زوجة للتجربة

بارت ٢١

ياالله شنو قرارج
_ الرفض
بعد هدوء للحظات
_ اكدر اعرف ليش
_ خليهة بلا متعرف احسن
_ لا ارجوج احتاج اعرف
_ شوف مازن اني صح يتيمة ومالي احد بس مو معناهة اني سلعة بايدكم بالاول تزوجوني للتجربة
_ ارجوج لاتخبطيني باهلي اني ماقابل على هاي الزواجة
_ لو سمحت خليني اكمل
_ تفضلي
_ بالاول اكون تجربة لذكورة رجل وبالثانية راعية لامك وابوك حتى تكدر تبقة انت بالخارج ومتضطر ترجع للعراق فكلت خليهة هاي اليتيمة يم اهلي وحتلو اجيهة بالسنة مرة متحجي لان سكتت على اخوية اربع سنوات ومحد عرف قصتهة اكيد حتتحملني
ناسين اني انسانة مخلوقة من دم ولحم ومشاعر شنو تردون بعد مني مو كافي اربع سنوات ضاعت من عمري من اجمل سنين عمري راحت منو يرجعهة الي
سكت وبعدين جاوب
_ طبعاً حقج ترفضيني بعد الصار بس اني مالي ذنب اني انعجبت بيج وباخلاقج مالكة احسن منج
_ اسألك سؤال اذا وافقت انت ترجع للعراق
_ ارجع بس فترة واسافر بس فترات قليلة مااطول
_ اني انطيتك جوابي وماعندي غير كلام وياك
_ هيج بسرعة نهيتي كلشي
_ ماعندي شي وياك حتى انهيه
_ زين واذا استقريت بالعراق
_ انت تكدر تستقر بالعراق؟
_سكووووت
_ خل اوفر عليك الاجابة انت متسكن بالعراق وحتلو تسكن مااقبل بيك
_ ليش
_ ليش تسألني ليش ولكم شأنسة منكم ضيعتوا عمري كلكم نفس الشي تفكرون بس بنفسكم حتى انت
بعد لا تخابر حتى لا اجرحك بالكلام
_ براحتج مع السلامة
سديتة واني ارجف من الحركة والعصبية شنو من بشر هيج ماكو انسانية ماكو رحمة هيج بشر استغلالي مشايفة
مازن بعد مااتصل ولو متصل جانت بعد طلعت قهري بيه
صدك ضايجة منهم وبقائي لان استخطيهم ماعدهم احد خل يرجع ابنهم واولي بغير مكان عسما بشارع بلمكبرة باي مكان ولا يمهم
دائماً من اسوك الف نفسي بالعباية وحتى انزل الحجاب على عيوني قليل يبين من وجهي لان اكول ارملة مااريد اصير لكمة سهلة الكل يطمع بيهة ويخلي عينة عليهة
اكو اسواق كبيرة دائماً اقصدهة بمسواكي لان بيهة كل طلباتي اني عادتاً اخذ حاجتي واطلع بلا مااباوع على كملت مسواكي ورحت احاسب يم المحاسب حاط مكتب او ميز وهو واكف ورة مرات ثنين ثلاثة واكفين ماانتبه
ردت احط المسواك جان دخت وبدل مااحطهن على الميز  طاحن بلكاع
جان سمعت صوت الله الله لاتهتمين اني المهن اجة سريع وبدة يلمهن الظاهر جان واكف يم المحاسب
_ سلامات ماصار شي
_ شكرا اخي
_ العفو بالخدمة
اني خجلت من الموقف حتى من حاسبوني انطيت الفلوس بلا مااتأكد من احسابهم مثل كل مرة لان مرات يخطأون
طلعت جان اسمع صوت وراية
_محتاجة اوصلج البيتكم
_ شكراً
_ العفو بس شفتج تعبانة كلت اوصلج
_ تسلم بيتي قريب
هو هذا نفسة الم الغراض شعندة لاحكني صدك خفت خاف يلحكني ويطلع عصابة عزة العزاج امل شلون تفكير هو اني عوزي هبطة
رجعت سريع للبيت امشي واتلفت الحد ماوصلت البيتنة يلة تنفست باوعت البيت اهل مصطفى ونقهرت من وفاة ليث مااعرف اخباره انقطعت عنة ورة الحادث وبعدين شالوا لان زوجة ابوه سوت مشكلةجبيرة وية ناس وهددوهم ميظلون بالمنطقة خافوا وشالوا حتى مااعرف وين اااوف الدنيا متخلي لا حبيب ولا صديق
دخلت للبيت لكيت عمتي بطرمة سلمت وردت ادخل
جان دكول يمة تعبناج
كتلهة لا مسويت شي
كالت يمة احنة كسرنة بختج  بس اريد بروح اهلج سامحي ليث وبريه الذمة
_ صفنت عليهة كتلهة مسامحته والله يسامحة ويرحمه
_ الله يوفقج يمة وكامت تبجي
اني كلبي خلصان من الهبطة حتى مابية ابجي دخلت للمطبخ وبديت ارتب الغراض  وكملت صعدت لسطح اباوع على مكان مصطفى ياترى وين هسة هو ونجح هلسنة لا
جان اني هسة مكملة اول مرحلة كلية راحت احلامي وبقت ملابسي بالكنتور لو هماتين متبخرة احسن حتى لا انقهر اني صافنة وافكر وماحس الة شخص كبالي على سطح جوارينة صافن علية وعبالة اني هماتين صافنة عليه وجان اجفل
ردت انزل جان يكول بعد وكت والله صفنتك اطير العقل
يمة عزة العزاج اميلة شصعدح لسطح كلبي اليوم من الهبطات يوكف
نزلت الغرفتي وسديت الباب وكمت ابجي احس نفسي خايفة مرعوبة مربكة متهززة اطيح من نفخة وحدة الى متى اظل هيج لا اني قوية ومااخاف ولا اني عندي احد احتمي بيه هو ليث هستوني بديت احس وياه بالامان وراح بعد شيرجعه
صارت امور وياي خلتني افكر ازوج باي شخص اهم شي استر نفسي وتكف عيون الناس عني ...شنو هاي الاموور ؟
جارنة الشافني مشتري بيت اهل مصطفى دلال عقارات مزوج وعندة خمس جهال من شافني وسال عني وعرف ارملة جعب الي كلما اطلع لسوك الكاه بلباب يذب حجي بس مو مؤدب لا حجي نيتة زواج وشاريد حاضر حتلو بيت باسمي اني كلة امشي وساكتة وهو يحجي ولا جاوبتة جواب
الامر الثاني الولد الشفتة بالاسواق كمت كلمرة الكاه هناك ويظل يراقبني الحد مااطلع
قررت اقلل مسواكي وكمت ءأكد على عمتي خل يرجع مازن اني مرة مو مال اشيل مسؤلية بيت هي دكول حقج يمة وتلف فوطتهة وتسكت
بدت الطلعة تخنكني وترعبني اخاف انخطف منو يعرفلي طريق لو اتكطع قطع محد يدري عني شي
قررت اروح الغير اسواق  كمت اخاف من هذ صدك ذيج الاسواق احسن الي بس سلامتي اهم
رحت الاسواق كلش جبيرة بس شوية بعيدة دخلت جوة وجاي اختار بالغراض ماحسيت الة على صوت طلعني من عالم الافكار الى الواقع
_ قلقتيني عليج صارلج فترة ماكو
التفت على اتجاه الصوت شفتة نفس الولد  ولد شاب يطلع عمره٢٦ او  نهاية العشرينات طولة وسط مربوع حنطي عيونة عسلية وحواجة مجرورات
_ العفو اني اعرفك
_ اني ذيج المرة بالصدفة شفتج بالاسواق
_   شلت عني العلاليك المفروض شأسوي مثلاًاخذ رقمك لو شتريد بضبط اتعارف وياك  منين مالتفت الكاك شنو ماعندك شغل عمل غير مضايقتي
_ اسف والله ماقصدت مضايقتج
_ لعد شقصدت وشتريد
_ مدامج معصبة مااكدر احجي ومنا ناس بدت تنتبه علينة
_ يااخي ارجوك تركني بحالي مناقصة وجع راس ولا مشاكل عوفني لاصدك الم عليك الناس
_ شوفي الظاهر انتي خايفة مني اني مااريد الف وادور عليج اريد احجي وياج بموضوع خاص تحبين تسمعين بلا عصبية
_ شنو الموضوع الخاص اليربطني بيك
_ اصبريلي شوية ارجوج بلا انفعال بس دقيقة رايد من وقتج
كلت خلة اشوفة شيريد بلكت يبطل عن مضايقتي
تفضل بس ياريت باختصار
_ صارر شوفي يابنت الناس اني صارلي فترة مراقبج
اني فتحت عيني
لاتخافين نيتي شريفة شفتج اكثر من مرة باسواق حجي فاضل وعجبتيني كلش احجيلج بصراحة كلش عجبتيني راقبتج وعجبتيني اكثر حسيتج كاملة من كلشي اني اريدة بشريكة حياتي
اني هنا خزرتة وردت امشي
_ انتظري ياعيني اني جايج من الباب ليش ترفضيني اني اسمي علي مدرس لغة عربية  عندي وظيفة ومستعد ءأجر بيت خاص النة بعيد عن اهلي واني خالي مختلي لا حبيبة ولا خطيبة ولا شي شدكولين
_ شأكول  شتتوقع مني اكول اولاَ فاجئتني ثانياً لا اعرفك ولا تعرفني
_ بالنسبة الي اعرفج وعرفت حتى اقربائج وبيت خالتج العشتي وياهم
_ شنووو
_ لعد غير ناوي تكونين زوجة المستقبل اكيد اسأل عنج من كل الجهات
_ اني ارملة
_ واذا
_ وانت شاب اعزب ومدرس شلون تشوفني كفئ الك
_ الحب مايعرف الفوارق واني بصراحة حبيتج ومستعد اسوي اي شي حتى احصل عليج مااوعدج باموال وذهب لان الراتب يادوب يكفي معيشة وأيجار بالمستقبل بس اوعدج بحب واخلاص ميخلص ابد
جملتة الاخيرة حركت مشاعري وخجلت
درت وجهي
_ فديت اليخجل هسة شكلتي
_ مااعرف
_ رجائاً فكري بجدية واسألي عني هاج هاي ورقة بيهة رقمي واسمي وعنوان اهلي دزي احد اقربائج يسأل عني
_ اخذت الورقة بلا كلام ومشيت
وكظيت الطريق كلة ساعة الوم نفسي لان اخذت الورقة وساعةاكول شسوي لعد
من وصلت صحيت على عيطة بوجهي مامتوقعتهة من منووو
ولحكايتي تتمة