زوجة للتجربة

البارت ١٢

ثاني يوم كعدت من وكت سبحت هيج للنظافة 😅
وعدلت الغرفة على كيف لان نايم وطلعت شفت البيت البيت كلش بسيط اثاثة بنائه بس مرتب ونظيف طلعت لكيت عمي اني شايفتة من رحنة عقدنة سلمت عليه وباركلي  بس شو ضايج رحت العمتي هم باركتلي واهتمت بية بس هم ضايجة ماحسيتهم فرحانين بس مهتمين بية ورحبو بيه وكالو هذا بيتج شسوين باليعجبج اخذي راحتج يمنة اكثر من اهلج
اني حبيت كلامهم وحسيت براحة كالت عمتي اسويلج ريوك كتلهة لا هسة امي اجيب ريوك
شوية واجت امي خطية مامخلية شي مجايبتة كلشي جايبة عمتي كعدت ليث سلم على امي وامي باركتلة وصتة علية وقبل لا دكوم طلعت علبة فتحتهة بيهة مدالية قلب كامت باستني ولبستني كالت هذا كلبي الشايلتة لاتنزعيه اني بوستهة وبجيت خطية هي ماعدهة وحالتهم صعبة كلفت نفسهة علمودي
مشت الايام عادية وروتين قاتل بيت عمي ابو مازن بيت كئيب ومابيه روح ولا حياة عمي رجال جبير بحيث قليل يكوم ويتحرك وحتة مالة كلمة بالبيت مالة دخل بشي  من اجيت البيتهم اني كمت اهتم بيه باحتياجاتة باكلة خطية كلما اسويلة شي يكلي ربي يفرحج بنيتي ويدعي لاهلي بالرحمه كمت اشجع اساعده واخدمة حتى يدعي الاهلي بلكت يوصلهم اجر
عمتي على مايي ماغاثتني ولا الهة دخل بية ولاسألتني ليث وصلج لا وين بياضج الظاهر مو مثل عمات خواتي ماعدهم هيج شي واني هماتين هيج اسألة مااريدهة هيج مرتاحة
اما ليث من ذيج محاولتة ان يتقربلي بعد ماتقرب ولا نام على الجرباية ظل بلكاع اني يومية ابدل واتعطر وانام اكول العلية سويتة مثل ماوصني خواتي قبل الزواج
هو رجع الشغلة يطلع الصبح ويرجع العصر يسبح يتغدة  ويطلع ساعة ويرجع يظل بالهول يم ابوه وبعد العشة يدخل للغرفة ينام كلامة وياي كلش قليل بس على كد الشغلة مال مسامر وكلام ماكو هيج
مرات اشوفة من يدخل امة اظل تحجي وياه عبالي تحجي علية بداية الامر لكن مرة سمعتهة دكلة يمة سلم على مرتك وبوس خدهة ترة البنية وردة مال الله ماكو مثلهة يكلهة ان شاء الله ويدخل كلشي ميسوي بس يسلم من بعيد
مرة ضجت واشتاقيت البيت خالتي فرفحت روحي عليهم كلت العمتي كالت من يجي رجلج كليلة يوديج من كالت رجلج استغربت الكلمة مااحس بيه زوجي
اجة العصر حضرتلة الحمام وسبح وتغدة ظليت مترددة شلون احاجيه نوب كلت خل اكلة اريد اتعود احاجيه
كتلة ليث مشتاقة لامي كلش تقبل اروح صفن كال اي ليش لا حضري نفسج اوديج
اني كمت مثل الطلقة حضرت نفسي ولبست جنطتي و عباتي
هو ضحك كال شنو جنتي بمعتقل واجاج الافراج
لا بس مشاقة لامي كلش
يلة خل نروح
سلمت على عمتي وعمي وطلعت وياه اول طلعة النة بعد الزواج صعدنة تكسي وطلع لاهلي من وصلنة نزل وياي انطاني مصرف كال خاف تحتاجين شي واني اخابرج واجي اخذج راح خطوتين ونوب رجع كال امل اريد اكلج شي يعني عاد اني كتلة ليث شكو شي صار بيتنة يظل بالبيت ميطلع مو طبعي اسولف كال اهااا عفية يلة مع السلامة
دخلت البت خالتي ركض حتى من شافتني خالتي سودة علية اخترعت عبالهة بيه شي
وكعت عليهة بوس وحظن ولج يمة فدوة اروح الريحتج هي بهتت من الخرعة ومن الشوك ومن المفاجئة نوب كامت تغلط علية ليش ولج راح ليث غير نعزمة على العشة كتلهة غير مرة
خابرت احلام كتلهة خل يجيبج زوجج كلبي طاك عليج هي بعد عشر دقائق بسيارة والله اجتهة من الله كالت  اعتبريني يمج
ولحكايتي تتمة