زوجة للتجربة

البارت السابع

بعد مااكلوا وطلعنة شفت محمد هو دفع احسابنة ماقبل جنان تدفع
_ ولج شوفي هو دفع يمة الحب يمة
_ولج ياحب هاي شبيج اني وين اعرفة
_ شمدريني حبي دشوفي هو نزل عينة منج
_ امشي وكافي كلام زايد
طلعوا كدامنة اني امشي اني واحلام اخرشي جان تجيني جنان وجوة عباتهة  علاكة كالت هاج اكلي هاي لفة كباب راح اروح للمقبرة وخاف تتخربطين كتلهة شكرا حبي شمدريج ماكلت
كالت والله ولا ادري حرت ابطني وبنتي بس محمد اجاني كال مااكلت امل هاج هاي لفة اكيد متحب الدجاج كتلة اي والله متحب الدجاج ولا الكص مالت السوك
ولج هذا الولد ميت عليج ليش ماكتيلي شافج بالعرس
يمة اني متت خجل نوب دازلي لفة
كتلهة اشافني هو دخل للمطبخ راد بيبسي وانطيتة وخلص
_اي ولج هو منشافج بسرعة وراج اجة سأل عرفج منو وكال الامه اني هاي البنية الاريدهة شوفيلي امهة عاد اجت عمتي ذبت حجي الامي بس امي مادري شبيهة والله الولد درة ماكو منة ادعي الله يصير من نصيبج
_ اني استحيت سكتت
_ ولج هذا شوكت شافج وليش مكتيلي
_ دمشي حلومة اسولفلج بطريق
كعدتني جنان بزوية اكل لفتي وياهة جايب بيبسي اكلت واني مبتسمه كملت كلت الاحلام اريد اغسل كالت تعالي ووكالت الخالتي احنة رايحين للمغاسل شفتهة اشرت بس ماعرفت المن
_ رحت للمغاسل وغسلت من طلعنة جان اشوف محمد شوية عن المغاسل واكف
اني كلش خجلت كمت اتعثر كالت جنان تعالي بس يحاجيج حجايتين
كتلهة لا عفية شنو يحاجيني وديني لامي
_ شنو وديني لامي انتي جاهل هو راح يكلج كلمتين قابل راح ياكلج
هو من شافنة اقترب علينة
_السلام عليكم
_ وعليكم السلام (بصوت ناصي)
_ شلونج امل
_ الحمد لله
_ الحمد لله صارت فرصة اشوفج مرة ثانية بس مو تخزريني وترحين مثل ذيج المرة
اني ابتسمت ودنكت
_ شوفي يابنت الاصول اني لاحب الف ولا ادور انتي عجبتيني ودخلتي عقلي وزاد اعجابي كونج اخت جنان جنان عزيزة على كلبي واكثر من اختي ونوب زيدت اعجابي بكد ماحجتلي عليج فاني جاي من الباب كل الاريدة تفكرون بيه بايجابية واي شي تامرون بيه اني حاضر
_اني خزرت جنان ودنكت
_ ياريت تحجين حتى اسمع صوتج اعرف جوابج المبدئي يعني اكو امل يا امل لو لا
_ الدكولة امي هو اليصير مااكدر اكلك غير شي ولا اوعدك بالقبول كلمة امي هي الاولى  الاخيرة
ياالله خير بلكت الله وتقتنع اني شاريج
_ الله كريم
رحنة لسيارة والطريق كلة احجي على جنان على هذا الموقف وهي تضحك دكول صرتي كدامة طماطية من الخجل من رحتي كال لو بيدي وامج تقبل هنا نعقد واخذهة البيتنة هههه
_ هذا مخبل شنو هذا الحجي
_ ولج يحبج ثقي هو جان معرض عن الزواج حتى ياسر ازغر منة وازوج هو ماقبل
_ ديلة خل انروح هسة امي تكلب الدنيا علينة 
وصلنة وصدك امي ماقصرت برزايل نوب رخنة للمقبرة وزرنة اهلهم وبعدين اخذوني الاهلي من شفت قبورهم نار شبت بصدري واذكرت كل كلمة خالتي حجتهة عنهم قبل جنت اجي بس زغيرة هسة فاهمة اعرف شنو يعني الاهل شنو يعني تعيش ماتعرف اهلك ونوب تسمع عنهم كلام جميل انهم كانو نبع للحنان والطيب
فقدت بجي ساعة يم امي وساعة يم ابوية واخوية بنصهم ابجي حيل بس بلا صوت هذا طبعي اكتم ماابين بس ماكدرت اكتم دموعي ولا اكتم اشتياقي وحنيني
خالتي هم تبجي مثلي بس بعدين حطتني بحظنهة كالت اني امج ليش هيج تبجين مو ذبحتيني عاد حظنتهة وبجيت خطية خواتي كلهن يبجن على بجيي وباسني وكومني من كمت شفت محمد جاب بطل مي بارد وانطاه الجنان كلهة غسليلهة فرفحت
اخذت المي وغسلتلي
واخذتني لسيارة هنا ظلن جرجرة تجي وحدة وتروح الثاني اني شفت محمد ظل يحوس يم السيارة ومقهور يباوع عليهة ويفتر خطية الظاهر اتأثر من شافني هيج صفنت عليه كلت يمكن اذا يصير زوجي يسعدني لان مبين حريص علية انتبه اني مااكلت في حين كل الحوالي منتبهوا وعرف عطشت وبسرعة جاب المي يعني مهتم بية كلش مو قصة بس يريدني اوافق لا اكو اشياء تدل على الاهتمام والنباهة بصراحة صار توجه فكري يمة وبدة يحرك مشاعري بس اخاف شنو تاليت هاي المشاعر
رجعنة للبيت وبلشت خالتي تحجي وتذم بعيال جنان ماعرفت ليش هيج خالتي تضوج منهم من قبل بس عبالي همة موزينين بس اني شفتهم بالعرس وبزيارة خوش ناس محترمين ومالهم دخل بااحد وجناينهم على راحتهن بعد مادري وين تصفة وية خالتي وعيال جنان
ولحكايتي تتمة