زوجة للتجربة

بارت ١٥

نجح مصطفى صدك درجاته موشي بس نجح الحمد لله واول واحد بشره بنجاحه هو اني صدك فرحت عبالك اني نجحت مو هو
كال شوفي شلون اني شاطر ويكلولي انت اثول عبالهة بس ابنهة شاطر نبيهة
_ ههههه هسة شعليك بيهة وهو ابنهة مو بعدة زغير
_ دكلي هسة ابني يكبر ويصير طبيب وانت اصير زبال
_ مصطفى انت ذكي لاضيع مستقبلك بحجيهم انت ادرس وصير طبيب اني اريد اتعالج يمك من اكبر
_ اني اريد اصير طبيب اطفال واعالج جهالج
من كال جهالج مادري شبيه اشو نقهرت وضجت كتلة يلة اني حنزل مع السلامة وانتظرني المغرب اجيبلك كباب طاوة
_ اي عاشت ايدج كبابج يخبل
نزلت افكر جهال صدك اني هيج اظل مااريد طفل يسد علية وحشة الحياة التهي بيه ينسيني يعوضني حنان الام والاب والاخ
اااخ وتالي هاي صارلي سنة من مزوجة شكول والاهل قبل البعيد اكلو كلبي على الطفل هسة بالاول خل ازوج نوب يلة اخلفلكم طفل
نزلت لكيت ليث جاي
هلو ليث الله يساعدك  احضرلك الحمام
_ هلة وين جنتي
_ بسطح محتصرة
_ خوما اكو احد فوك من الجوارين
_ لا قابل منو هو منو يصعد بعد لسطح الشباب تارسة الكوفيات
_ خوش بس لاطولين
_ حاضر
_ حضروا نفسكم هلايام يجي مازن
عمتي من بعيد وصاحت يمة وليدي وضوة عيوني شوكت يجي
_ كال هلايام يجي مامعلوم شوكت حسب الرحلة
_ حبيبي وليدي ربي رجعة الي سالم مثل مارجعت يوسف اليعكوب ياربي
راحت عمتي لسوك مخلت شي مجابته شيحب وشيريد وخاف يجون الاقارب المهم ترست المطبخ مسواك وشدكلي احضر ولفينة كبب بانواعهة  وكبسنة طرشي هواي اشياء حضرنة مر كم يوم وكعدت الصبح على صوت عمتي عالي طلعت من الغرفة باستعجال فتحت الباب جان يصير كبالي ولد شاب رفع راسه وظل يباوعلي اني بالعجل دخلت وسديت الباب عزة العزاني نسيت نفسي بلا حجاب اني مادري اكو احد بالبيت ومتعودة بلا حجاب بالبيت رحت الحمامي غسلت وبدلت ولبست حجاب وطلعت اكيد هذا مازن اجة
_ السلام عليكم
_ وعليكم السلام هلا بامل شلونج
_ هلو مازن الحمد لله على سلامتك
_ الله يسلمج ويبارك بيج امي بس تمدح بيج بنت اصول
_ انتم الاحسن تسلم حضرلك ريوك
_ ياريت ميت جوع
_ اي يمة سولفلي شلونك شنو وضعك
_ علكيفج يمة خوما كلهن احجيهن الج يومية وحدة
_ شكد ناوي ظل
_ مادري شهر اقل حسب وضعي
_ ادري يمة مانوي ترجع الوطنك واهلك مو متت من فراكك هاك شوف ابوك صاير شحالة بغيابك
_ مااكدر ارجع الة اكون نفسي
_ اريد ازوجك افرح بيك
_ مثل مازوجتي ليث ؟
_ بطلت مازوجك ارتاح
_ ادري يابنت الناس توليتي الولد اسئلة ماصارلة ساعة من اجة انطيه مجال اكلتيه حاصل فاصل
_ شبيك يارجال غير كلبي ماكلني على وليدي حقي اتخبل عليه
مازن شاب مرتب جداً ونظامي عندة وقت محدد لكل شي وقت للاكل وقت للطلعة وقت للقراءة والاطلاع مثقف واريحي ويحب يضحك ويشاقة هيج شي مشفتة عند عيالي الجامدين التقريباً اني صرت مثلهم نفس طبعهم من عاشر قوماً بات مثلهم ...
_ عاشت ايدج اموولة لو ليث ميقبل ندلعج
_ وايدك العايشة بكيفك تمون
_ شلونة ليث وياج
_ الحمد لله
اخذت السفرة وكمت كام راد يساعدني اني مخليتة كتلة ارتاح ماعندي شي دخلت للمطبخ كملت شغلي وسويتلهم الجاي من طلعت ملكيتهم استغربت سمعت صوتهم بالغرفة عفتهم واخذت اكل المصطفى وصعدت السطح وكتلة عدنة خطار مااكدر اشوفك بس من يصيرلي مجال اجيبلك اكل نزلت بعدهم بالغرفة دخلت الغرفتي ومرت الايام نفس الروتين مرة كعدت عطشانة بليل كل مرة اخلي مي عندي ثلاجة زغيرة بالغرفة للمي والعصائر هلمرة نسيت
طلعت ..
ولحكايتي تتمة