه يرشن مي ويحركن بجهة كلبي
يكولن صرت زركة وفقدت وخايفات عبالهن كلبي بي شي
_ كلولي علي ماات احجوا
ممات والله شبيج اسم الله عليه بس مصوب
_ ودوني اله اريد اشوفة
ملخت نفسي يلة قبلو يودوني
عفت جهالي ولا اهتميت ردت بس اوصل واشوفة والكاه عدل
رحت وية اولاد عمه من وصلنة سألوا كالو بالعمليات
اني بقيت كاعدة باب العمليات واسبح وانادي ياحسين يامظلوم ياحسين يامظلوم اريد علي منك بقيت اردد بهذا التسبيح الى ان طلعوا الدكاترة ميحجون وحولوا للعناية المركزة شفتة من اخذوه صاير اصفر سودة عليه ونايم على بطنه وخاليلة تنفس وصوندات
مخلوني ادخل يمة ردت اروح ادور على الدكتور واسألة عن حالتة اني حتى مااعرف وين الضربة
مقبلوا عمامه كالوا احنة نروح
سألوا كالو الظربة بنهايةظهرة وضعة خطر منا الباجر اذا نجى يعدي مرحلة الخطر
نهاريت حبيبي علي شلون انت حالتك خطرة واني مابيه شي شلون انت تتألم واني مااساعدك كلي حبيبي شسويلك شلون اريحك واخفف عنك كون اشيل عنك الالم كون الطلقة بكلبي ولا بيك يانور عيوني
ام علي موجودة ويانة بس تبجي ودكول الحوبة ضيعت ابني الفكر بنت الفكر راح تموت ابني هاي حوبة
سكتوهة وكلولهة عيب هيج حجي بس ماسكتت اني سويت نفسي مااسمعهة بالرغم كلامهة سجاجين بكلبي بس مابيدي حيلة
لليل ماتحملت توسلت بابن عمه اريد ادخلة
من شافني كسرت خاطرة انطة فلوس للمراقب على الردهة ودخلني بس اني امه متدري
اتقربت منه بوست اديه وخدة وبقيت اباوعلة
حبيبي ياابو طول الحلو متلوكلك هيج نومة
كوم شوفني طولك شوفني ضحتك تعال اضحك وافتر حوالية بسوالفك وشقاك اخذ روحي وكووم اخذ حياتي وكووم شتريد اخذ بس خل اشوفك مااريد بس شوفتك
شلون تعوفني وانت دكلي اني امج وابوج وحبيبج تريد تيتمني مرة ثانية ظليت احرك بشعره وابجي
مطلعت الة اجة المراقب وطلعني
كعدت باب الردهة بقيت اسبح وادعي واردد ان الله قادر على كل شيئ
اذكرت من ندعيت على رحاب ربي يحطم حلمهة ويجعله هباء منثور وكمت ابجي واشهك مقصدت علي ولا قصدت ءأذيه خل يكوم يزوج يعوفني مو مهم اهم شي عندي هو حي ويتنفس
لصبح اني منايمة وكل شوية اسأل المراقب تحرك صار شي
يكول ماكوشي
بعدة فترة شفت المراقب طلع مستعجل ورجع وياه الطبيب دخلوا روحي راحت طلع الطبيب كال المريض فاق الحمد لله وتعدة مرحلت الخطر بس بعدة وضعه تعبان ويحتاج هواي وقت يلة يستعيد عافيته
صاحت امه اني اداريه اخذة يمي واعتني بيه
للعصر يلة قبلوا يدخلونة بس المقربين امه وزوجته واخوتة ممنوع غير احد بشكل وجبات
دخلت امه واخوه شوية وطلعت كالت يريدج يالحوبة
رحت اركض بس شفتة شهكت علي كعدت يانور عيوني  من عمري على عمرك
همس بصوت ناصي ضعيف اسم الله عليج حبيبتي
علي امووت اذا صار بيك شي والله لو بيدي ادكلك روحي دوة بس كون اطيب
ابتسم حبيبتي لاتخافين ارجعلج ونام
اني طلعت عبالك مالكة الدنيا من شفت عيونة وسمعت صوتة سجدت لله شكر وبجيت
عدت الايام وعلي بالمستشفى مكدرت اعوفة عفت الجهال عفتهم يم خالتي ءأمن عليهم
وتفرغت ال علي عمتي تجي شوية وتروح ماتتحمل المستشفى بس من تجي تسم بدني وتروح
حالت علي بتحسن بدة يحرك روحة نعدل كعدتة
اني فرحانة بتحسن صحتة بس خرب فرحتي الدكتور
من سألته عن وضعه صعقني بالاجابة

ولحكايتي تتمة