زوجة للتجربة

بارت ١٩

بهاي الفترة زاد تعلقي بليث وهو هم رغم مضايقات عمتي بس كدرنة نعيش هلايام بسعادة وانسجام
بليل اريد انام جان كلي كاعدة لو نايمة
_ بعدني كاعدة
_ اكدر اجي انامج يمج
_ ههه تعال
صعد يمي
_ اكلج اكدر انام بحظنج
_ هاي شلك بيهة
_ شبيج محتاج حضنج الدافي
يلة تعال ..نام وهو بحضني والعب بشعره
_ تدرين اول مرة احس اني بشر خليتي عندي احساس اول مرة اعرف بيه موجود ذوبتي الجليد البداخلي
ااااخ شكد غبي ضيعت هاي السنين من ايدي
_ يجوز هيج احسن حتى نعرف قيمة بعض ونتعلق بعض اكثر
_ مادري بالنسبة الي صرت احبج و افديج بعمري
_ اسم الله عليك
_ كولي احبك
_ طلباتك كثرانة
_ بس مرة وحدة
_ احبك
_ الله شلون حلوة بحلكج
نمنة مرتاحين وكعدت الصبح لكيتة واكف مبتسم ويباوعلي
_ صباح الخير
_ صباح العسل ياعسل
_ هاي شنو اليوم جنك مرتاح
_ هو الينام بحظن حبيبه شلون مايرتاح اكيد يكعد ملك
_ من شوكت كاعد
_ صارلي ساعة
_ شجنت سوي
_ بس اباوع عليج
_ هاي شنو ترة حتخليني اتعود على هيج رومانسيات
_ لو الله ينطيني عمر اعوضج عن كل الم سببتة الج ..اني هسة طالع مااريد منج شي بس رضاتج عني
_ هاي شبيك ليش هيج تحجي
_ تعالي خل احضنج
حضني حيل الصدرة وباسني وراح اني بقيت اباوع وراه الحد ماطلع
رغم الاجواء الحلوة العشتهة البارحة لليوم وية ليث بس كلبي معتصر يوجعني خفت لا ابوية بيه شي كلت شوية  اخابر خالتي
طلعت نظفت وطبخت وكملت شغلي وصعدت لسطح نظفتة وسمعت الباب ندك ظليت انظف كلت عمتي جوة تفتح الباب
شوية وسمعت عيطت عمتي وصريخهة
نزلت بسرعة ياستار ياربي شكوو نزلت اتعثر من الدرج عدلت حجابي وطلعت لكيت عمتي  مددة بلكاع ومنزلة فوطتهة وتملخ بشعرهة ويمهة ولد شاب يبجي
شكوو عمة شكوو
_ولج راح  ولج راح العزيز
_منو الراح شكو
_وليدي ضوة عيوني يمة راح من ادية
_ماااازن
_ليث راح من ادية يمة وليدي اريد وليدي دخيلك ربي
_ اني نصعقت ماحسيت باي اطراف جسمي اذاني صارت بيهم وشة كمت مااسمع زين  بسرعة وكعت بلكاع مفتحة عيوني بس مااكدر اتحرك شفت البيت انملة نسوان كامن يكبن علية مي شوية حركت جسمي
اريد استوعب شنو الصار شنوو راح ليث شنو يعني بعد ميرجع شنو هو شصار هذا حلم حقيقة
اباوع عمتي متخبلة وملخة شعرهة وفاقدة
عمي متخربط وماخذيه للمستشفى
كل العرفتة من الهوسة ان ليث يصلح بسيارة صاير جواهة والسيارة واكعة على راسه وبنفس الحظة مات
ليش هيج يصير وياي ليش ليحبني مصيرة الموت اني بحلم لو واقع البارحة بحظني اليوم جوة التراب شلون عقلي يتقبل
حسيت نقطع النفس اريد اتنفس ماكو يمكن خلص الهوة لو رئتي وكفت كمت اشهك اريد هوة كلهة كامت صاحن اسم الله هاي صارت زركة ماتتنفس
اخذوني بسرعة ولد جيرانهم ونسوان للمستشفى
كالو هبوط ضغط وصدمة نفسية
مرت ايام الفاتحة من اسوء ايام حياتي خالتي والبنات ماعافني يتناوبن علية لسبعة خلصت الهوسة وقلت الناس صفينة بس اني وعمتي وعمي الصارت بيه جلطة خلت نصف جسمه ينشل اصبح البيت مقر نوح وحزن عمتي من تبجي ما تبطل الة تفقد
خابر مازن وخطية حالته حالة على اخوه وعلى اهلة مكدر ينزل لان جوازة موقفينة عندة مشاكل هناك كال بس احل المشكلة ارجع
عمتي رادت تروح اليث واني جلبت وياهة بس عمي بقة بلبيت وبقة يمة اخوه
رحنة اني وياهة وعم ليث وعمته
ماوصلنة الة روحنة طالعة ردت بس اوصل واحاجيه ليش هيج سوة بيه
عمتي من شافت كبر ليث ملخت نفسهة عياط وبجي كلب ام فاقدة هي كلش تحب ولدهة وتخاف عليهم من كلشي بس الموت مالة حارز يجي لو كنتم في بروج مشيدة
شالوا عمتي من الكبر واخذوهة لسيارة لان كلش حارة هي مقبلت دكوم بس كلولهة ميصير تأذين نفسج حرام
اني بقيت وحدي وية ليث اباوع معقولة ليث هنا جنت محضرة هواي حجي بس كلة تلاشة من شفت كوم التراب شريد احجي وشاكول وشينفع الكلام
بس كتلة اذا الك نية تهاجر ليش خليتني احبك ليش علقتني بيك ليش عيشتني بحلم اصبح سراب ليش ماخليتني على نظرتي عليك انت ولماكو سوة يعني الة تشلع كلبي وتحطم فؤادي موجنت اربع سنوات مثل الصخرة الة بهاي الاشهر هيج صير وياي يعني تودعني جنت واني ماادري ليش هيج ليث مو اني يتمية ومالي احد ليش هيج تكسرني وتحطمني
ماينفع الكلام مرات الصمت ابلغ من الكلام بقيت ساكتة بحزني وبعلتي... البيت اصبح لايطاق كئيب وريحة الحزن ماليتة
قبل كنت اشوفة بلا روح هسة بلا روح ولا حياة ولا امل اي مابيه امل
كمت انام واني اذكر كل موقف وياه ولا كدرت انسه دفو صدرة من حظني ولا اكدر انسه مشاعره من نام يمي يعني جنت تريد تودعني بس بطريقتك
دخلت الحياتي واني كارهة هلشي وطلعت واني  كارهة  طلعتك
كلشي يمشي بحياتي بلعكس

ولحكايتي تتمة