يوم الخطوبة اخذتني ام مازن الي هي راح صير عمتي وحنان للصالون جنان مقبلت تروح وياية على الرغم اني متعودة عليهة هي تروح ويانة وين منريد بس كلش ضايجة وتضحك جذب بس مجاملات وية امي
ام مازن جابتلي فستان كلش حلو بصلي ستن طويل ودلع من الصدر والظهر وبيه شغل ناعم نازك اني مقبلت البسة بس قنعني كالن حطي شال على صدرج وماكو احد غريب يعني همة بس الزلم بس ابو مازن وليث العريس 😏ونسوان بس ام مازن ماعدهم كرايب بالمنطقة وقبل كم يوم اجو بالمشية فمادزوا عليهم رادوهة عائلية
لبست الفستان وعدلتني ام الصالون وخلت شعري مفتوح هو طويل لنص ظهري جوزي وحواجبي بلون شعري مردتهة تحفهن بس تعديل ولا صبغت كالن للعرس اصبغ طلعت حلوة وخواتي فرحن بيه وام مازن كلما شوفني اصلي على محمد
جابو سيد كطع مهر صاحولي لبست عباية وغطو راسي و وجهي بقطعة بيضة حتى لايبين مني شي ودخلت وعقد السيد واني ظلت غصة بصدري كلش اذتني
من كملنة عقد كالوا خل يدخل الولد يشوف عروستة
دخل شفتة ولد متوسط الطول جسمه مائل للنحافة لونة على سمار الظاهر بسبب عمله عيونة سود وحواجبة سود شوية ثخان خشمه طويل شي على شي لابأس بيه بس مقارنة بمحمد محمد احلى بهواي استغفر الله بعد صرت بذمة رجل
اجة كعد خجلان باوعلي ورجع دنك
نوب اجت امة شاورتة
فالتفت الي وكلي مبروك بخجل مااعرف برود
كتلة الله يبارك بيك
امة طلعت الذهب حلقة وتراجي ومحبس ومدالية وسوارين
وكلتلة لبسهة يمة جان يكول ليش
كلهة ضحكت اني هم ضحكت على حظي
كام يلبسني عبالك يلبس لاختة او امة يعني بلا مشاعر مادري هيج اني حسيت
خلصت الحفلة لا حاجي شي ولا باوع شدكلة امي يسوي مدكلة ميسوي بالبداية عبالي امره بيد امه بعدين كتشفت الامر اكبر من هذا
وبحكايتي معانات
ولحكايتي تتمة
أنت تقرأ
زوجة للتجربة
Chick-Litقصة فتاة يتيمة عاشت في بيت خالتهة الحنون لتكبر وتتزوج شاب اتخذها للتجربة ومنها تعصف بها الالام والاحزان تابعونا ..قراءة ممتعة
