زوجة للتجربة

بارت ٢٧

زوجة احمد حماي فقيرة وحبابة اعرفهة تختلف عنهن بس كلش جبانة تخاف منهن بشكل
حسيت عدهة كلام من تباوعلي اكو كلام بعيونهة ردت فرصة حتى اختلي بيهة واسألهة
شفتهة راحت الغرفتهة لحكتهة بهدوء اسحب
دخلت بسرعة وراهة وقفلت الباب
_ هاا ام سيوفي خيرج
_ سلامتج بس مااجذب عليج مامرتاحة
_ ليش شكو شنو مضوجج
_ احس اكو شي واعرف انتي تعرفين
_ اي اكو واني حاولت ابينلج بس مصارت فرصة واني اخاف تعرفين بية... بس انتي خوش بنية ويتيمة لازم تعرفين
_ كولي وكعتي كلبي
_ عيني ام سيف ديبالج على علي ترة الحبايب حطنة بالهن
_ شتقصدين
_ اقصد عمتي نوت ازوج علي وجاي تسعة حتى ازوجة
_ شلون ومنو
_ لاظلين تسألين لا تدخل علينة وحدة واسود عيشتي
شوفي اني قبل كم يوم سمعت عمتي توصي برحاب بنت عمهم ان تلتف على علي وتاخذة وهي صارلهة فترة تخابرة وتحاول وياه  وعمتي وعدتهة تأجرلهم بيت تكعدهة بيه هي وياه
بس كون علي يطلكج
_ عزة واني شمشويتلهة هيج تكرهني
_ لان علي حبج وعاندهة واخذج وكسر كلمتهة تريد تكسرج
_ وهاي رحاب متخاف الله تاخذ رجال من مرتة واولادة
_ دكول علي شاب ميتعوض كلشي بيه عاجبني وعود تسويلج نفقة
عيني ديبالج حتى ناوية تسويلة عمل شيطاني
_ يمة دخيل الله نووب يسوون سحر
فدوة العينج شأسوي والله كلشي مااعرف
_ موكت بجي وتولول حافظي على زوجج وديبالج منهن ولاتنطيهن مجال اني طالعة
لا طلعين وياي الة بعد فترة

راحت واني عقلي كام يفتر شاسوي شلون احافظ عليه والله لا اعرف حيل ولا اعمال ياربي منك اريد العون والنصرة
طلعت وحاولت اكون طبيعية وكمت انتبه للباب خاف يجي علي اني اتلاكاه مااخليهة تلتقي بيه
بقيت ابد مامرتاحة صار ليل وعلي مااجة كمت اراقب رحاب مرات اشوفهة مرات لا
اتصل بعلي ميشيل ومرات مغلغ كلبي لعب وكام يفور
تاخر الوقت كلت خل اطلع اسأل الولد بلكت يصيحوه الي
طلعت بالحديقة مشفت احد التفيت للحديقة الخلفية كلت بلكت اشوف واحد
طلعت ولكيت علي واكف ومقابيلة رحاب تحجي وياه بدلع وتضحك وهو مقترب يمهة ومادري شيسولف جان طلعت جوكليتة من صدرهة وفتحت ايده كالتلة هاي من كلبي الك علوكي وتضحك
اني صايرة بزوية ظلمة مشافوني
شبت نار بيه من الحركة
واحس راسي راح ينفجر
بس همزين عقلي شتغل عرفت العمل الكالت عليه امنة زوجة احمد بالجوكليتة مبين من كلتلة من كلبي الك
شفتة يريد يفتحهة
رجعت للممر وسويت نفسي اصيح سيوفي ماما وين صرت حبيبي
وصلت للحديقة لكيت بس علي رحاب ماكو الظاهر شردت من الممر الثاني لان داير البيت ممرات وحديقة امامية وخلفية
من شافني ارتبك وحسيتة خجلان مني
_هاي انت هنا حبيبي واني ادور عليك اتصلت بيك ماكو وين جنت شنو شارد مني
_ شلون اشرد منج وانتي النفس اليصعد والينزل جرني وباسني
_ لعد ليش اتصل مترد
_ والله صوت الديجي طرشني والمبايل خلص شحن خليتة باللاستقبال على الشحن
_ هاي شنو جوكليتة اكيد مالت العرس اشتهيتة انطينياهة
_ هسة لحكتيني عليهة عوفيهة
_ الله عليك تعزهة علية
_ روحي ترخصلج هاجياهة اصلن مااحب الجوكليت شلي بيه وعندي غندورة وتوفي وشوكلاته
_ دكافي غزل لا يدخل احد ويشوفنة
_ ادري بايك مرتي وحلالي وبكيفي
دخلنة ناخذ الجهال نرجع للبيت وصارت بوجهنا رحاب هو كان محوطني بأيده ولازم ايدي بايدة الثانية وكلساع يبوسهة من شاف رحاب ما وخر ايدة وبقة يبوس بايدي اني تصورت راح يرتبك ويتركني بس مسوة هيج
هي من شافتنة ضاجت حاولت تغثني
_ هاا علوكي حتروح
_ اي حروح اموولة تعبت
_ ناموو هنا علشنو رايحين
_ لا عيني احنة متعودين على غرفتنة
_اهاا بكيفك
عفية عود شوف بلكت اتعين يمك
_ الله كريم
تصبحين على خير
اخذنة الجهال ورحنة للبيت الطريق كلة ساكتة وكلما اذكر من شفتهم بالحديقة امووت ميت موتة
معقولة هيج وياي ويحب غيري
شبيج امولة الطريق كلة احجي وحدي وانتي بس سارحة شبيج اكو احد غثج
_ اذا على المغثة منين مالتفت موجودة والحمد لله
_ لازم امي مابطلت منج
_ عادي تعودت
_ لاتهتمين هسة نوصل للبيت وانسيج وهمزين الربع راحوا ناموا عبالك جانوا بحرب
وصلنة للبيت وديت الجهال بفراشهم
.....
من حاول يتقربلي علي مكدرت تخايلت منظرة من جان وياهة دفعته وكمت
_ هاي شبيج حبي
_ علي مااكدر اسكت شعندك وية رباب
_ شنوو هاي شبيج
_مابية شي بس شوية وانجن شنو بينك وبين رباب جاوبني بلا كذب
_ اهدي حبيبتي وعيونج مابيني وبينهة شي
_ شنو مابينك وبينهة اني اعرف بينكم اتصالات وشفتكم سولفون سوة
كعد وتنهد
_ ثقي بس انتي حبيبتي وهاي رباب هي لازكتلي واني صح جنت اخابرهة لان حسيت بفراغ عاطفي من ههملتيني بس وتركتهة من سمعتيني اخابرهة واني اي مشاعر ماعندي اتجاهة
_ زين وكفتك وياهة بالحديقة شنو معناهة
_ والله اذا اكلج مصدكين
_ احجي خل اشوف
_ من تحاجيني مااكدر اصدهة بس من تروح مااريدهة ماادري ليش من اسمع صوته احب اسمعه بس من تروح لو تسكت ارجع طبيعي
بس ثقي ابد ماعندي مشاعر الهة اصلاً ماتعجبني جرائتهة وذابة نفسهة علي بس هي اظل بنت عمي خوما افضحهة شبيج انتي
_ يعني شنو تحب صوتهة
_ كتلج ماادري امل لاتلحين
_ لعد منو يدري فهمني
_ تعالي ياحبيبتي تدرين بيه احبج وماابدلج بنسوان الكون بعد شكو هلملحة والقهر تعالي ياعيني
عرفت هذا ملعوب منهن وعرفت شيقصد علي ميكدر يصدهة بس شسوي ياربي وكلت امري الك ماعندي غيرك وكيل
عدت اليلة بهدوء ورضاني علي بس مامرتاحة ثاني يوم توسلت بيه منروح كال عيب هذا اخوية لازم اكون حاضر واني مااكدر اعوفة يروح وحده وهاي الحية هناك
تحضرنة ورحنة وياريتنة مارحنة

ولحكايتي تتمة